Begin typing your search above and press return to search.
exit_to_app
exit_to_app
Charanjit Singh Channi and Rahul Gandhi
cancel
Homechevron_rightNewschevron_rightIndiachevron_rightഅമരീന്ദറിന്‍റെ പുതിയ...

അമരീന്ദറിന്‍റെ പുതിയ പാർട്ടിയും സിദ്ദുവിന്‍റെ പിൻവാങ്ങലും; രാഹുലും ചരൺജിത്​ ചന്നിയും കൂടിക്കാഴ്ച നടത്തി

text_fields
bookmark_border

ന്യൂഡൽഹി: പഞ്ചാബ്​ കോൺഗ്രസി​ൽ ആഭ്യന്തര കലഹം തുടരുന്നതിനിടെ കോൺഗ്രസ്​ നേതാവ്​ രാഹുൽ ഗാന്ധിയുമായി കൂടിക്കാഴ്ച നടത്തി മുഖ്യമന്ത്രി ചരൺജിത്​ സിങ്​ ചന്നി. വ്യാഴാഴ്ചയായിരുന്നു ഇരുവരും തമ്മിലുള്ള കൂടിക്കാഴ്ച.

വരാനിരിക്കുന്ന നിയമസഭ തെരഞ്ഞെടുപ്പ്​ തന്ത്രങ്ങളും പാർട്ടി നേരിടുന്ന പ്രശ്​നങ്ങളും ഉയർത്തിക്കാട്ടിയായിരുന്നു ചർച്ച. പഞ്ചാബ്​ കോൺഗ്രസ്​ അധ്യക്ഷൻ നവജ്യോത്​ സിങ്​ സിദ്ദുവിന്‍റെ പിൻവാങ്ങലും മുൻ മുഖ്യമന്ത്രി അമരീന്ദർ സിങ്ങിന്‍റെ പുതിയ പാർട്ടി രൂപീകരണവും ചർച്ചയായി.

കേന്ദ്ര ആഭ്യന്തരമന്ത്രി അമിത്​ ഷായുമായി അമരീന്ദർ കൂടിക്കാഴ്ച നടത്താനിരിക്കേയാണ്​ കോൺഗ്രസിലെ തിരക്കിട്ട നീക്കങ്ങൾ. അമരീന്ദർ പുതിയ പാർട്ടി രൂപീകരിക്ക​ുമെന്നും ബി.ജെ.പിയുമായി സഖ്യം ചേരുന്നുവെന്നുമുള്ള അഭ്യൂഹങ്ങൾക്കിടെയാണ്​ ഇത്​.

കഴിഞ്ഞദിവസം അമരീന്ദർ സ്വന്തം പാർട്ടി പ്രഖ്യാപിച്ചിരുന്നു. നിയമസഭ തെരഞ്ഞെടുപ്പിൽ ബി.ജെ.പിയുമായി പ്രത്യക്ഷ സഖ്യമാണ്​ അമരീന്ദറിന്‍റെ ലക്ഷ്യം. ഇതിന്‍റെ ഭാഗമായാണ്​ അമരീന്ദറും അമിത്​ ഷായും തമ്മിലുള്ള കൂടിക്കാഴ്ച. നിയമസഭ തെരഞ്ഞെടുപ്പിന്​ മുമ്പ്​ കർഷക സമരം ഒത്തുതീർപ്പാക്കിയാൽ അനുകൂല അന്തരീക്ഷം ഒരുങ്ങുമെന്ന ഉപദേശവും സിങ്​ അമിത്​ ഷാക്ക്​ നൽകിയിരുന്നു.

അമരീന്ദറിലും ചില നേതാക്കളും പാർട്ടി വിടു​േമ്പാഴുണ്ടാകുന്ന ദൂഷ്യവശങ്ങൾ ചന്നിയും രാഹുല​ും ചർച്ച ചെയ്​തതായാണ്​ വിവരം. പാർട്ടി പുനഃസംഘടനയിൽ കോൺഗ്രസിലെ വലിയൊരു വിഭാഗം അതൃപ്​തി രേഖപ്പെടുത്തുകയും ചെയ്​തിരുന്നു.

​നേരത്തേ, ചന്നി അമരീന്ദറുമായി അടുപ്പമുള്ള എം.എൽ.എമാരുമായി ചർച്ച നടത്തിയിരുന്നു. അമരീന്ദർ പുതിയ പാർട്ടി പ്രഖ്യാപിക്കുന്നതോടെ എം.എൽ.എമാർ പുതിയ പാർട്ടിയിലേക്ക്​ ചേക്കേറുമോ എന്ന ആശങ്ക ഉയർന്നതോടെയായിരുന്നു ഇത്​. ചൊവ്വാഴ്ച രാഹുൽ ഗാന്ധി ഉപമുഖ്യമന്ത്രി സുഖ്​ജീന്ദർ സിങ്​ രൺധാവ ഉൾപ്പെടെ നിരവധി എം.എൽ.എമാരുമായി കൂടിക്കാഴ്ച നടത്തുകയും ചെയ്​തിരുന്നു.

Show Full Article
TAGS:Punjab Congress Charanjit Singh Channi Rahul Gandhi Amarinder Singh 
News Summary - Channi meets Rahul discusses Amarinder impact on Punjab polls
Next Story