സംസ്​ഥാനങ്ങൾക്ക്​ ലോക്​ഡൗൺ മാർഗരേഖയുമായി കേന്ദ്രം; പോസിറ്റിവിറ്റി നിരക്ക്​ 10 ശതമാനത്തിലധികമായാൽ കടുത്ത നിയന്ത്രണം

ന്യൂഡൽഹി: കോവിഡ്​ രണ്ടാംതരംഗ പടർച്ച നിയന്ത്രിക്കാൻ ലോക്​ഡൗൺ ഏർപ്പെടുത്താനും കണ്ടെയ്​ൻമെൻറ്​ സോൺ നിശ്ചയിക്കാനും സംസ്​ഥാനങ്ങൾക്ക്​ പുതിയ മാർഗരേഖയുമായി കേന്ദ്രം. ഒരാഴ്​ചയിൽ കൂടുതൽ 10 ശതമാനത്തിൽ അധികമാണ്​ പോസിറ്റിവിറ്റി​ നിര​െക്കങ്കിൽ, ആശുപത്രികളിൽ 60 ശതമാനം ​െബഡിൽ കോവിഡ്​ രോഗികളുണ്ടെങ്കിൽ നിയന്ത്രണങ്ങൾ ഏർപ്പെടുത്തണം. പരിശോധിക്കുന്ന 10ൽ ഒരു സാമ്പിൾ പോസിറ്റിവാകുന്ന സ്​ഥിതിയെയാണ്​ 10 ശതമാനം പോസിറ്റിവിറ്റി നിരക്ക്​ എന്നുപറയുന്നത്​.

കോവിഡ്​ ബാധിതരുടെ എണ്ണം, മേഖലയിലെ വ്യാപനം, ആശുപത്രി സൗകര്യങ്ങൾ തുടങ്ങിയ കാര്യങ്ങൾ പരിഗണിച്ചാണ്​ ലോക്​ഡൗൺ, കണ്ടെയ്​​ൻമെൻറ്​ സോൺ എന്നിവയുടെ കാര്യത്തിൽ തീരുമാനമെടുക്കേണ്ടത്​. നിയന്ത്രണങ്ങൾ ചുരുങ്ങിയത്​ 14 ദിവസത്തേക്ക്​ ഏർപ്പെടുത്തണം.

അത്തരം കണ്ടെയ്​ൻമെൻറ്​ മേഖലകളിലെ നിയന്ത്രണങ്ങൾ ഇപ്രകാരം:

രാത്രി കർഫ്യൂ. അവശ്യപ്രവർത്തന​ങ്ങൾ ഒഴികെ എല്ലാറ്റിനും വിലക്ക്​. സമയം ​പ്രാദേശികമായി തീരുമാനിക്കാം. സാമൂഹികവും മതപരവുമായ കൂടിച്ചേരലുകൾക്ക്​ വിലക്ക്​. വിവാഹത്തിൽ 50ഉം മരണവീടുകളിൽ 20ൽ കൂടുതൽ പേരും ഒത്തുകൂടരുത്​.

ഷോപ്പിങ്​ കോംപ്ലക്​സ്​, തിയറ്റർ, ​െറസ്​റ്റാറൻറ്​, മതപരമായ കേന്ദ്രങ്ങൾ തുടങ്ങിയവ അടച്ചിടണം. പൊതു, സ്വകാര്യമേഖലയിൽ അവശ്യസേവനങ്ങൾ മാത്രം.

മെട്രോ, ബസ്​, ടാക്​സി തുടങ്ങി പൊതുഗതാഗത സൗകര്യങ്ങളിൽ ​സീറ്റി​െൻറ പകുതിയാത്രക്കാർ മാത്രം. ഓഫിസുകളിൽ പകുതിമാത്രം ഹാജർനില.