സേനകൾക്ക് ഇനി ഒറ്റ മേധാവി; ​ചെങ്കോട്ടയിൽ മോദിയുടെ പ്രഖ്യാപനം

Our forces are India's pride.

To further sharpen coordination between the forces, I want to announce a major decision from the Red Fort:

India will have a Chief of Defence Staff- CDS.

This is going to make the forces even more effective: PM @narendramodi

രാജ്യത്ത് പ്രളയദുരിതം അനുഭവിക്കുന്ന ജനതക്കൊപ്പം നില്‍ക്കുന്നുവെന്നുവെന്നും അവരുടെ ദുഃഖത്തില്‍ പങ്കുചേരുന്നുവെന്നും മോദി പറഞ്ഞു. കശ്മീരിൻെറ പ്രത്യേക പദവി റദ്ദാക്കിയ നടപടി സര്‍ക്കാരിൻെറ ഭരണ നേട്ടമാണ്​. അനുച്ഛേദം 370 ആവശ്യമായിരു​ന്നെങ്കിൽ എന്തിനാണത്​ താത്​ക്കാലികമായി നിലനിർത്തിയതെന്ന്​ കശ്​മീരിൻെറ പ്രത്യേക പദവിക്കായി വാദിക്കുന്നവർ പറയണം. 70 വർഷ​ത്തെ തെറ്റ്​ 70 ദിവസം കൊണ്ട്​ തിരുത്തി. ജനങ്ങളുടെ ജീവിതത്തിനു മേൽ സർക്കാറിൻെറ ഇടപെടലുകൾ നമുക്ക്​ കുറച്ചുകൂടെ?. ജനങ്ങൾക്ക്​ അവരുടെ ഇഷ്​ടമനുസരിച്ച്​ ജീവിക്കാനുള്ള അവകാശമുണ്ട്​. രാജ്യത്തെ പ്രയോജനമില്ലാത്ത നിയമങ്ങളെല്ലാം സർക്കാർ റദ്ദാക്കി. സർദാർ പ​ട്ടേലിൻെറ സ്വപ്​നം യാഥാർഥ്യമാക്കാനുള്ള യാത്രയിലാണ്​ സർക്കാറെന്നും അദ്ദേഹം പറഞ്ഞു.

മുത്വലാഖ് നിരോധിച്ചതിലൂടെ മുസ്‍ലിം സ്ത്രീകളുടെ ശാക്തീകരണത്തിന്​ വഴിയൊരുക്കിയതായും മോദി അഭിപ്രായപ്പെട്ടു. ജനസംഖ്യ കൂടുന്നത്​ രാജ്യം നേരിടുന്ന വലിയ വെല്ലുവിളിയാണ്​. അത്​ ഭാവി തലമുറക്ക്​ പ്രശ്​നം സൃഷ്​ടിക്കും. അണുകുടുംബ വ്യവസ്ഥയെ പിന്തുടരുന്നവർ രാജ്യത്തിൻെറ വികസനത്തിന്​ സംഭാവന നൽകുകയാണ്​ ചെയ്യുന്നത്​. അതും ഒരു തരം ദേശസ്​നേഹം തന്നെയാണെന്നും പ്രധാനമന്ത്രി പറഞ്ഞു.

ദാരിദ്ര്യം തുടച്ചു നീക്കുന്നതിന്​ സർക്കാർ പ്രതിജ്ഞാബദ്ധമാണ്​. സ്വാതന്ത്ര്യം ലഭിച്ചിട്ട്​ 70 വർഷം കഴിഞ്ഞിട്ടും കുടിവെള്ളം കിട്ടാത്ത ഒരുപാട്​ ആളുകളുണ്ട്​. ജൽ ജീവൻ മിഷൻെറ പ്രവർത്തനം തുടരും.എല്ലാവർക്കും കുടിവെള്ളം എത്തിക്കാനുള്ള പദ്ധതി നടപ്പാക്കും. ഇന്ത്യയുടെ ശക്തി ലോകം മനസ്സിലാക്കിയിരിക്കുകയാണ്​. 21ാം നൂറ്റാണ്ടിൻെറ ആവ​ശ്യമനുസരിച്ച്​ ആധുനിക ഭൗതിക സാഹചര്യങ്ങൾ രാജ്യത്ത്​ ഒരുക്കുകയാണ്​​. ഭൗതിക സാഹചര്യങ്ങളുടെ വികസനത്തിനായി നൂറ്​ ലക്ഷം കോടി രൂപ നിക്ഷേപിക്കും. നൽകിയ വാഗ്​ദാനങ്ങളെല്ലാം പാലിക്കുമെന്നും പ്രധാനമന്ത്രി പറഞ്ഞു.

സ്വാതന്ത്ര്യദിനാഘോഷങ്ങളുടെ ഭാഗമായി ഡല്‍ഹി മെട്രോ സ്‌റ്റേഷനുകളിലും വിമാനത്താവളത്തിലും സുരക്ഷ വർദ്ധിപ്പിച്ചിട്ടുണ്ട്. ചെങ്കോട്ടയും പരിസരവും കനത്ത സുരക്ഷാ വലയത്തിലാണ്. ജമ്മുകശ്മീരിലും കനത്ത സുരക്ഷയാണ്​ ഏർ​െപ്പടുത്തിയത്​. നിരോധനാജ്ഞയും നിയന്ത്രണങ്ങളും കര്‍ശനമാക്കി​. അതിർത്തിയിൽ കൂടുതൽ സൈന്യത്തെ വിന്യസിച്ചു​. കശ്മീര്‍ വിഷയത്തിൻെറ പശ്ചാത്തലത്തില്‍ രാജ്യത്തിൻെറ മറ്റു പ്രധാന കേന്ദ്രങ്ങളിലും സുരക്ഷ ശക്തമാക്കിയിട്ടുണ്ട്.