ഫോൺ ചോർത്തൽ: മുംബൈ മുൻ പൊലീസ് മേധാവിക്കും എൻ.എസ്.ഇ മുൻ സി.ഇ.ഒക്കുമെതിരെ കേസ്

മുംബൈ: ഫോൺ ചോർത്തലുമായി ബന്ധപ്പെട്ട് മുംബൈയിലെ മുൻ പൊലീസ് മേധാവി സഞ്ജയ് പാണ്ഡെക്കും നാഷണൽ സ്റ്റോക്ക് എക്സ്ചേഞ്ച് മുൻ സി.ഇ.ഒ ചിത്ര രാമകൃഷ്ണക്കും എതിരെ സി.ബി.ഐ പുതിയ കേസ് രജിസ്റ്റർ ചെയ്തു.

ഇവരുടെ ഐ.ടി കമ്പനി സ്റ്റോക്ക് മാർക്കറ്റ് ജീവനക്കാരുടെ ഫോൺ ചോർത്തി​യ സംഭവത്തിലാണ് കേസ്. എൻ.എസ്.ഇയുടെ മുൻ സി.ഇ.ഒ രവി നരെയ്നെയും കേസിൽ പ്രതി ചേർത്തിട്ടുണ്ട്.

കേന്ദ്ര ആഭ്യന്തര മന്ത്രാലയത്തിൽ നിന്നുള്ള പരാതി പ്രകാരമാണ് സി.ബി.ഐ കേസെടുത്തത്. മുംബൈ, പൂനെ തുടങ്ങിയ നഗരങ്ങളിലായി സഞ്ജയ് പാണ്ഡെയുമായി ബന്ധപ്പെട്ട 10 സ്ഥലങ്ങളിൽ സി.ബി.ഐ പരിശോധന നടത്തി.