ദേ​ശാ​ഭി​മാ​ന​​ത്തെ​ക്കു​റി​ച്ച്​ വാ​തോ​രാ​തെ സം​സാ​രി​ക്കു​ന്ന മോ​ദി​ സൈനിക പെൻഷൻ കുറക്കുന്നു - കോൺഗ്രസ്​

ന്യൂ​ഡ​ൽ​ഹി: സൈ​നി​ക​രു​ടെ പെ​ൻ​ഷ​ൻ വെ​ട്ടി​ക്കു​റ​ക്കാ​നു​ള്ള നീ​ക്ക​ത്തി​നെ​തി​രെ ​കോ​ൺ​ഗ്ര​സ്. സൈ​നി​ക​​ക്ഷേ​മ​​ത്തെ​ക്കു​റി​ച്ചും ദേ​ശാ​ഭി​മാ​ന​​ത്തെ​ക്കു​റി​ച്ചും വാ​തോ​രാ​തെ സം​സാ​രി​ക്കു​ന്ന മോ​ദി​സ​ർ​ക്കാ​ർ അ​തി​ർ​ത്തി കാ​ക്കു​ന്ന സൈ​നി​ക​രു​ടെ അ​വ​കാ​ശ​ങ്ങ​ൾ നി​ര​ന്ത​രം ഹ​നി​ക്കു​ന്ന​താ​യി കോ​ൺ​ഗ്ര​സ്​ വ​ക്താ​വ്​ ര​ൺ​ദീ​പ് ​സി​ങ്​ സു​ർ​ജേ​വാ​ല ക​ു​റ്റ​പ്പെ​ടു​ത്തി.

വ​ൺ റാ​ങ്ക്, വ​ൺ​ പെ​ൻ​ഷ​ൻ പ​റ​ഞ്ഞ​ത​ല്ലാ​തെ ന​ട​പ്പാ​ക്കി​യി​ല്ല. സ്വാ​ഭാ​വി​ക പ്ര​മോ​ഷ​നു​വേ​ണ്ടി യു.​പി.​എ സ​ർ​ക്കാ​ർ കൊ​ണ്ടു​വ​ന്ന നോ​ൺ ഫ​ങ്​​ഷ​ന​ൽ യൂ​ട്ടി​ലി​റ്റി ആ​നു​കൂ​ല്യം പി​ൻ​വ​ലി​ച്ചു.

കാ​ൻ​റീ​നി​ൽ​നി​ന്ന്​ ഓ​രോ മാ​സ​വും വാ​ങ്ങാ​വു​ന്ന സാ​ധ​ന​ങ്ങ​ൾ​ക്ക്​ നി​യ​ന്ത്ര​ണം കൊ​ണ്ടു​വ​ന്ന​ത്​ നാ​ലു വ​ർ​ഷ​​ത്തെ നി​യ​മ​യു​ദ്ധ​ത്തി​നൊ​ടു​വി​ലാ​ണ്​ പു​നഃ​സ്​​ഥാ​പി​ച്ച​ത്. സി​യാ​ച്ചി​നി​ലും ല​ഡാ​ക്കി​ലു​മു​ള്ള സൈ​നി​ക​ർ​ക്കാ​യി ബു​ള്ള​റ്റ്​ പ്രൂ​ഫ്​ ജാ​ക്ക​റ്റ്, ത​ണു​പ്പു​കാ​ല വ​സ്​​ത്ര​ങ്ങ​ൾ എ​ന്നി​വ വാ​ങ്ങു​ന്ന​ത്​ വൈ​കി​ച്ചു. വൈ​ക​ല്യം നേ​രി​ട്ട​തി​ന്​ പെ​ൻ​ഷ​ൻ വാ​ങ്ങു​ന്ന​വ​രി​ൽ​നി​ന്ന്​​ നി​കു​തി ഈ​ടാ​ക്കാ​ൻ​പോ​ലും തീ​രു​മാ​നി​ച്ചു. ​​

ഇ​തി​നെ​ല്ലാം പു​റ​മെ​യാ​ണ്​ ഇ​േ​പ്പാ​ൾ വി​ര​മി​ക്കു​ന്ന​വ​ർ​ക്കു​ള്ള പെ​ൻ​ഷ​ൻ വെ​ട്ടി​ക്കു​റ​ക്കു​ന്ന​ത്. 90 ശ​ത​മാ​നം ആ​ർ​മി ഓ​ഫി​സ​ർ​മാ​രും 35 വ​ർ​ഷ​ത്തെ സേ​വ​ന​ത്തി​നു​മു​മ്പ്​​ പി​രി​യു​ന്ന​വ​രാ​ക​യാ​ൽ അ​വ​ർ​ക്കെ​ല്ലാം പൂ​ർ​ണ പെ​ൻ​ഷ​ൻ നി​ഷേ​ധി​ക്കു​ന്ന സ്​​ഥി​തി​യാ​ണ്​ ഉ​ണ്ടാ​വു​ക​യെ​ന്ന്​ കോ​ൺ​ഗ്ര​സ്​ വ​ക്താ​വ്​ ചൂ​ണ്ടി​ക്കാ​ട്ടി.