2002ൽ ഗുജറാത്ത്​ കലാപം അര​േങ്ങറിയത്​ ഏത്​ സർക്കാറിന്​ ​കീഴിൽ? മാപ്പ്​ പറഞ്ഞ്​ സി.ബി.എസ്​.ഇ

ന്യൂഡൽഹി: പന്ത്രണ്ടാം ക്ലാസ്​ ഫസ്റ്റ്​ ടേം പരീക്ഷയുടെ സോഷ്യോളജി ചോദ്യപേപ്പറിൽ ഗുജറാത്ത്​ കലാപത്തെക്കുറിച്ച്​ ചോദ്യം ഉൾപ്പെട്ടതിൽ മാപ്പ്​ പറഞ്ഞ്​ സി.ബി.എസ്​.ഇ (സെൻട്രൽ ബോർഡ്​ ഓഫ്​ സെക്കൻഡറി എജൂക്കേഷൻ). '2002ൽ ഗുജറാത്തിൽ മുസ്​ലിം വിരുദ്ധ അക്രമം വ്യാപിച്ചത്​ ഏത്​ സർക്കാറിന്‍റെ കാലത്തായിരുന്നു​?'എന്നായിരുന്നു ചോദ്യം. ​കോൺഗ്രസ്​, ബി.ജെ.പി, ഡെമോക്രാറ്റിക്​, റിപബ്ലിക്കൻ എന്നീ ഓപ്​ഷനുകളും ഉത്തരമായി കാണാം.

പത്ത്​, 12 ക്ലാസുകളിലേക്കുള്ള സി.ബി.എസ്​.ഇ ബോർഡ്​ പരീക്ഷകൾ ഇപ്പോൾ നടന്നുകൊണ്ടിരിക്കുകയാണ്​. ബുധനാഴ്ചയായിരുന്നു സി.ബി.എസ്​.ഇ പന്ത്രണ്ടാംക്ലാസിന്‍റെ ആദ്യ ടേമിന്‍റെ ആദ്യ പരീക്ഷ. കോവിഡ്​ വ്യാപനത്തിന്‍റെ പശ്ചാത്തലത്തിൽ രണ്ടു ഘട്ടങ്ങളായാണ്​ സി.ബി.എസ്​.ഇ പരീക്ഷകൾ നടക്കുക.

പരീക്ഷയിലെ ചോദ്യം സി.ബി.എസ്​.ഇയുടെ മാർഗനിർദേശങ്ങൾക്ക്​ വിരുദ്ധവും അനുചിതമാണെന്ന്​ സി.ബി.എസ്​.ഇ പറഞ്ഞു. കൂടാതെ ഉത്തരവാദികൾക്കെതിരെ നടപടി സ്വീകരിക്കുമെന്നും അധികൃതർ അറിയിച്ചു.

പുറത്തുനിന്നുള്ള വിദ്യാഭ്യാസ വിദഗ്​ധരാണ്​ ചോദ്യപേപ്പർ തയാറാക്കിയതെന്നും അകാദമിക്​ വിഷയത്തിലൂന്നി ജാതി, മത, ലിംഗ, ദേശ ഭേദങ്ങളെ ബാധിക്കാതെ ചോദ്യപേപ്പർ തയാറാക്കണമെന്ന്​ അവർക്ക്​ നിർദേശം നൽകിയിരുന്നതായും സി.ബി.എസ്​.ഇ കൂട്ടിച്ചേർത്തു.

അതേസമയം, സിലബസിന്​ പുറത്തുനിന്നുള്ള ചോദ്യമല്ല പരീക്ഷക്ക്​ ചോദിച്ചതെന്ന വാദവുമായി സമൂഹമാധ്യമങ്ങളിൽ അടക്കം നിരവധിപേർ രംഗത്തെത്തി. പാഠപുസ്​തകത്തിലെ ചോദ്യം ചോദിച്ചതിന്​ മാപ്പ്​ പറയുന്നത്​ എന്തിനാണെന്നും അവർ​ ചോദിച്ചു. തുടർന്ന്​ പാഠപുസ്​തകത്തിന്‍റെ ഭാഗവും അവർ പങ്കുവെച്ചു. 12ാം ക്ലാസ്​ സോഷ്യോളജി പുസ്​തകത്തിൽ പേജ്​ 141ൽ ബി.ജെ.പി സർക്കാർ ഗുജറാത്ത്​ ഭരി​ക്കു​േമ്പാഴ​ാണ്​ കലാപം അരങ്ങേറിയതെന്ന്​ അതിൽ വ്യക്തമായി പറയുന്നുണ്ടെന്നും അവർ ചൂണ്ടിക്കാട്ടി.