റി​പ്പ​ബ്ലി​ക്​​ദി​ന പരേഡിൽ തമിഴ്​നാടും പുറത്ത്; തെ​ന്നി​ന്ത്യ​യി​ൽ​നി​ന്ന്​ ബി.​ജെ.​പി ഭ​രി​ക്കു​ന്ന ക​ർ​ണാ​ട​ക മാ​ത്രം

ചെ​ന്നൈ: റി​പ്പ​ബ്ലി​ക്​​ദി​ന പ​രേ​ഡി​ൽ അ​വ​ത​രി​പ്പി​ക്കാ​ൻ ത​മി​ഴ്​​നാ​ട്​ സ​മ​ർ​പ്പി​ച്ച ​ഫ്ലോ​ട്ട്​ കേ​ന്ദ്ര സ​ർ​ക്കാ​ർ നി​രാ​ക​രി​ച്ചു. വേ​ലു​നാ​ച്ചി​യാ​ർ, വി.​ഒ.​സി എ​ന്ന വി.​ഒ. ചി​ദം​ബ​രം പി​ള്ളൈ ഉ​ൾ​പ്പെ​ടെ സ്വാ​ത​ന്ത്ര്യ സ​മ​ര പോ​രാ​ളി​ക​ളു​ടെ ച​രി​ത്രം ആ​സ്പ​ദ​മാ​ക്കി​യ പ്ര​മേ​യ​മാ​ണ്​ അ​വ​ത​രി​പ്പി​ക്കാ​നി​രു​ന്ന​ത്. കോ​വി​ഡ്​ ക​ണ​ക്കി​ലെ​ടു​ത്ത്​ ഫ്ലോ​ട്ടു​ക​ളു​ടെ എ​ണ്ണം 12 ആ​യി കു​റ​ച്ച​താ​ണ്​ ഇ​തി​ന്​ കാ​ര​ണ​മെ​ന്ന്​ കേ​ന്ദ്ര റി​പ്പ​ബ്ലി​ക്​ ദി​ന പ​രേ​ഡ്​ ഫ്ലോ​ട്ട്​ നി​ർ​ണ​യ സ​മി​തി അ​റി​യി​ച്ചു.

തെ​ന്നി​ന്ത്യ​യി​ൽ ബി.​ജെ.​പി ഭ​രി​ക്കു​ന്ന ക​ർ​ണാ​ട​ക​യു​ടെ ഫ്ലോ​ട്ടി​ന്​ ​ മാ​ത്ര​മാ​ണ്​ അ​നു​മ​തി ല​ഭി​ച്ച​ത്. കേ​ര​ളം, പ​ശ്ചി​മ​ബം​ഗാ​ൾ സം​സ്ഥാ​ന​ങ്ങ​ളു​ടെ ഫ്ലോ​ട്ടു​ക​ളും ഒ​ഴി​വാ​ക്കി​യി​രു​ന്നു. കേ​ന്ദ്ര തീ​രു​മാ​ന​ത്തി​നെ​തി​രെ ക​നി​മൊ​ഴി എം.​പി ഉ​ൾ​പ്പെ​ടെ വി​വി​ധ ഡി.​എം.​കെ മു​ന്ന​ണി നേ​താ​ക്ക​ൾ പ്ര​തി​ഷേ​ധി​ച്ചു.

കേന്ദ്രത്തിനെതിരെ കർണാടക കോൺഗ്രസ്

റി​പ്പ​ബ്ലി​ക് ദി​ന പ​രേ​ഡി​ൽ കേ​ര​ളം നി​ർ​ദേ​ശി​ച്ച ശ്രീ​നാ​രാ​യ​ണ ഗു​രു​വി​ന്‍റെ നി​ശ്ച​ല​ദൃ​ശ്യം ഒ​ഴി​വാ​ക്കി​യ കേ​ന്ദ്ര ന​ട​പ​ടി​ക്കെ​തി​രെ രൂ​ക്ഷ​വി​മ​ർ​ശ​ന​വു​മാ​യി ക​ർ​ണാ​ട​ക കോ​ൺ​ഗ്ര​സ് രം​ഗ​ത്ത്. സാ​മൂ​ഹി​ക പ​രി​ഷ്ക​ർ​ത്താ​വാ​യ ശ്രീ​നാ​രാ​യ​ണ ഗു​രു​വി​ന്‍റെ നി​ശ്ച​ല​ദൃ​ശ്യം ഡ​ൽ​ഹി​യി​ൽ ന​ട​ക്കു​ന്ന റി​പ്പ​ബ്ലി​ക് പ​രേ​ഡി​ൽ​നി​ന്ന്​ ഒ​ഴി​വാ​ക്കി​യ കേ​ന്ദ്ര​ത്തി​ലെ ബി.​ജെ.​പി സ​ർ​ക്കാ​ർ മാ​പ്പു​പ​റ​യ​ണ​മെ​ന്ന് ക​ർ​ണാ​ട​ക മു​ൻ മു​ഖ്യ​മ​ന്ത്രി​യും മു​തി​ർ​ന്ന കോ​ൺ​ഗ്ര​സ് നേ​താ​വു​മാ​യ സി​ദ്ധ​രാ​മ​യ്യ ആ​വ​ശ്യ​പ്പെ​ട്ടു.

കേ​ര​ളം രൂ​പ​ക​ൽ​പ​ന ​ചെ​യ്ത ശ്രീ​നാ​രാ​യ​ണ ഗു​രു​വി​ന്‍റെ നി​ശ്ച​ല ദൃ​ശ്യം എ​ന്തു​കൊ​ണ്ടാ​ണ് ത​ള്ളി​ക്ക​ള​ഞ്ഞ​തെ​ന്ന് ബി.​ജെ.​പി വി​ശ​ദീ​ക​രി​ക്ക​ണം. അ​ദ്ദേ​ഹം ഹി​ന്ദു മ​ത​ത്തി​ന്‍റെ ഭാ​ഗ​മ​ല്ലാ​ത്ത​തു​കൊ​ണ്ടാ​ണോ എ​ന്നും സി​ദ്ധ​രാ​മ​യ്യ ചോ​ദി​ച്ചു. ജീ​വി​തം മു​ഴു​വ​ൻ തൊ​ട്ടു​കൂ​ടാ​യ്മ​ക്കെ​തി​രെ ഉ​ൾ​പ്പെ​ടെ പൊ​രു​തി സാ​മൂ​ഹി​ക നീ​തി​ക്കാ​യി പ്ര​വ​ർ​ത്തി​ച്ച മ​ഹ​ത് വ്യ​ക്തി​യാ​ണ് ശ്രീ​നാ​രാ​യ​ണ ഗു​രു. അ​ദ്ദേ​ഹ​ത്തെ അ​പ​മാ​നി​ക്കു​ന്ന ഈ ​പ്ര​വൃ​ത്തി​യി​ൽ ബി.​ജെ.​പി മാ​പ്പു​പ​റ​യ​ണം.

റി​പ്പ​ബ്ലി​ക് ദി​ന പ​രേ​ഡി​ൽ ഗു​രു​വി​ന്‍റെ നി​ശ്ച​ല​ദൃ​ശ്യം അ​നു​വ​ദി​ക്ക​ണം. ഇ​ക്കാ​ര്യ​ത്തി​ൽ ഇ​തു​വ​രെ പ്ര​ധാ​ന​മ​ന്ത്രി​യോ അ​ദ്ദേ​ഹ​ത്തി​ന്‍റെ ഓ​ഫി​സോ മാ​പ്പു​പ​റ​യാ​ൻ ത​യാ​റാ​യി​ട്ടി​ല്ലെ​ന്നും സി​ദ്ധ​രാ​മ​യ്യ പ​റ​ഞ്ഞു. ചി​ല സം​സ്ഥാ​ന​ങ്ങ​ളോ​ട് ശ​ത്രു​താ സ​മീ​പ​ന​മാ​ണ് ബി.​ജെ.​പി​ക്കെ​ന്നും കേ​ര​ള​ത്തി​ന്‍റെ നി​ശ്ച​ല​ദൃ​ശ്യം ത​ള്ളി​ക്ക​ള​ഞ്ഞ ന​ട​പ​ടി​യും ഇ​താ​ണ് സൂ​ചി​പ്പി​ക്കു​ന്ന​തെ​ന്നും കോ​ൺ​ഗ്ര​സ് എം.​എ​ൽ.​സി ബി.​കെ. ഹ​രി​പ്ര​സാ​ദ് പ​റ​ഞ്ഞു.

പ​ശ്ചി​മ ബം​ഗാ​ളി​ന്‍റെ നേ​താ​ജി സു​ഭാ​ഷ് ച​ന്ദ്ര ബോ​സി​ന്‍റെ നി​ശ്ച​ല​ദൃ​ശ്യ​വും കേ​ര​ള​ത്തി​ന്‍റെ ശ്രീ​നാ​രാ​യ​ണ ഗു​രു​വി​ന്‍റെ നി​ശ്ച​ല​ദൃ​ശ്യ​വും ത​ള്ളി​ക്ക​ള​ഞ്ഞ കേ​ന്ദ്ര ന​ട​പ​ടി​ക്കെ​തി​രെ ജി​ല്ല ഡെ​പ്യൂ​ട്ടി ക​മീ​ഷ​ണ​ർ മു​ഖേ​ന രാ​ഷ്ട്ര​പ​തി​ക്ക് നി​വേ​ദ​നം ന​ൽ​കി​യ​താ​യി ദ​ക്ഷി​ണ ക​ന്ന​ട ജി​ല്ല കോ​ൺ​ഗ്ര​സ് ക​മ്മി​റ്റി അ​ധ്യ​ക്ഷ​ൻ ഹ​രി​ഷ് കു​മാ​ർ, മു​ൻ എം.​എ​ൽ.​എ ജെ.​ആ​ർ. ലോ​ബോ എ​ന്നി​വ​ർ പ​റ​ഞ്ഞു. ദേ​ശ​ത്തെ​ത​ന്നെ അ​പ​മാ​നി​ക്കു​ന്ന കേ​ന്ദ്ര സ​ർ​ക്കാ​ർ മാ​പ്പു​പ​റ​യ​ണ​മെ​ന്നും അ​വ​ർ ആ​വ​ശ്യ​പ്പെ​ട്ടു. കോ​ൺ​ഗ്ര​സി​ന് പു​റ​മെ ക​ർ​ണാ​ട​ക​യി​ലെ സി.​പി.​എം ഉ​ൾ​പ്പെ​ടെ​യു​ള്ള പാ​ർ​ട്ടി​ക​ളും കേ​ന്ദ്ര തീ​രു​മാ​ന​ത്തെ വി​മ​ർ​ശി​ച്ച് രം​ഗ​ത്തെ​ത്തി​യി​ട്ടു​ണ്ട്.