Begin typing your search above and press return to search.
proflie-avatar
Login
exit_to_app
exit_to_app
CBI Office
cancel
Homechevron_rightNewschevron_rightIndiachevron_rightകൈക്കൂലി വാങ്ങിയ...

കൈക്കൂലി വാങ്ങിയ സ്വന്തം ഉദ്യോഗസ്​ഥർക്കെത​ിരെ നടപടിയുമായി സി.ബി.​െഎ; നാലു​പേർക്കെതിരെ കേസ്​

text_fields
bookmark_border

ന്യൂഡൽഹി: ബാങ്ക്​ തട്ടിപ്പ്​ കേസിൽ കൈക്കൂലി വാങ്ങിയ സി.ബി.ഐ ഉദ്യോഗസ്​ഥർക്കെതിരെ നടപടി സ്വീകരിച്ച്​ സി.ബി.ഐ. മുതിർന്ന രണ്ടു ഉദ്യോഗസ്​ഥ​രെ സസ്​പെൻഡ്​ ചെയ്യുകയും ആരോപണ വിധേയരായ രണ്ടുപേർക്കെതിരെ നടപടികൾ ആരംഭിച്ചതായും സി.ബി.ഐ അറിയിച്ചു. കേസിൽ നാലുപേരെയും പ്രതികളാക്കി എഫ്​​.ഐ.ആർ രജിസ്റ്റർ ചെയ്​തു​.

ഡി.എസ്​.പി റാങ്കിലുള്ള ആർ.കെ. റിഷി, ഡി.എസ്​.പി ആർ.കെ. സാങ്​വാൻ (ബ്യൂറോ ആൻഡ്​ മിനിസ്​ട്രി പേഴ്​സനൽ), കപിൽ ധാൻഖഡ്​, സ്​റ്റെനോ സമീർ കുമാർ സിങ്​ എന്നിവർക്കെതിരെയാണ്​ നടപടി. ഈ ഉദ്യോഗസ്​ഥർ ചില കേസുകളിൽ കൈക്കൂലി വാങ്ങി വിട്ടുവീഴ്ചകൾ ചെയ്​തതായി സി.ബി.ഐ ആരോപിച്ചു.

ശ്രീ ശ്യാം പൾപ്പ്​ ആൻഡ്​ ബോർഡ്​ മിൽസ്​ ​പ്രൈവറ്റ്​ ലിമിറ്റഡിലെ മൻദീപ്​ കൗർ ദില്ലോണിന്​ വേണ്ടി മുൻ അന്വേഷണ ഉദ്യോഗസ്​ഥനായ ആർ.കെ. സാങ്​വാൻ, ഇൻസ്​പെക്​ടർ കപിൽ ധാൻഖഡിന്​ 10 ലക്ഷം രൂപ വാഗ്​ദാനം ചെയ്​തു. ഇതിനുപിന്നാലെ കപിൽ ധാൻഖഡ്​ ആർ.കെ. സാങ്​വാനിന്​ കേസുമായി ബന്ധപ്പെട്ട വിവരങ്ങൾ കൈമാറിയതായും ഇത്​ പ്രതികളെ സംരക്ഷിക്കുന്നതിന്​ വേണ്ടിയാണെന്നും സി.ബി.ഐ എഫ്​.ഐ.ആറിൽ പറയുന്നു.

കൂടാതെ ഫ്രോസ്റ്റ്​ ഇൻറർനാഷനൽ കമ്പനിക്ക്​ ​വേണ്ടി കൈക്കൂലി വാങ്ങിയതായും സി.ബി.ഐ പറയുന്നു. 14 ബാങ്കുകളിൽനിന്നായി 3500കോടി തട്ടിയ കേസിൽ അന്വേഷണം നേരിടുന്ന കമ്പനിയാണ്​ ഫ്രോസ്റ്റ്​ ഇൻറർനാഷനൽ.

വ്യാഴാഴ്​ച സി.ബി.ഐ ആസ്​ഥാനത്ത്​ ഉൾപ്പെടെ വിവിധ കേന്ദ്രങ്ങളിൽ സി.ബി.ഐ ​പരിശോധന നടത്തിയിരുന്നു. ഡൽഹി, ഗാസിയാബാദ്​, നോയിഡ, ഗുരുഗ്രാം, മീററ്റ്​, കാൺപുർ ഉൾപ്പെടെ 14ഓളം കേന്ദ്രങ്ങളിലായിരുന്നു സി.​ബി.ഐ റെയ്​ഡ്​. ബാങ്ക്​ തട്ടിപ്പ്​ കേസിൽ സി.ബി.ഐ ​ഉദ്യോഗസ്​ഥർ കൈക്കൂലി വാങ്ങിയെന്ന ആരോപണം ഉയർന്നതിന്​ പിന്നാലെയായിരുന്നു​ സി.ബി.ഐയുടെ അഴിമതി വിരുദ്ധ യൂനിറ്റിന്‍റെ നേതൃത്വത്തിലുള്ള പര​ിശോധന.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:corruption casebank fraud CaseCBI
News Summary - CBI suspends two of its officers in corruption case
Next Story