Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightഉദ്യോഗാർഥികൾക്ക്​...

ഉദ്യോഗാർഥികൾക്ക്​ പൊതുയോഗ്യതാ പരീക്ഷ; ദേശീയ റിക്രൂട്ട്‌മെൻറ്​ ഏജന്‍സിക്ക്​ അംഗീകാരം

text_fields
bookmark_border
ഉദ്യോഗാർഥികൾക്ക്​ പൊതുയോഗ്യതാ പരീക്ഷ; ദേശീയ റിക്രൂട്ട്‌മെൻറ്​ ഏജന്‍സിക്ക്​ അംഗീകാരം
cancel

ന്യൂഡല്‍ഹി: ദേശീയ റിക്രൂട്ട്‌മെൻറ്​ ഏജന്‍സി രൂപീകരിക്കാനുള്ള തീരുമാനത്തിന് കേന്ദ്രമന്ത്രിസഭയുടെ അംഗീകാരം. കേന്ദ്രസര്‍ക്കാരുകളിലെയും പൊതുമേഖലാ ബാങ്കുകളിലെയും ഗസറ്റഡ് ഇതര തസ്തികകളിലെ നിയമനങ്ങള്‍ക്ക് പൊതുയോഗ്യത പരീക്ഷ നടത്താനാണ് ദേശീയ റിക്രൂട്ട്‌മെൻറ്​ ഏജന്‍സി രൂപീകരിക്കുന്നത്.

കേന്ദ്ര ബജറ്റിൽ ധനമന്ത്രി നിർമല സീതാരാമൻ ദേശീയതലത്തില്‍ സ്വതന്ത്ര റിക്രൂട്ട്‌മെൻറ്​ ഏജന്‍സി സ്ഥാപിക്കുമെന്ന് പ്രഖ്യാപിച്ചിരുന്നു. ഇന്ന്​ ചേർന്ന കാബിനറ്റ്​ യോഗമാണ്​ ഏജൻസിക്ക്​ അംഗീകാരം നൽകാൻ തീരുമാനിച്ചത്​. ദേശീയ റിക്രൂട്ട്‌മെൻറ്​ ഏജന്‍സിയിലൂടെ രാജ്യത്താകമാനം ഒരു പൊതുയോഗ്യത പരീക്ഷ നടത്താനാണ് തീരുമാനമെന്ന്​ മന്ത്രി പ്രകാശ് ജാവദേക്കര്‍ വാർത്താസമ്മേളനത്തിൽ അറിയിച്ചു.

20 റിക്രൂട്ട്‌മെൻറ്​ ഏജൻസികളാണ്​ കേന്ദ്രസര്‍ക്കാരിലെ വിവിധ മന്ത്രാലയങ്ങളിലേക്കും പൊതുമേഖലാ ബാങ്കുകളിലേക്കും നിയമനം നടത്തുന്നത്. ​ഇതിൽ മൂന്ന്​ ഏജൻസികൾ മാത്രമാണ്​ രാജ്യമെമ്പാടുമായി പൊതുപരീക്ഷ നടത്തുന്നത്​. നിലവിൽ കേന്ദ്രസർക്കാരിലെയും പൊതുമേഖലാ ബാങ്കുകളിലെയും ഒഴിവുകൾക്ക് വ്യത്യസ്ത തലത്തിലാണ് പരീക്ഷ നടത്തുന്നത്. ഇതു പരിഹരിക്കാനാണ് ഏകീകൃത സംവിധാനം നിലവില്‍ വരുന്നതെന്ന്​ സെക്രട്ടറി സി. ചന്ദ്രമൗലി വിശദീകരിച്ചു.

മൂന്ന് വര്‍ഷമായിരിക്കും പൊതുപരീക്ഷാ റാങ്ക്‌ ലിസ്​റ്റി​െൻറ കാലാവധി. സംസ്ഥാന സര്‍ക്കാരുകള്‍ക്ക് വേണമെങ്കില്‍ ഈ റാങ്ക് ലിസ്റ്റില്‍ നിന്ന് നിയമനം നടത്താന്‍ അംഗീകാരമുണ്ടായിരിക്കും.

Show Full Article
TAGS:National Recruitment Agency Common Eligibility Test India Central cabinet 
Next Story