മനേസർ ഭൂമിയിടപാട്​; ഹരിയാന മുൻ മുഖ്യമന്ത്രിയെ പ്രതിയാക്കി സി.ബി.​െഎ കുറ്റപത്രം

ചണ്ഡീഗഡ്​: മനേസർ ഭൂമി ഇടപാടിൽ ഹരിയാന മുൻ മുഖ്യമന്ത്രി ഭൂപീന്ദർ സിങ്​ ഹൂഡയെ പ്രതി ചേർത്ത്​ സി.ബി.​െഎ കുറ്റപത്രം സമർപ്പിച്ചു. പഞ്ച്​കുള സി.ബി.​െഎ കോടതിയിലാണ്​ ഹൂഡ ഉൾപ്പെടെ 34 പ്രതികൾക്കെതിരെ​ സി.ബി.​െഎ കുറ്റപത്രം സമർപ്പിച്ചത്​. റിയൽ എസ്​റ്റേറ്റ്​ കമ്പനിയായ എ.ബി.ഡബ്ല്യു ബിൽഡേഴ്​സ് പ്രമോർട്ടർമാരായ ചത്തർ സിങ്​, എസ്​.എസ്​ ധില്ലോൺ, എം.എൽ തായൽ, അതുൽ ബൻസാൽ എന്നിവരും പ്രതിപട്ടികയിലുണ്ട്​.   

2004 ആഗസ്​ത്​ 27 മുതൽ 2007 ആഗസ്​ത്​ 27 വരെയുള്ള കാലയളവിൽ എ.ബി.ഡബ്ല്യു ബിൽഡേഴ്​സ്​ എന്ന റിയൽ എസ്​റ്റേറ്റ്​ കമ്പനി ചില സർക്കാർ ഉദ്യോഗസ്​ഥരുമായി ചേർന്ന്​ കർഷകരിൽ നിന്ന്​ 400 ഏക്കർ ഭൂമി തുച്ഛം വിലക്ക്​ തട്ടിയെടുത്തുവെന്നതാണ്​ കേസ്​. ഗുഡ്​ഗാവിലെ മനേസർ, നൗരംഗപുർ, ലഖ്​​നൗല ഗ്രാമങ്ങളിൽ നിന്നാണ്​ ഭൂമി തട്ടി​െയടുത്തത്​. സർക്കാർ ഏറ്റെടുക്കുമെന്ന്​ ഭീഷണിപ്പെടുത്തി ഉദ്യോഗസ്​ഥരുടെ സഹായത്തോടെ ചെറിയ വിലക്ക്​ ഭൂമി സ്വകാര്യ ബിൽഡർമാർ കൈക്കലാക്കുകയായിരുന്നു​. 

അക്കാലയളവിൽ 1600 കോടി വിപണി മൂല്യമുള്ള ഭൂമി 100 കോടി രൂപക്കാണ്​ ബിൽഡേഴ്​സ്​ കൈവശപ്പെടുത്തിയത്​. 2015 സെപ്​തംബറിലാണ്​ സി.ബി.​െഎ ഇതു സംബന്ധിച്ച കേസ്​ രജിസ്​റ്റർ ചെയ്യുന്നത്​. 2004 മുതൽ 2014 വരെ ഹരിയാന മുഖ്യമന്ത്രിയായിരുന്നു കോൺഗ്രസ നേതാവുകൂടിയായ ഹൂഡ.