രാജ്യം ഐ.എസ്.ആർ.ഒയെ ഒാർത്ത് അഭിമാനിക്കുന്നു -രാഷ്ട്രപതി

ന്യൂഡൽഹി: രാജ്യം ഐ.എസ്.ആർ.ഒയെ ഒാർത്ത് അഭിമാനിക്കുന്നുവെന്ന് രാഷ്ട്രപതി രാംനാഥ് കോവിന്ദ്. മാതൃകാപരമായ പ്രതിബദ ്ധതയും ധൈര്യവുമാണ് ഐ.എസ്.ആർ.ഒ സംഘം പ്രകടിപ്പിച്ചത്. നല്ലതിന് വേണ്ടി നമുക്ക് വിശ്വസിക്കാമെന്നും രാഷ്ട്രപതി ട്വീറ്റ് ചെയ്തു.

ച​ന്ദ്ര​യാ​ൻ 2 ദൗത്യത്തിന്‍റെ നിർണായക ഘട്ടമായ സോഫ്റ്റ് ലാൻഡിങ്ങിൽ വിക്രം ലാൻഡറുമായുള്ള ആശയവിനിമയം നഷ്ടമായതിന് പിന്നാലെയാണ് ഐ.എസ്.ആർ.ഒക്കും ശാസ്ത്രജ്ഞർക്കും ആത്മവിശ്വാസം പകർന്ന് രാഷ്ട്രപതിയുടെ പ്രതികരണം പുറത്തുവന്നത്.

ചന്ദ്രനിൽ നിന്ന് 2.1 കിലോ മീറ്റർ അകലെവെച്ചാണ് ലാൻഡറും ബംഗളൂരുവിലെ കൺട്രോൾ റൂമായുള്ള സിഗ്നൽ നഷ്ടമായത്. 37 ശ​ത​മാ​നം മാ​ത്രം വി​ജ​യ​സാ​ധ്യ​ത ക​ണ​ക്കാ​ക്കി​യ സോ​ഫ്റ്റ് ലാ​ൻ​ഡി​ങ് (മൃ​ദു​വി​റ​ക്കം) ഏറെ ശ്രമകരമായ ഘട്ടമാ‍യിരുന്നു. ശനിയാഴ്ച പുലർച്ചെ 1.52ഓടെ ലാൻഡിങ് പ്രക്രിയ തുടങ്ങിയെങ്കിലും പിന്നീട് സിഗ്നൽ നഷ്ടപ്പെടുകയായിരുന്നു.