ഉന്നാവ്​: കുൽദീപിൻെറ വീട്ടിലുൾപ്പടെ 15 സ്ഥലങ്ങളിൽ സി.ബി.ഐ റെയ്​ഡ്​

ന്യൂഡൽഹി: ഉന്നാവ് ബലാത്സംഗ കേസിലെ പ്രതിയും ബി.ജെ.പി എം.എൽ.എയുമായ കുൽദീപ് സിങ്​ സെങ്കാറുടെ വീട്ടിൽ സി.ബി.ഐ റെയ്ഡ്. നാല്​ ജില്ലകളിൽ സെങ്കാറുമായി ബന്ധപ്പെട്ട 17 ഇടങ്ങളിലും റെയ്ഡ് നടന്നു. സെങ്കാറിന്​ പുറമേ, ഒമ്പതു​ പേരും തിരിച്ചറിഞ്ഞിട്ടില്ലാത്ത 15-20 പേരുമാണ്​ പെൺകുട്ടിയെ വാഹനമിടിപ്പിച്ച്​ കൊലപ്പെടുത്താൻ ശ്രമിച്ച കേസിലെ പ്രതികൾ. കേസിൽ സെങ്കാറിനെയും സഹോദരൻ അതുൽ സിങ്ങിനെയും കഴിഞ്ഞ ദിവസം സി.ബി.ഐ ചോദ്യം ചെയ്തിരുന്നു. ഉന്നാവ് പീഡനക്കേസുമായി ബന്ധപ്പെട്ട് സീതാപുർ ജയിലിലാണ് ഇരുവരും.

പെൺകുട്ടിയും കുടുംബവും സഞ്ചരിച്ച കാറിനെ ഇടിച്ച ട്രക്കി​​െൻറ ഡ്രൈവറും ക്ലീനറും നൽകിയ മൊഴികളിൽ വൈരുധ്യം ക​െണ്ടത്തിയിരുന്നു. തുടർന്നാണ്​ സെങ്കാറിനെയും സഹോദരനെയും സി.ബി.ഐ ചോദ്യം ചെയ്തത്.

അതേസമയം, ലഖ്‌​േനായിലെ ആശുപത്രിയിൽ കഴിയുന്ന പെൺകുട്ടിയുടെ ആരോഗ്യനില ഗുരുതരമായി തുടരുകയാണ്. കഴിഞ്ഞ ദിവസം ന്യുമോണിയ സ്ഥിരീകരിച്ച് മെഡിക്കൽ ബുള്ളറ്റിൻ പുറത്തിറക്കിയിരുന്നു. ജൂലൈ 30നാണ്​ പെൺകുട്ടിയും ബന്ധുക്കളും അഭിഭാഷകനും ഉൾപ്പെടെ സഞ്ചരിച്ചിരുന്ന കാറിൽ അമിതവേഗത്തിലെത്തിയ ട്രക്ക്​ ഇടിച്ചത്​. ഇരയുടെ അമ്മായിമാരടക്കം രണ്ടു​േപർ സംഭവസ്ഥലത്ത്​ മരിച്ചിരുന്നു. പെൺകുട്ടിക്ക്​ പു​റമേ, അഭിഭാഷകനും ഗുരുതരാവസ്ഥയിലാണ്​.