നാളെ പൊതു ബജറ്റ്​; സാമ്പത്തിക സർവെ ഇന്ന്​ ലോക്​ സഭയിൽ

ന്യൂഡൽഹി: രണ്ടാം നരേന്ദ്ര മോദി സർക്കാറിൻെറ നാളെ നടക്കുന്ന ആദ്യ പൊതു ബജറ്റിന്​ മുന്നോടിയായി സാമ്പത്തിക സർ വെ ഇന്ന്​ ലോക്​സഭയിൽ വെക്കും. ധനമന്ത്രി നിർമല സീതാരാമൻെറ കന്നി ബജറ്റാണ്​ നാളെ നടക്കാനിരിക്കുന്നത്​. സാമ്പത് തിക മാന്ദ്യം മറികടക്കുകയെന്ന വെല്ലുവിളിയാണ്​ ധനമന്ത്രിക്ക്​ മുമ്പിലുള്ളത്​.

ആഭ്യന്തര വളർച്ചാ നിരക്ക്​ 6 .8 ശതമാനമായി കുറഞ്ഞതും കാർഷിക-വ്യാവസായിക മേഖലകളിലെ മുരടിപ്പും സർക്കാറിന്​ മുന്നിലെ പ്രധാന വെല്ലുവിളിയാണ്​. ഓഹരികൾ വിറ്റഴിച്ച്​ 90000 കോടി കണ്ടെത്തുകയെന്ന നിർദേശമായിരുന്നു ഇടക്കാല ബജറ്റിൽ മുന്നോട്ട്​ വെച്ചത്​. സാമ്പത്തിക സ്ഥിതി മെച്ചപ്പെടുത്തുന്നതിന്​ തന്നെയാവും ബജറ്റിൽ ഊന്നൽ നൽകുക. തൊഴിൽ പ്രതിസന്ധി മറികടക്കാനുള്ള പ്രഖ്യാപനങ്ങളും കാർഷിക മേഖലയിൽ പുതിയ പദ്ധതികളും ബജറ്റിൽ പ്രതീക്ഷിക്കാം.

എന്നാൽ നോട്ട്​ നിരോധനവും ജി.എസ്​.ടി തകർത്ത ഇന്ത്യൻ സമ്പദ്​വ്യവസ്ഥയെ കരകയറ്റുകയെന്നതും​ നിർമല സീതാരാമനെ സംബന്ധിച്ചിടത്തോളം എളുപ്പമല്ല. 48 വർഷത്തിനിടയിലെ ഏറ്റവും ഉയർന്ന നിരക്കിലാണ്​ രാജ്യത്തെ തൊഴിലില്ലായ്​മ. ബാങ്കിങ്​ ഇതര ധനകാര്യ സ്ഥാപനങ്ങ​ൾ എതാണ്ട്​ തകർച്ചയുടെ വക്കിലാണ്​. ഇതിന്​ പുറമേയാണ്​ സമ്പദ്​വ്യവസ്ഥയെ സമ്മർദത്തിലാക്കി ഉപഭോഗത്തിലും കുറവുണ്ടാകുന്നത്​. ഗ്രാമീണ സമ്പദ്​വ്യസ്ഥയും വെല്ലുവിളികൾ നേരിടുകയാണ്​. ഈ പ്രതിസന്ധികളെല്ലാം മറികടക്കാനുള്ള നിർദേശങ്ങളാണ്​ ബജറ്റിൽ ഉൾപ്പെടുത്തേണ്ടത്​.

നോട്ട്​ നിരോധനവും ജി.എസ്​.ടിയും റിയൽ എസ്​റ്റേറ്റ്​ മേഖലയുടെ ന​ട്ടെല്ലൊടിച്ചിരുന്നു. ഇതിൽ നിന്നും കരകയറാനുള്ള കൈത്താങ്​ റിയൽ എസ്​റ്റേറ്റ്​ മേഖലക്ക്​ മോദി സർക്കാർ നൽകുമെന്നാണ്​ വിലയിരുത്തൽ. ഇതിന്​ പുറമേ കൂടുതൽ തൊഴിലുകൾ പ്രദാനം ചെയ്യുന്ന ബാങ്കിങ്​, ഓ​ട്ടോ, നിർമാണ, ചെറുകിട വ്യവസായ മേഖലകൾക്ക്​ പ്രത്യേക ഇളവുകളും പ്രതീക്ഷിക്കുന്നുണ്ട്​. കോർപ്പറേറ്റ്​ നികുതി കുറക്കണമെന്ന ആവശ്യം ഉയർന്നു വന്നിട്ടുണ്ട്​. നികുതി കുറക്കുക വഴി കമ്പനികളിൽ റിക്രൂട്ട്​മ​​​​​െൻറ്​ വർധിപ്പിക്കാനും അതുവഴി തൊഴിലില്ലായ്​മയുടെ തോത്​ കുറക്കാമെന്ന വിലയിരുത്തലുകൾ ചില സാമ്പത്തിക വിദഗ്​ധർ നടത്തുന്നുണ്ട്​.