നിശ്ചല ദൃശ്യങ്ങൾക്ക്​ പരക്കെ​ വെട്ട്​; റിപ്പബ്ലിക്​ ദിന പരേഡിന്​ രാഷ്ട്രീയ പക്ഷപാതം, കേരളവും പുറത്ത്

ന്യൂ​ഡ​ൽ​ഹി: റി​​പ്പ​ബ്ലി​ക് ദി​നാ​ഘോ​ഷ​വേ​ള​യി​ൽ രാ​ജ്യ​ത​ല​സ്ഥാ​ന​ത്ത് പ്രാ​ദേ​ശി​ക ക​ലാ​കാ​ര​ന്മാ​രു​ടെ ത​ന​ത് ക​ലാ​സൃ​ഷ്ടി അ​വ​ത​രി​പ്പി​ക്കാ​ൻ കേ​ര​ള​മ​ട​ക്ക​മു​ള്ള പ്ര​തി​പ​ക്ഷ സം​സ്ഥാ​ന​ങ്ങ​ൾ​ക്ക് അ​വ​സ​ര​മി​ല്ല. റി​പ്പ​ബ്ലി​ക്ദി​ന പ​രേ​ഡി​ൽ​നി​ന്ന് ​കേ​ര​ളം, പ​ശ്ചി​മ​ബം​ഗാ​ൾ, ഡ​ൽ​ഹി, പ​ഞ്ചാ​ബ്, തെ​ല​ങ്കാ​ന അ​ട​ക്ക​മു​ള്ള സം​സ്ഥാ​ന​ങ്ങ​ളു​ടെ നി​ശ്ച​ല​ദൃ​ശ്യ​ങ്ങ​ൾ കേ​ന്ദ്രം ​​വെ​ട്ടി. ന​ട​പ​ടി രാ​ഷ്ട്രീ​യ പ​ക്ഷ​പാ​തം​മൂ​ല​മെ​ന്ന് തൃ​ണ​മൂ​ൽ കോ​ൺ​ഗ്ര​സും ആം ​ആ​ദ്മി പാ​ർ​ട്ടി​യും ആ​രോ​പി​ച്ചു. സം​സ്ഥാ​ന​ങ്ങ​ൾ അ​വ​രു​ടെ അ​ഭി​രു​ചി​ക്കും സം​സ്‌​കാ​ര​ത്തി​നും അ​നു​സൃ​ത​മാ​യ നി​ശ്ച​ല​ദൃ​ശ്യ​മാ​ണ് അ​വ​ത​രി​പ്പി​ക്കു​ക. സം​സ്ഥാ​ന​ത്തി​ന്റെ ‘ക​ന്യാ​ശ്രീ’ പ​ദ്ധ​തി​യു​ടെ നി​ശ്ച​ല​ദൃ​​ശ്യ​മാ​യി​രു​ന്നു ബം​ഗാ​ളി​ന്റേ​ത്.

പെ​ൺ​കു​ട്ടി​ക​ളെ ഉ​യ​ർ​ത്തി​ക്കാ​ട്ടാ​ൻ ആ​ഗ്ര​ഹി​ക്കു​ന്ന​ത് രാ​ജ്യം മു​ഴു​വ​ൻ കാ​ണു​മെ​ന്ന ഭ​യ​ത്താ​ലാ​ണ് കേ​ന്ദ്രം ത​ള്ളി​യ​തെ​ന്ന് തൃ​ണ​മൂ​ൽ കു​റ്റ​പ്പെ​ടു​ത്തി. എ​ന്നാ​ൽ, നി​ശ്ച​ല​ദൃ​ശ്യം തെ​ര​ഞ്ഞെ​ടു​ക്കു​ന്ന​തി​ൽ യാ​തൊ​രു വി​വേ​ച​ന​വും ഉ​ണ്ടാ​യി​ട്ടി​ല്ലെ​ന്നും ‘ഭാ​ര​ത് പ​ർ​വ്’ പ​രി​പാ​ടി​യി​ൽ അ​വ​സ​രം ന​ൽ​കു​മെ​ന്നു​മു​ള്ള വി​ശ​ദീ​ക​ര​ണ​വു​മാ​യി കേ​ന്ദ്ര പ്ര​തി​രോ​ധ മ​ന്ത്രാ​ല​യം രം​ഗ​ത്തു​വ​ന്നു. എ​ന്നാ​ൽ, ഭാ​ര​ത് പ​ർ​വി​ൽ അ​വ​ത​രി​പ്പി​ക്കി​ല്ലെ​ന്ന നി​ല​പാ​ട് പ​ഞ്ചാ​ബ് സ​ർ​ക്കാ​ർ അ​റി​യി​ച്ചി​ട്ടു​ണ്ട്.

ജ​നാ​ധി​പ​ത്യ​ത്തി​ന്റെ മാ​താ​വ്, വി​ക​സി​ത ഭാ​ര​തം എ​ന്നീ പ്ര​മേ​യ​ങ്ങ​ളാ​ണ് നി​ശ്ച​ല​ദൃ​ശ്യ​ത്തി​നാ​യി കേ​ന്ദ്രം ന​ൽ​കി​യ​ത്. ഈ ​പ്ര​മേ​യ​ങ്ങ​ളി​ൽ കേ​ര​ളം ന​ൽ​കി​യ 10 ഡി​സൈ​നു​ക​ൾ​ക്കും അ​നു​മ​തി ന​ൽ​കി​യി​ല്ല. 2020ലും ​കേ​ര​ള​ത്തി​ന് അ​നു​മ​തി ന​ൽ​കി​യി​രു​ന്നി​ല്ല. ഡ​ൽ​ഹി, പ​ഞ്ചാ​ബ് സം​സ്ഥാ​ന​ങ്ങ​ളു​ടെ നി​ശ്ച​ല​ദൃ​ശ്യം ത​ള്ളി​യ​ത് ആം ​ആ​ദ്മി പാ​ർ​ട്ടി -ബി.​ജെ.​പി പോ​രി​ലേ​ക്ക് ന​യി​ച്ചി​രു​ന്നു. ഇ​തി​ന് പി​ന്നാ​ലെ​യാ​ണ് കേ​ര​ളം, ബം​ഗാ​ൾ സം​സ്ഥാ​ന​ങ്ങ​ളു​ടേ​തും ത​ള്ളി​യ വി​വ​രം അ​ത​ത് സം​സ്ഥാ​ന​ങ്ങ​ളി​​ലെ ഇ​ൻ​ഫ​ർ​മേ​ഷ​ൻ ഓ​ഫി​സ​ർ​മാ​​രെ കേ​ന്ദ്രം അ​റി​യി​ക്കു​ന്ന​ത്.