Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightകോവിഡ്​ 19;...

കോവിഡ്​ 19; കേന്ദ്രസർക്കാരി​െൻറ അടിയന്തര പാക്കേജിന്​ അംഗീകാരം

text_fields
bookmark_border
കോവിഡ്​ 19; കേന്ദ്രസർക്കാരി​െൻറ അടിയന്തര പാക്കേജിന്​ അംഗീകാരം
cancel

ന്യൂഡൽഹി: കോവിഡ്​ രാജ്യത്ത്​ പടരുന്ന പശ്ചാത്തലത്തിൽ കേന്ദ്രസർക്കാർ പ്രത്യേക പാക്കേജിന്​ അംഗീകാരം നൽകി. ദേ ശീയ, സംസ്​ഥാന ആരോഗ്യ സംവിധാനത്തെ ശക്തിപ്പെടുത്തുന്നതിനും ആവശ്യ മരുന്നുകളും ഉപകരണങ്ങളും വാങ്ങുന്നതിനും പ്ര ത​ിരോധ നടപടികൾ ശക്തിപ്പെടുത്തുന്നതിനുമാണ്​ എമർജൻസി റെസ്​പോൺസ്​ ആൻഡ്​ ഹെൽത്ത്​ സിസ്​റ്റം പ്രിപ്പയേർഡ്​നെ സ്സ്​ പാക്കേജിന്​ രൂപം നൽകിയത്​.

100 ശതമാനം കേ​ന്ദ്രസർക്കാർ ഫണ്ട്​ ഉപയോഗിച്ചാണ്​ പാ​േക്കജിന്​ രൂപം നൽകിയതെന്ന്​ ആരോഗ്യ മന്ത്രാലയം എല്ലാ സംസ്​ഥാന, കേന്ദ്ര ഭരണപ്രദേശങ്ങളിലെയും ചീഫ്​ സെക്രട്ടറിമാർ, പ്രിൻസിപ്പൽ സെക്രട്ടറിമാർ, ഹെൽത്ത്​ കമീഷണർമാർ എന്നിവർക്ക്​ അയച്ച കത്തിൽ പറയുന്നു. 2020 ജനുവരി മുതൽ 2024 മാർച്ച്​ വരെയുള്ള​ പാക്കേജാണ്​ കേന്ദ്രം പ്രഖ്യാപിച്ചത്​.

മാർച്ച്​ 2024 വരെ മൂന്നുഘട്ടങ്ങളിലായി​ പദ്ധതി നടപ്പാ​ക്കാനാണ്​ കേന്ദ്രം ഉ​േദ്ദശിക്കുന്നത്​. ഇതിൽ ഒന്നാംഘട്ടം ജൂൺ 2020 വരെയാണ്​. ജൂലൈ മുതൽ 2021 മാർച്ച്​ വരെയാണ്​ രണ്ടാംഘട്ടം. ഏപ്രിൽ 2021 മുതൽ മാർച്ച്​ 2024 വരെയാണ്​ മൂന്നാംഘട്ടം.

ജൂൺ 2020 വരെയുള്ള പാക്കേജ​ി​​​െൻറ ആദ്യഘട്ടം നടപ്പാക്കാൻ സംസ്​ഥാനങ്ങൾക്കും കേന്ദ്രഭരഭണ പ്രദേശങ്ങൾക്കും തുക അനുവദിച്ചതായും കത്തിൽ പറയുന്നു. കോവിഡ്​ 19 ആശുപത്രികൾ സജ്ജീകരിക്കുക, ​െഎസൊലേഷൻ ബ്ലോക്കുകൾ തയാറാക്കുക, ​െഎ.സി.യു, വ​​െൻറിലേറ്റർ, ഒാക്​സിജൻ വിതരണം കാര്യക്ഷമമാക്കുക, ലബോറട്ടറികൾ ശക്തിപ്പെടുത്തുക, കൂടുതൽ ആരോഗ്യ പ്രവർത്തകരെ നിയമിക്കുക, പ്രദേശിക ആരോഗ്യ വളണ്ടിയർമാരെ നിയമിക്കുക തുടങ്ങിയവയാണ്​ ആദ്യഘട്ട പദ്ധതിയിൽ നടപ്പാക്കുക.

കൂടാതെ വ്യക്തിഗത സുരക്ഷ ഉപകരണങ്ങളും എൻ 95 മാസ്​കുകളും വ​​െൻറിലേറ്ററും വാങ്ങുന്നതിനും പണം ചെലവാക്കാം. അതിനുപുറമെ ആശുപത്രി, സർക്കാർ ഒാഫിസുകൾ, പൊതുസ്​ഥലങ്ങൾ, ആംബുലൻസുകൾ തുടങ്ങിയവ അണുവിമുക്തമാക്കാനും ഇൗ തുക ഉപയോഗിക്കാം.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:coronamalayalam newsindia newscovid 19Covid package
News Summary - Centre approves COVID-19 emergency package for states, UTs -India news
Next Story