പകർപ്പവകാശ ലംഘനം: കങ്കണക്കെതിരെ കേസെടുത്തു

മും​ബൈ: നി​ർ​മാ​ണ​ത്തി​ലു​ള്ള സിനിമ 'മ​ണി​കാ​ർ​ണി​ക റി​ട്ടേ​ൺ​സ്​: ദ ​ല​ജ​ൻ​റ്​ ഒാ​ഫ്​ ദി​ഡ്​​ഢ'​യു​ടെ ഇ​തി​വൃ​ത്തം മോ​ഷ്​​ടി​ച്ച​തെ​ന്ന ഗ്രന്ധകാരൻ ആശിഷ്​ കൗളിന്‍റെ പരാതിയിൽ ന​ടി ക​ങ്ക​ണ റ​ണാ​വ​ത്തി​നും സഹോദരി രംഗോളിക്കും മറ്റ്​ രണ്ട്​ പേർക്കുമെതിരെ പൊലിസ്​ കേ​സെ​ടു​ത്തു. അന്ധേരി അഡീഷണൽ ചീഫ്​ മെട്രൊപൊളിറ്റൻ മജിസ്​ട്രേറ്റ്​ കോടതി ഉത്തരവിനെ തുടർന്ന്​ ഖാർ പൊലിസാണ്​ പകർപ്പാവകാശ നിയമ പ്രകാരം കേസെടുത്തത്​.

'മ​ണി​കാ​ർ​ണി​ക റി​ട്ടേ​ൺ​സ്​: ദ ​ല​ജ​ൻ​റ്​ ഒാ​ഫ്​ ദി​ഡ്​​ഢ'യുടെ കഥ തന്‍റെ ​'ദി​ഡ്​​ഢ: ദ ​വാ​രി​യ​ർ ക്വീ​ൻ ഒാ​ഫ്​ ക​ശ്​​മീ​ർ' എ​ന്ന പു​സ്​​ത​കത്തിൽ നിന്നെടുത്തതാണെന്നാണ്​ ആശിഷ്​ കൗളിന്‍റെ പരാതി. പുസ്​തകത്തിന്‍റെ ഹി​ന്ദി പ​തി​പ്പി​ന്​ ആ​മു​ഖം എ​ഴു​താ​നാ​വ​ശ്യ​പ്പെ​ട്ട്​ ക​ങ്ക​ണ​ക്ക്​ ഇ-​മെ​യി​ൽ വ​ഴി അ​യ​ച്ച വി​വ​ര​ങ്ങ​ളാ​ണ്​ സി​നി​മ​യാ​ക്കി​യ​തെ​ന്നും ആരോപിച്ചു.

ക​ങ്ക​ണ 'മ​ണി​കാ​ർ​ണി​ക' പ​ര​മ്പ​ര​യി​ലെ ര​ണ്ടാം ചി​ത്രം പ്ര​ഖ്യാ​പി​ച്ച​ത്​ മു​ത​ൽ ആ​ശി​ഷ്​ ആ​രോ​പ​ണ​വു​മാ​യി രം​ഗ​ത്തു​ണ്ട്. പൂ​ഞ്ചി​ലെ രാ​ജ​കു​മാ​രി​യാ​യി​രു​ന്ന ഒ​രു കാ​ലി​ൽ പോ​ളി​യോ ബാ​ധി​ച്ച ദി​ഡ്​​ഢ​യെ കു​റി​ച്ച്​ ആ​റു​ വ​ർ​ഷ​ത്തെ ഗ​വേ​ഷ​ണ​ത്തി​ന്​ ശേ​ഷ​മാ​ണ്​ പു​സ്​​ത​ക​മെ​ഴു​തി​യ​തെ​ന്നും ദി​ഡ്​​ഢ​യെ കു​റി​ച്ച്​ അ​വ​രു​ടെ വം​ശ​ജ​നാ​യ ത​േ​ൻ​റ​ത​ല്ലാ​ത്ത മ​റ്റ്​ ആ​ധി​കാ​രി​ക ഗ്ര​ന്ഥ​മി​ല്ലെ​ന്നും ആ​ശി​ഷ്​ അ​വ​കാ​ശ​പ്പെ​ട്ടു.