Begin typing your search above and press return to search.
exit_to_app
exit_to_app
ആറുസംസ്​ഥാനങ്ങൾക്ക്​ കേന്ദ്രത്തി​െൻറ ദുരന്ത സഹായം; കേരളത്തിന്​ ഇല്ല
cancel
Homechevron_rightNewschevron_rightIndiachevron_rightആറുസംസ്​ഥാനങ്ങൾക്ക്​...

ആറുസംസ്​ഥാനങ്ങൾക്ക്​ കേന്ദ്രത്തി​െൻറ ദുരന്ത സഹായം; കേരളത്തിന്​ ഇല്ല

text_fields
bookmark_border

ന്യൂഡൽഹി: പ്രകൃതി ദുരന്തം നാശം വിതച്ച ആറു സംസ്​ഥാനങ്ങൾക്ക്​ കേന്ദ്രസർക്കാറി​െൻറ ധനസഹായം. ഈ വർഷം ചുഴലിക്കാറ്റ്​, വെള്ളപ്പൊക്കം, മണ്ണിടിച്ചിൽ തുടങ്ങിയവ നാശം വിതച്ച സംസ്​ഥാനങ്ങൾക്കാണ്​ ധനസഹായം പ്രഖ്യാപിച്ചത്​. അതേസമയം പെട്ടിമുടി ദുരന്തം ഉൾപ്പെടെ സംഭവിച്ച കേ​രളത്തിന്​ സഹായമൊന്നും പ്രഖ്യാപിച്ചില്ല.

4,381.88 കോടിയാണ്​ ആറു സംസ്ഥാനങ്ങൾക്കായി വിതരണം ചെയ്യുക. കേന്ദ്ര ആഭ്യന്തരമന്ത്രി അമിത്​ ഷാ അധ്യക്ഷനായ ഉന്നതാധികാര സമിതിയുടേതാണ്​ തീരുമാനം.

അംപൻ ചുഴലിക്കാറ്റ്​ വീശിയടിച്ച പശ്ചിമ ബംഗാൾ, ഒഡീഷ സംസ്​ഥാനങ്ങൾക്ക്​ യഥാക്രമം 2707.77 കോടിയും 128.23 കോടിയും നൽകും. അംപൻ ചുഴലിക്കാറ്റ്​ നാശം വിതച്ച ഉടൻതന്നെ പ്രധാനമ​ന്ത്രി നരേന്ദ്രമോദി രണ്ടു സംസ്​ഥാനങ്ങൾക്കും 1500 കോടിയുടെ സഹായം നൽകിയിരുന്നു.

ജൂണിൽ നിസർഗ ചുഴലിക്കാറ്റ്​ നാശം വിതച്ച മഹാരാഷ്​ട്രക്ക്​ 268.59 കോടി ധനസഹായം നൽകും. മണ്ണിടിച്ചിലും വെള്ളപ്പൊക്കവും നാശം വിതച്ച കർണാടകക്ക്​ 577.84 കോടി, മധ്യപ്രദേശിന്​ 611.61 കോടി, സിക്കിമിന്​ 87.84 കോടി എന്നിങ്ങനെ ധനസഹായം ​പ്രഖ്യാപിച്ചു.

Show Full Article
TAGS:cyclones floods Centre Aid Kerala 
Next Story