Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightമെട്രോ യാത്രക്കുള്ള...

മെട്രോ യാത്രക്കുള്ള മാർഗനിർദേശങ്ങൾ പുറത്തിറക്കി കേന്ദ്രസർക്കാർ

text_fields
bookmark_border
മെട്രോ യാത്രക്കുള്ള മാർഗനിർദേശങ്ങൾ പുറത്തിറക്കി കേന്ദ്രസർക്കാർ
cancel

ന്യൂഡൽഹി: ​രാജ്യത്ത്​ ലോക്​ഡൗൺ ഇളവിൻെറ നാലാം ഘട്ടത്തിൽ മെട്രോ റെയിൽവേ സർവീസ്​ പുനരാരംഭിക്കുമെന്ന്​ കേന്ദ്രസർക്കാർ അറിയിച്ചിരുന്നു. സെപ്​തംബർ ഏഴ്​ മുതലാണ്​ സർവീസ്​ ആരംഭിക്കുന്നത്​. ഇപ്പോൾ ഇതിനുള്ള മാർഗനിർദേശങ്ങളും സർക്കാർ പുറത്തിറക്കിയിരിക്കുകയാണ്​. കേന്ദ്ര വ്യോമയാന-നഗരവികസന വകുപ്പ്​ മന്ത്രി ഹർദീപ്​ സിങ്​ പുരിയാണ്​ മാർഗനിർദേശങ്ങൾ പുറത്തിറക്കിയത്​.

ഘട്ടം ഘട്ടമായാണ്​ ഇന്ത്യയിൽ മെട്രോ സർവീസ്​ പുനരാരംഭിക്കുക. സെപ്​തംബർ ഏഴിന്​ തുടങ്ങുന്ന സർവീസ്​ 12നാണ്​ പൂർണമായ രീതിയിലേക്ക്​ എത്തുക. മെട്രോ സർവീസുകളുടെ വരുമാനം കൂടി പരിഗണിച്ച്​ മാത്രമേ ഇക്കാര്യത്തിൽ അന്തിമ തീരുമാനം എടുക്കുകയുള്ളു. കണ്ടെയ്​ൻമെൻറ്​ സോണുകളിൽ സർവീസുണ്ടാവില്ല. തിരക്ക്​ ഒഴിവാക്കാൻ നിശ്​ചിത ഇടവേളകളിലാവും സർവീസ്​ നടത്തുക. യാത്രക്കാർക്ക്​ മാസ്​ക്​ നിർബന്ധമാണ്​. മാസ്​ക്​ ഇല്ലാത്തവർക്ക്​ അത്​ നൽകാൻ മെട്രോ സ്​റ്റേഷനുകളിൽ സൗകര്യമൊരുക്കണം.

മെട്രോ സ്​റ്റേഷനുകളിലെ ടോക്കൺ പേപ്പറുകളും സ്ലിപ്​ ടിക്കറ്റുകളും സാനിറ്റൈസേഷന്​ വിധയേമാക്കണം. കുറച്ച്​ ലഗേജുമായി യാത്രക്കെത്തണമെന്നും നിർദേശമുണ്ട്​​. ഡൽഹി, നോയിഡ, ചെന്നൈ, കൊൽക്കത്ത, കൊച്ചി തുടങ്ങിയ മെട്രോ സർവീസുകളാണ്​ സെപ്​തംബർ ഏഴിന്​ തുടങ്ങുക. മഹാരാഷ്​ട്ര ഇതുവരെയും മെട്രോ സർവീസ്​ തുടങ്ങുന്ന കാര്യം തീരുമാനിച്ചിട്ടില്ല.

Show Full Article
TAGS:metro Travellers lockdown 4 covid 19 
Web Title - Centre announces metro travel SOPs: Only asymptopmatics allowed
Next Story