Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightആമസോൺ, ഫ്ലിപ്​കാർട്​...

ആമസോൺ, ഫ്ലിപ്​കാർട്​ അടക്കമുള്ള ഇ-കൊമേഴ്​സ്​ കമ്പനികളുടെ ഫ്ലാഷ്​സെയിൽ നിയന്ത്രിക്കാൻ നീക്കമില്ലെന്ന്​ കേന്ദ്രം

text_fields
bookmark_border
ആമസോൺ, ഫ്ലിപ്​കാർട്​ അടക്കമുള്ള ഇ-കൊമേഴ്​സ്​ കമ്പനികളുടെ ഫ്ലാഷ്​സെയിൽ നിയന്ത്രിക്കാൻ നീക്കമില്ലെന്ന്​ കേന്ദ്രം
cancel

ന്യൂഡൽഹി: ആമസോൺ, ഫ്ലിപ്​കാർട്​ അടക്കം വൻകിട ഇ-കൊമേഴ്​സ്​ കമ്പനികളുടെ ഫ്ലാഷ്​സെയിൽ നിയന്ത്രിക്കാൻ നീക്കമില്ലെന്ന്​ കേന്ദ്രം. ഉപഭോക്തൃകാര്യ മന്ത്രാലയത്തിലെ അഡീഷനൽ സെക്രട്ടറി നിധി ഖരെയാണ്​ ഇക്കാര്യം അറിയിച്ചത്​.

ഇ-കൊമേഴ്​സ്​ കരടു ചട്ടത്തി​‍െൻറ ഭാഗമായി ഫ്ലാഷ്​ സെയിൽ നിയന്ത്രിക്കുമെന്ന്​ വാർത്ത വന്നിരുന്നു. ഇക്കാര്യത്തിൽ അന്തിമ തീരുമാനമായിട്ടില്ല. ജൂലൈ 15 വരെ കമ്പനികൾക്ക്​ അഭിപ്രായം സമർപ്പിക്കാമെന്നും ഖരെ പറഞ്ഞു.

സർക്കാറുമായി വിവരവിനിമയത്തിന് പ്രത്യേക ഉദ്യോഗസ്​ഥനെ നിയമിക്കുക, ആഭ്യന്തര വ്യവസായ പ്രോത്സാഹന വകുപ്പിൽ രജിസ്​റ്റർ ചെയ്യുക, ഇറക്കുമതി ചെയ്​ത ഉൽപന്നമാണെങ്കിൽ അത്​ വ്യക്തമാക്കുന്ന ലേബൽ പതിക്കുക, ഉപഭോക്താക്കളുടെ പരാതികൾ പരിഹരിക്കാൻ സ്​ഥിരം ഉദ്യോഗസ്​ഥനെ നിയമിക്കുക തുടങ്ങിയവയാണ്​ കേന്ദ്രം ഇ കൊമേഴ്​സ്​ കമ്പനികൾക്ക്​ മുന്നിൽവെച്ച പ്രധാന നിർദേശങ്ങൾ.

ഒാൺലൈൻ വ്യാപാരത്തിലെ വഞ്ചന, തട്ടിപ്പ്​, അധാർമിക വ്യാപാര രീതികൾ എന്നിവക്കെതിരെ നിരവധി പരാതികൾ കേന്ദ്രത്തിന്​ ലഭിച്ചിരുന്നു. ദീപാവലി, റിപ്പബ്ലിക്​ ദിനം തുടങ്ങിയ വിശേഷ ദിവസങ്ങളിൽ​ മുഴുവൻ ഉപഭോക്താക്കളേയും ആകർഷിക്കുന്ന വിധം വൻ വിലക്കുറവിലാണ്​ ആമസോണും ഫ്ലിപ്​​കാർട്ടുമെല്ലാം ഫ്ലാഷ്​ സെയിൽ​ സംഘടിപ്പിച്ചു വന്നിരുന്നത്​. ഇത്​ വ്യാപരമേഖലയിലെ സുതാര്യത തകർക്കുന്നതായും ആരോപണമുയർന്നിരുന്നു.

Show Full Article
TAGS:flash sale amazon flipkart 
News Summary - Center says no move to control flash sale
Next Story