സമൂഹ മാധ്യമ ഹബ്​: മലക്കം മറിഞ്ഞ്​ കേന്ദ്രം; വിജ്ഞാപനം പിൻവലിച്ചു

ന്യൂഡൽഹി: സമൂഹ മാധ്യമ നിരീക്ഷണവുമായി ബന്ധപ്പെട്ട നീക്കത്തിൽ മലക്കം മറിഞ്ഞ്​ കേന്ദ്ര സർക്കാർ. ​പൗരന്മാരുടെ സമൂഹ മാധ്യമങ്ങളിലെ ഇടപെടൽ നിരീക്ഷിക്കാനും നിയന്ത്രിക്കാനും ലക്ഷ്യമിടുന്ന ‘സോഷ്യൽ മീഡിയ ഹബിൽ’നിന്ന്​ പിന്മാറുന്നതായി​ കേന്ദ്രം വെള്ളിയാഴ്​ച സുപ്രീംകോടതിയെ അറിയിച്ചു. ഇതുസംബന്ധിച്ച വിജ്ഞാപനം റദ്ദാക്കിയതായി അറ്റോണി ജനറൽ കെ.കെ. വേണുഗോപാൽ ബോധിപ്പിച്ചു. സമൂഹ മാധ്യമ നയം പൂർണമായും അവലോകനം ​ചെയ്യുമെന്നും അദ്ദേഹം പറഞ്ഞു. 

സമൂഹ മാധ്യമങ്ങളിലെ ഉള്ളടക്കം നിരീക്ഷിക്കാനുള്ള ​സർക്കാർ നീക്കത്തെ സുപ്രീംകോടതി ജൂ​ൈല 13ന്​ രൂക്ഷമായി വിമർശിക്കുകയും ഒരു ‘നിരീക്ഷണ രാ​ഷ്​​ട്ര​’മാ​യി​രി​ക്കും സൃ​ഷ്​​ടി​ക്ക​പ്പെ​ടു​ക​യെ​ന്ന്​ മുന്നറിയിപ്പ്​ നൽകുകയും ​െചയ്​തിരുന്നു. വാ​ട്​​​സ്​​ആ​പ് അടക്കം സമൂഹ മാധ്യമങ്ങളെ നിരീക്ഷിക്കുന്നതിനായി കമ്യൂണിക്കേഷൻ ഹബ്​ സ്​ഥാപിക്കാനുള്ള കേന്ദ്ര വിജ്ഞാപനത്തെ ചോദ്യം ചെയ്​ത്​ തൃണമുൽ കോൺഗ്രസ്​ എം.എൽ.എ മൗ​വ മൊ​യി​ത്ര​ നൽകിയ ഹരജി ചീഫ്​ ജസ്​റ്റിസ്​ ദീപക്​ മിശ്ര, ജസ്​റ്റിസുമാരായ എ.എം. ഖാൻവിൽകർ, ഡി.വൈ. ചന്ദ്രചൂഡ്​ എന്നിവരടങ്ങുന്ന ബെഞ്ച്​ വീണ്ടും പരിഗണിക്കവെയാണ്​ സർക്കാർ നിലപാട്​ മാറ്റിയത്​. ഇതേ തുടർന്ന്​ ഹരജിയിൽ തീർപ്പ്​ കൽപിച്ചു. 

പൗരന്മാരുടെ സമൂഹമാധ്യമങ്ങളിലെ ഇടപെടൽ നിരീക്ഷിക്കാനാണ്​ കേന്ദ്ര സർക്കാർ ശ്രമിക്കുന്നതെന്ന്​ ഹരജിയിൽ ചൂണ്ടിക്കാണിച്ചിരുന്നു. ആ​ശ​യ​വി​നി​മ​യ​ങ്ങ​ൾ നി​രീ​ക്ഷി​ക്കാ​ൻ ഒ​രു ഹ​ബ്​ തു​ട​ങ്ങാ​ൻ​ പൊ​തു​മേ​ഖ​ല സ്​​ഥാ​പ​ന​മാ​യ ​ബ്രോ​ഡ്​​കാ​സ്​​റ്റി​ങ്​​ എ​ൻ​ജി​നീ​യ​റി​ങ്​​ ക​ൺ​സ​ൾ​ട്ട​ൻ​റ്​ ഇ​ന്ത്യ ലി​മി​റ്റ​ഡ്​ (ബി.​ഇ.​സി.​െ​എ.​എ​ൽ) അ​പേ​ക്ഷ ക്ഷ​ണി​ച്ചിരുന്നു. വാ​ട്​​​സ്​​ആ​പ്, ട്വി​റ്റ​ർ, ഫേ​സ്​​ബു​ക്​, ഇ​ൻ​സ്​​റ്റ​ഗ്രാം തു​ട​ങ്ങിയവ നി​രീ​ക്ഷി​ക്കാ​നു​ള്ള സ​ർ​ക്കാ​ർ പ​ദ്ധ​തി​യു​ടെ ഭാ​ഗ​മായിരുന്നു വാ​ർ​ത്ത വി​ത​ര​ണ പ്ര​ക്ഷേ​പ​ണ മ​ന്ത്രാ​ല​യ​ത്തി​​​െൻറ നീ​ക്ക​ം. സ​ർ​ക്കാ​റി​നെ​തി​രെ ഉ​യ​രു​ന്ന വി​മ​ർ​ശ​നങ്ങളെ ല​ക്ഷ്യ​മി​ട്ടാ​ണ്​ നീക്കമെന്ന്​ മൗ​വ കു​റ്റ​പ്പെ​ടു​ത്തിയിരുന്നു. ടെൻഡറിൽ ആ​ഗ​സ്​​റ്റ്​ 20ന്​ ​ന​ട​പ​ടി​ക​ൾ ആ​രം​ഭി​ക്കാ​നി​രി​ക്കെയാണ്​ കേന്ദ്രം വിജ്ഞാപനം റദ്ദ്​ ചെയ്​ത്​ നിയമക്കുരുക്കിൽനിന്ന്​ തലയൂരിയത്​. 

സമൂഹ മാധ്യമ കമ്യൂണിക്കേഷൻ ഹബ്​
പൊ​തു​മേ​ഖ​ല സ്​​ഥാ​പ​ന​മാ​യ ​ബ്രോ​ഡ്​​കാ​സ്​​റ്റി​ങ്​​ എ​ൻ​ജി​നീ​യ​റി​ങ്​​ ക​ൺ​സ​ൾ​ട്ട​ൻ​റ്​ ഇ​ന്ത്യ ലി​മി​റ്റ​ഡുമായി ചേർന്ന്​ കേന്ദ്ര വാർത്തവിതരണ മന്ത്രാലയം സമൂഹ മാധ്യമങ്ങളിലെ ഉള്ളടക്കങ്ങൾ നിരീക്ഷിക്കാനും വിലയിരുത്താനും റിപ്പോർട്ട്​ തയാറാക്കാനും അടുത്തിടെയാണ്​ വിജ്ഞാപനം ഇറക്കിയത്​. ഇതിനായി സോഫ്​റ്റ്​വെയർ രൂപവത്​കരിക്കുന്നതിന്​ ​ടെൻഡർ ക്ഷണിച്ചു. ഒാൺലൈൻ വാർത്താമാധ്യമങ്ങൾ, ബ്ലോഗുകൾ തുടങ്ങി എല്ലാതരം ഡിജിറ്റൽ രൂപങ്ങളിലെ ഉള്ളടക്കങ്ങളും അതതു സമയം ശേഖരിച്ച്​ ജില്ലാതലത്തിൽ പരിശോധിക്കാനായിരുന്നു ലക്ഷ്യം. ഇതിനായി ജില്ലകൾ തോറും ഹബ്​ സ്​ഥാപിക്കും. സർക്കാർ പദ്ധതികളെ കുറിച്ചടക്കം യോജിപ്പും വിയോജിപ്പും മനസ്സിലാക്കുക, സമൂഹ മാധ്യമ ഉള്ളടക്കങ്ങൾ കേന്ദ്രത്തെ അറിയിക്കുക തുടങ്ങി നിരവധി കാര്യങ്ങൾ പരിശോധനയിൽ ഉൾപ്പെടും. ഇതിനെതിരെ കടുത്ത പ്രതിഷേധമാണ്​ ഉയർന്നത്​.