കേന്ദ്ര ഹജ്ജ് കമ്മിറ്റി യോഗം ഇന്ന് മുംബൈയില്‍

കരിപ്പൂര്‍: കേന്ദ്ര ഹജ്ജ് കമ്മിറ്റി യോഗം ചൊവ്വാഴ്ച മുംബൈയില്‍ ചേരും. ഹജ്ജ് എംബാര്‍ക്കേഷന്‍ പോയന്‍റ് കരിപ്പൂര്‍ വിമാനത്താവളത്തിലേക്ക് മാറ്റണമെന്ന സംസ്ഥാന ഹജ്ജ് കമ്മിറ്റിയുടെ ആവശ്യമടക്കം യോഗത്തില്‍ ചര്‍ച്ച ചെയ്യും.

കേന്ദ്ര ഹജ്ജ് കമ്മിറ്റി ചെയര്‍മാന്‍ ഉള്‍പ്പെടെ 23 അംഗങ്ങള്‍ക്കും ഇതുസംബന്ധിച്ച് ഇ-മെയില്‍ വഴിയും ടെലിഫോണിലും സംസ്ഥാന ഹജ്ജ് കമ്മിറ്റി വിവരം അറിയിച്ചിട്ടുണ്ട്. സംസ്ഥാനത്തുനിന്ന് കേന്ദ്ര ഹജ്ജ് കമ്മിറ്റി അംഗമായ ഇ.ടി. മുഹമ്മദ് ബഷീര്‍ എം.പി യോഗത്തില്‍ സംബന്ധിക്കും.