ഇന്ത്യയിൽ കോവിഡ്​ വ്യാപനത്തിന്​ കാരണം വിവാഹങ്ങളെന്ന്​ കേന്ദ്രസർക്കാർ

ന്യൂഡൽഹി: വിവാഹം പോലെ വലിയ രീതിയിൽ ആളുകളെത്തുന്ന ചടങ്ങുകളാണ്​ ഇന്ത്യയിൽ രണ്ടാമതും കോവിഡ്​ വ്യാപനത്തിന്​ ഇടയാക്കിയതെന്ന്​ കേന്ദ്രസർക്കാർ. ഇത്തരം സ്ഥലങ്ങളിലെ ജനങ്ങളുടെ അശ്രദ്ധ കോവിഡിന്‍റെ തീവ്രത വർധിപ്പിച്ചുവെന്നാണ്​ സർക്കാറിന്‍റെ വിലയിരുത്തൽ.

രണ്ടാമതും കോവിഡ്​ വ്യാപനത്തിന്​ ഇടയാക്കിയത്​ വലിയ രീതിയിൽ ആളുകളെത്തുന്ന പരിപാടികളാണ്​. ജനസംഖ്യയുടെ വലി​െയാരു വിഭാഗത്തിലേക്ക്​ ഇനിയും കോവിഡ്​ വ്യാപിക്കാൻ സാധ്യതയുണ്ട്​. ഗ്രാമങ്ങളിൽ വലിയ രീതിയിലുള്ള കോവിഡ്​ വ്യാപനമുണ്ടായാൽ അത്​ ബുദ്ധിമുട്ടുണ്ടാക്കും. അതുകൊണ്ട്​ കൂടുതൽ ആളുകളെത്തുന്ന പരിപാടികൾ പരമാവധി ഒഴിവാക്കണമെന്ന്​ നീതി ആയോഗ്​ അംഗം വി.കെ പോൾ പറഞ്ഞു.

കൂടുതൽ പേർക്ക്​ രോഗബാധ റിപ്പോർട്ട്​ ചെയ്യുന്ന ജില്ലകളിൽ ആർ.ടി-പി.സി.ആർ ടെസ്റ്റുകൾ വർധിപ്പിക്കണമെന്നും അദ്ദേഹം നിർദേശിച്ചു. കോവിഡിന്‍റെ തീവ്രവ്യാപനം​​ 30 ഇടത്ത്​ സംഭവിച്ചുവെന്ന്​ പഞ്ചാബ്​ സർക്കാർ അറിയിച്ചിരുന്നു. ഇതിൽ പത്തും ഒരേ സ്ഥലത്ത്​ നിന്നാണ്​ ഉണ്ടായത്​.