കൈക്കൂലി കേസ്​; സി.ബി.ഐ മുൻ ഡയറക്​ടർ രാകേഷ്​ അസ്​താനക്ക്​ ക്ലീൻ ചിറ്റെന്ന്​ റിപ്പോർട്ട്​

ന്യൂഡൽഹി: കൈക്കൂലിക്കേസിൽ സി.ബി.ഐ മുൻ സ്​പെഷ്യൽ ഡയറക്​ടർ രാകേഷ്​ അസ്​താനക്ക്​ സി.ബി.ഐ ക്ലീൻ ചിറ്റ്​ നൽകിയതായി റിപ്പോർട്ട്​. തട്ടിപ്പ്​ കേസിലകപ്പെട്ട മരുന്ന്​ കമ്പനിയായ സ്​റ്റെർലിങ്​ ബയോടെക്കിൽ നിന്ന്​ കൈക്കൂലി വാങ്ങിയെന്നതായിരുന്നു കേസ്​. മതിയായ തെളിവുകളുടെ അഭാവത്തിലാണ്​ അസ്​താനയെ കുറ്റവിമുക്തനാക്കിയതെന്ന്​ എൻ.ഡി.ടി.വി റിപ്പോർട്ട്​ ചെയ്​തു​.

രണ്ടാം തവണയാണ്​ അന്വേഷണ ഏജൻസി രാകേഷ്​ അസ്​താനക്ക്​ ക്ലീൻ ചിറ്റ്​ നൽകുന്നത്​. 2018ൽ സി.ബി.ഐയിൽനിന്ന്​ നീക്കുന്നതു വരെ വിവാദങ്ങൾ അസ്​താനയെ വി​ട്ടൊഴിഞ്ഞിരുന്നില്ല. നിലവിൽ ബോർഡർ സെക്യൂരിറ്റി ഫോഴ്‌സ് (ബി.എസ്.എഫ്) മേധാവിയാണ് രാകേഷ്​ അസ്​താന.

അസ്​താനക്ക്​ ക്ലീൻ ചിറ്റ്​ നൽകിക്കൊണ്ടുള്ള ഫയലിൽ സി.ബി.ഐ ഡയറക്​ടർ പദവിയിൽ നിന്ന്​​ കഴിഞ്ഞയാഴ്​ച വിരമിച്ച ആർ.കെ. ശുക്ല ജനുവരി മധ്യത്തോടെ ഒപ്പു വച്ചുവെന്നാണ്​ വിവരം. തെളിവി​െൻറ അഭാവത്തിൽ അന്വേഷണ സംഘത്തി​െൻറയും അതിന്​ മേൽനോട്ടം വഹിച്ച ഉദ്യോഗസ്ഥരുടേയുമെല്ലാം സംയുക്ത തീരുമാനപ്രകാരമാണ് രാകേഷ്​ അസ്​താനക്ക്​ ക്ലിീൻ ചിറ്റ്​ നൽകിക്കൊണ്ട്​​ കേസ്​ തീർപ്പാക്കുന്നതെന്നാണ്​ റിപ്പോർട്ട്​.

2017 ആഗസ്​റ്റ്​ 30നാണ്​ മൂന്ന്​ ഉദ്യോഗസ്ഥർക്കും സ്​റ്റെർലിങ്​ ബയോടെക്കി​നും ഒരു സർക്കാർ ഉദ്യോഗസ്ഥനുമെതിരെ അഴിമതിയാരോപണത്തിൽ സി.ബി.ഐ കേസെടുത്തത്​. സ്​റ്റെറലിങ്​ ബയോടെക്കി​െൻറ പ്രമോട്ടർമാരായ ചേതൻ സന്ദേസര, നിതിൻ സന്ദേസര എന്നീ സഹോദരങ്ങളുമായി ബന്ധപ്പെട്ട സ്ഥലങ്ങളിൽ നടന്ന റെയ്​ഡിൽ 2011ൽ ആദായനികുതി വകുപ്പ്​ പിടിച്ചെടുത്ത ഡയറിയാണ്​ കേസിനാധാരം.

രാകേഷ്​ അസ്​താന സന്ദേസര സഹോദരൻമാരിൽ നിന്ന് നാല്​ കോടി രൂപ കൈക്കൂലി വാങ്ങിയതായി​ ഡയറിയിലെ കുറിപ്പുകളുടെ അടിസ്ഥാനത്തിൽ സി.ബി.ഐ ഡയറക്​ടർ അലോക്​ വെർമ ആരോപിക്കുകയായിരുന്നു.

എന്നാൽ ഡയറിയിൽ അസ്​താനയുടെ പേരിനു നേരെ എഴുതിയ 12 അക്ക നമ്പർ കേന്ദ്രീകരിച്ചു നടത്തിയ അന്വേഷണത്തിൽ അത്തരത്തിൽ ഒരു ബാങ്ക്​ അക്കൗണ്ട്​ എവിടെയും കണ്ടെത്താൻ​ സാധിച്ചില്ല. മൂന്ന്​ വർഷം ഇഴ കീറി പരിശോധിച്ചിട്ടും മതിയായ തെളിവ്​ ലഭിച്ചില്ലെന്നുമാണ്​ വിവരം. തുടർന്നാണ്​ കേസ്​ അവസാനിപ്പിക്കാൻ തീരുമാനിച്ചത്​. സി.ബി.ഐ കേസ്​ അവസാനിപ്പിക്കുകയും ആർ.കെ. ശുക്ലയുടെ കാലാവധി അവസാനിക്കുകയും ചെയ്​തതോടെ രാകേഷ്​ അസ്​താന തന്നെ വീണ്ടും സി.ബി.ഐ തലപ്പത്തേക്ക്​ വന്നേക്കാമെന്ന്​ അഭ്യൂഹമുണ്ട്. പ്രധാനമന്ത്രി നരേന്ദ്ര മോദി അധ്യക്ഷനായ ഹൈപവേർഡ്​ പാനൽ അടുത്ത സി.ബി.ഐ ഡയറക്​ടറെ തീരുമാനിക്കുനനതിനായി അധികം വൈകാതെ യോഗം ചേരും​.