മല്യയേയും നീരവിനെയും രാജ്യംവിടാൻ സഹായിച്ചത്​ മോദിയുടെ വിശ്വസ്​തൻ-​ രാഹുൽ

ന്യൂഡൽഹി: വായ്​പയെടുത്ത്​ രാജ്യംവിട്ട വ്യവസായികളായ വിജയ്​ മല്യ, നീരവ്​ മോദി, മെഹുൽ ചോക്​സി എന്നിവർക്ക്​ സഹായം നൽകിയത്​ പ്രധാനമന്ത്രി നരേന്ദ്ര മോദിയുടെ വിശ്വസ്​തനായ സി.ബി.​െഎ ഒാഫീസർ ആണെന്ന്​ ആരോപണവുമായി രാഹുൽ ഗാന്ധി. ട്വിറ്ററിലുടെയാണ്​ മോദിക്കെതിരെ വീണ്ടും ഗുരുതര ആരോപണങ്ങളുമായി രാഹുൽ രംഗത്തെത്തിയത്​.

​സി.ബി.​െഎയുടെ ലുക്ക്​ ഒൗട്ട്​ നോട്ടീസ്​ ദുർബലപ്പെടുത്തി മല്യയെ ഇന്ത്യ വിടാൻ സഹായിച്ചത്​ ജോയിൻറ്​ ഡയറക്​ടർ എ.കെ ശർമ്മയാണ്​. ഗുജറാത്തിൽ നിന്നുള്ള നീലക്കണ്ണുള്ള ഇൗ പൊലീസ്​ ഒാഫീസറാണ്​ മോദിയുടെ വിശ്വസ്​തൻ. നീരവ്​ മോദിയേയും മെഹുൽ ചോക്​സിയേയും രക്ഷപ്പെടാൻ സഹായിച്ചതും ഇതേ പൊലീസ്​ ഒാഫീസർ ആണെന്നും രാഹുൽ ട്വിറ്ററിൽ കുറിച്ചു.

ഇന്ത്യ വിടുന്നതിന്​ മുമ്പ്​ ധനമന്ത്രി അരുൺ​ ജെയ്​റ്റ്​ലിയുമായി കൂടികാഴ്​ച നടത്തിയിരുന്നു​വെന്ന്​ വിജയ്​ മല്യ പറഞ്ഞതിന്​ പിന്നാലെ​ രാഹുൽ ഗാന്ധി മോദിക്കെതിരെ ശക്​തമായ വിമർശനങ്ങളുമായി രംഗത്തെത്തിയിരുന്നു​.