യു.പിയിലെ വഖഫ്​ ഭൂമിയുടെ അനധികൃത വിൽപന; കേസ്​ സി.ബി.ഐക്ക്​ കൈമാറി

ന്യൂഡൽഹി: ഉത്തർപ്രദേശി​ൽ അനധികൃതമായി വഖഫ്​ ഭൂമി വിൽക്കുകയും വാങ്ങുകയും കൈമാറ്റം ചെയ്യുകയും ചെയ്​ത സംഭവത്തിൽ കേസ്​ സി.ബി.ഐക്ക്​ കൈമാറി. അലഹാബാദ്​, കാൺപൂർ എന്നിവിടങ്ങളിലെ ഭൂമി ഇടപാടുമായി ബന്ധപ്പെട്ടാണ്​ കേസ്​. മുൻ ഷിയ വഖഫ്​ ബോർഡ്​ ചെയർമാൻ വസീം റിസ്​വിയെ പ്രതിയാക്കി സി.ബി.ഐ കേസെടുക്കുകയും ചെയ്​തിട്ടുണ്ട്​.

ഭൂമി ഇടപാടുമായി ബന്ധപ്പെട്ട്​ ഉത്തർപ്രദേശ്​ പൊലീസ്​ രജിസ്​റ്റർ ചെയ്​ത രണ്ട്​ എഫ്​.ഐ.ആറുകളാണ്​ സി.ബി.ഐക്ക്​ കൈമാറിയത്​. 2016ൽ അലഹബാദിലും 2017ൽ ലഖ്​നോവിലുമാണ്​ കേസുകൾ രജിസ്​റ്റർ ചെയ്​തത്​.

​ഭൂമി ഇടപാടിൽ കേസുമായി മുന്നോട്ട്​ പോകാനുള്ള അനുമതി സി.ബി.ഐക്ക്​ കേന്ദ്രസർക്കാർ നൽകിയിരുന്നു. അലഹബാദിൽ അനധികൃത ഭൂമി കൈയേറ്റവുമായും നിർമാണവുമായും ബന്ധപ്പെട്ടാണ്​ കേസ്​. ലഖ്​നോവിലേത്​ ഭൂമി പിടിച്ചെടുത്തതുമായി ബന്ധപ്പെട്ടും.