18 വയസ്സിനു മുകളിലുള്ളവർക്ക് അധിക ഡോസ് ആലോചനയിൽ

ന്യൂഡൽഹി: രാജ്യത്ത് 18 വയസ്സിനു മുകളിലുള്ളവർക്കെല്ലാം അധിക ഡോസ് കോവിഡ് വാക്സിൻ നൽകുന്നത് സർക്കാർ പരിഗണനയിൽ. ലോകത്തിന്റെ പല ഭാഗങ്ങളിലും പുതിയ തരംഗത്തിന്റെ ലക്ഷണങ്ങൾ കണ്ടുവരുന്നതും അന്താരാഷ്ട്ര യാത്ര നിയന്ത്രണങ്ങളിൽ ഇളവു വരുത്തുന്നതും കണക്കിലെടുത്താണ് ഈ നീക്കം.

ആരോഗ്യ പ്രവർത്തകർ, മറ്റു മുൻനിര പ്രവർത്തകർ, 60 വയസ്സിനു മുകളിലുള്ളവർ എന്നിവർക്കാണ് നിലവിൽ മുൻകരുതൽ ഡോസ് നൽകിവരുന്നത്. മറ്റ് അസുഖങ്ങളുള്ളവർ എന്ന നിബന്ധന എടുത്തുകളഞ്ഞതിനു ശേഷം 60 വയസ്സു കഴിഞ്ഞ മുഴുവൻ പേർക്കും മൂന്നാംഡോസ് നൽകുന്നുണ്ട്. 12-14 വയസ്സുകാർക്കുള്ള വാക്സിനേഷൻ ഇക്കഴിഞ്ഞ മാർച്ച് 16 മുതൽ ആരംഭിച്ചിരുന്നു.