രാ​ജ​സ്ഥാ​ൻ കോ​ൺ​ഗ്ര​സി​ൽ വെ​ടി​നി​ർ​ത്ത​ൽ

ന്യൂ​ഡ​ൽ​ഹി: മാ​സ​ങ്ങ​ൾ​ക്ക​കം നി​യ​മ​സ​ഭ തെ​ര​ഞ്ഞെ​ടു​പ്പു ന​ട​ക്കേ​ണ്ട രാ​ജ​സ്ഥാ​നി​ലെ പാ​ർ​ട്ടി പോ​രി​ൽ വെ​ടി​നി​ർ​ത്ത​ൽ പ്ര​ഖ്യാ​പി​ച്ച്​ കോ​ൺ​ഗ്ര​സ്. മു​ഖ്യ​മ​ന്ത്രി അ​ശോ​ക്​ ഗെ​ഹ്​​ലോ​ട്ട്, പ്ര​തി​യോ​ഗി സ​ചി​ൻ പൈ​ല​റ്റ്​ എ​ന്നി​വ​ർ ഒ​ത്തൊ​രു​മ​യോ​ടെ തെ​ര​ഞ്ഞെ​ടു​പ്പി​ലേ​ക്ക്​ ഇ​റ​ങ്ങാ​ൻ ധാ​ര​ണ​യാ​യി. സ​ചി​ൻ ഉ​ന്ന​യി​ച്ച മൂ​ന്നു വി​ഷ​യ​ങ്ങ​ളി​ൽ ഹൈ​ക​മാ​ൻ​ഡി​ന്‍റെ പ​രി​ഹാ​ര നി​ർ​ദേ​ശ​ത്തി​ന്​ അം​ഗീ​കാ​രം.

വ്യാ​ഴാ​ഴ്ച നാ​ലു മ​ണി​ക്കൂ​ർ നീ​ണ്ട ച​ർ​ച്ച​ക്കൊ​ടു​വി​ൽ ന​ട​ന്ന പ​ര​സ്യ​പ്ര​ഖ്യാ​പ​ന​ങ്ങ​ൾ ഇ​വ​യാ​ണ്. അ​ടു​ത്ത മു​ഖ്യ​മ​ന്ത്രി സ്ഥാ​നാ​ർ​ഥി​യെ തെ​ര​ഞ്ഞെ​ടു​പ്പി​നു​മു​മ്പ്​ പ്ര​ഖ്യാ​പി​ക്കി​ല്ല. സ​ചി​ന്​ പാ​ർ​ട്ടി​യി​ൽ മാ​ന്യ​മാ​യ സ്ഥാ​നം. വി​മ​ർ​ശ​ന​ങ്ങ​ൾ പാ​ർ​ട്ടി വേ​ദി​യി​ൽ​മാ​ത്രം. അ​ച്ച​ട​ക്കം ലം​ഘി​ച്ചാ​ൽ ക​ർ​ക്ക​ശ ന​ട​പ​ടി. വീ​ണ്ടും ഭ​ര​ണം പി​ടി​ക്കാ​ൻ എ​ല്ലാ​വ​രും ഐ​ക്യ​ത്തോ​ടെ ക​ള​ത്തി​ലി​റ​ങ്ങും. ജ​യ​സാ​ധ്യ​ത​മാ​ത്രം നോ​ക്കി സ്ഥാ​നാ​ർ​ഥി​ക​ളെ നി​ശ്ച​യി​ക്കും. വെ​ള്ളി​യാ​ഴ്ച മു​ത​ൽ 90 ദി​വ​സം ജ​ന​സ​മ്പ​ർ​ക്കം ന​ട​ത്തി പ്ര​ക​ട​ന​പ​ത്രി​ക ത​യാ​റാ​ക്കും.

സ​ചി​ൻ പൈ​ല​റ്റ്​ മു​ന്നോ​ട്ടു​വെ​ച്ച മൂ​ന്നു വി​ഷ​യ​ങ്ങ​ളി​ൽ സ​മ​വാ​യ ഫോ​ർ​മു​ല ഇ​ങ്ങ​നെ: ക​ഴി​ഞ്ഞ വ​സു​ന്ധ​ര രാ​​ജെ സ​ർ​ക്കാ​റി​നെ​തി​രാ​യ അ​ഴി​മ​തി ആ​രോ​പ​ണ​ങ്ങ​ൾ തെ​ര​ഞ്ഞെ​ടു​പ്പി​ൽ പ്ര​ധാ​ന വി​ഷ​യ​മാ​യി ഉ​യ​ർ​ത്തും. അ​വ അ​ന്വേ​ഷി​ക്ക​ണ​മെ​ന്ന ആ​വ​ശ്യ​മാ​യി​രു​ന്നു സ​ചി​ന്‍റേ​ത്. രാ​ജ​സ്ഥാ​ൻ പ​ബ്ലി​ക്​ സ​ർ​വി​സ്​ ക​മീ​ഷ​ൻ പ​രി​ഷ്ക​ര​ണ​ത്തി​ന്​ അ​ടു​ത്ത നി​യ​മ​സ​ഭ സ​മ്മേ​ള​ന​ത്തി​ൽ പു​തി​യ നി​യ​മ​നി​ർ​മാ​ണം ന​ട​ത്തും. ക​മീ​ഷ​ൻ പി​രി​ച്ചു വി​ട​ണ​മെ​ന്നാ​യി​രു​ന്നു സ​ചി​ന്‍റെ ആ​വ​ശ്യം. ഉ​ദ്യോ​ഗ പ​രീ​ക്ഷ​ക​ളു​ടെ ചോ​ദ്യ​പേ​പ്പ​ർ ചോ​ർ​ച്ച​മൂ​ലം അ​വ​സ​രം ന​ഷ്ട​പ്പെ​ട്ട യു​വാ​ക്ക​ൾ​ക്ക്​ തൊ​ഴി​ലും ന​ഷ്ട​പ​രി​ഹാ​ര​വു​മാ​യി​രു​ന്നു സ​ചി​ന്‍റെ മൂ​ന്നാ​മ​ത്തെ ആ​വ​ശ്യം. പ്ര​തി​ക​ളു​ടെ ശി​ക്ഷ ഉ​യ​ർ​ത്താ​ൻ അ​ട​ക്കം, ഇ​ക്കാ​ര്യ​ത്തി​ൽ നി​യ​മ​സ​ഭ​യി​ൽ ബി​ൽ കൊ​ണ്ടു​വ​രും.

കോ​ൺ​ഗ്ര​സ്​ അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ, മു​ൻ അ​ധ്യ​ക്ഷ​ൻ രാ​ഹു​ൽ ഗാ​ന്ധി, എ.​ഐ.​സി.​സി ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ൽ, സം​സ്ഥാ​ന ചു​മ​ത​ല​യു​ള്ള ജ​ന​റ​ൽ സെ​ക്ര​ട്ട​റി സു​ഖ്​​ജി​ന്ദ​ർ ര​ൺ​ധാ​വ എ​ന്നി​വ​രും പി.​സി.​സി അ​ധ്യ​ക്ഷ​ൻ ഗോ​വി​ന്ദ്​ ദൊ​ത്ത​സ്​​ര, അ​ശോ​ക്​ ഗെ​ഹ്​​ലോ​ട്ട്, സ​ചി​ൻ പൈ​ല​റ്റ്​ അ​ട​ക്കം 29 രാ​ജ​സ്ഥാ​ൻ നേ​താ​ക്ക​ളും പ​​ങ്കെ​ടു​ത്ത നാ​ലു മ​ണി​ക്കൂ​ർ ച​ർ​ച്ച​ക്കു​ശേ​ഷ​മാ​ണ്​ ​‘വെ​ടി​നി​ർ​ത്ത​ൽ’ പ്ര​ഖ്യാ​പ​നം. ചി​കി​ത്സ​യി​ലാ​യ ഗെ​ഹ്​​ലോ​ട്ട്​ ഓ​ൺ​ലൈ​നി​ലൂ​ടെ​യാ​ണ്​ യോ​ഗ​ത്തി​ൽ ചേ​ർ​ന്ന​ത്.

എ​ല്ലാ പ്ര​ശ്ന​ങ്ങ​ളും പ​രി​ഹ​രി​ച്ചെ​ന്നും ഐ​ക്യ​ത്തോ​ടെ മു​ന്നോ​ട്ടു​പോ​യാ​ൽ രാ​ജ​സ്ഥാ​ൻ വീ​ണ്ടും പി​ടി​ക്കാ​നാ​വു​മെ​ന്നും എ.​ഐ.​സി.​സി ആ​സ്ഥാ​ന​ത്തെ ച​ർ​ച്ച​ക​ൾ​ക്ക്​ ശേ​ഷം കെ.​സി. വേ​ണു​ഗോ​പാ​ൽ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. ക​ർ​ണാ​ട​ക​ത്തി​ലെ​പ്പോ​ലെ സ്ഥാ​നാ​ർ​ഥി​നി​ർ​ണ​യ​ത്തി​ന്​ പാ​ർ​ട്ടി സ​ർ​വേ ന​ട​ക്കു​ന്നു. സ​ർ​ക്കാ​ർ ജ​ന​ക്ഷേ​മ പ്ര​വ​ർ​ത്ത​ന​ങ്ങ​ളി​ൽ മു​ന്നി​ലാ​ണ്. ഭ​ര​ണ​വി​രു​ദ്ധ​വി​കാ​രം വ​ലി​യ തോ​തി​ലി​ല്ല.

ഒ​ത്തൊ​രു​മി​ച്ച്​ മു​ന്നോ​ട്ടു​നീ​ങ്ങു​ക​വ​ഴി ഭ​ര​ണ​ത്തു​ട​ർ​ച്ച നേ​ടാ​ൻ കോ​ൺ​ഗ്ര​സി​ന്​ ക​ഴി​യു​മെ​ന്ന്​ സ​ചി​ൻ പൈ​ല​റ്റ്​ പി​ന്നീ​ട്​ മാ​ധ്യ​മ​പ്ര​വ​ർ​ത്ത​ക​രോ​ട്​ പ​റ​ഞ്ഞു. കോ​ൺ​ഗ്ര​സും ബി.​ജെ.​പി​യും മാ​റി​മാ​റി ഭ​രി​ക്കു​ന്ന രാ​ജ​സ്ഥാ​ൻ രീ​തി ഇ​ക്കു​റി മാ​റും. തു​റ​ന്ന മ​ന​സ്സോ​ടെ​യാ​ണ്​ ച​ർ​ച്ച​ക​ൾ ന​ട​ന്ന​തെ​ന്നും സ​ചി​ൻ വി​ശ​ദീ​ക​രി​ച്ചു.

ഛത്തി​സ്​​ഗ​ഢി​ൽ ഉ​പ​മു​ഖ്യ​മ​ന്ത്രി​യാ​യി ടി.​എ​സ്. സി​ങ്​​ദേ​വി​നെ നി​ശ്ച​യി​ച്ച്​ അ​വി​ട​​ത്തെ നേ​തൃ​ത​ർ​ക്ക​ങ്ങ​ൾ പ​രി​ഹ​രി​ച്ച​തി​നു പി​ന്നാ​ലെ രാ​ജ​സ്ഥാ​നി​ലും പോ​ര്​ പ​റ​ഞ്ഞൊ​തു​ക്കാ​ൻ സാ​ധി​ച്ച​ത്, ഏ​​റെ വൈ​കി​യെ​ങ്കി​ലും നേ​തൃ​ത്വ​ത്തി​ന്‍റെ വി​ജ​യ​മാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്നു. യോ​ജി​പ്പോ​ടെ ജ​ന​ങ്ങ​ളി​ലേ​ക്ക്​ ഇ​റ​ങ്ങു​മെ​ന്ന്​ അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ പ​റ​ഞ്ഞു.