കുട്ടികളുടെ നഗ്​നവിഡിയോ വിൽപന: എൻജിനീയർ ഉൾപ്പെടെ രണ്ടുപേർ പിടിയിൽ

ന്യൂഡൽഹി: സമൂഹമാധ്യമങ്ങളിൽ പരസ്യംചെയ്​ത്​ കുട്ടികളുടെ നഗ്​നചിത്രങ്ങളും വിഡിയോകളും വിൽപന നടത്തിയ എൻജിനീയർ ഉൾപ്പെടെ രണ്ടു പേർ ഡൽഹിയിൽ സി.ബി.ഐ പിടിയിൽ. നീരജ് കുമാർ യാദവ്, കുൽജീത് സിങ് മക്കൻ എന്നിവരാണ് പിടിയിലായത്.

ഇൻസ്​റ്റഗ്രാമിലൂടെയാണ്​ എൻജിനീയറിങ്​ ബിരുദധാരി നീരജ്​ കുമാർ യാദവ്​ ഇടപാടുകാരെ കണ്ടെത്തിയിരുന്നത്​. ആവശ്യക്കാർ പേടിഎം, ഗൂഗ്​ൾ പേ എന്നിവ വഴി പണം നൽകിയാൽ വാട്​​സ്​ആപ്പും ടെലിഗ്രാമും വഴി വി​ഡിയോകൾ കൈമാറുകയാണ്​ രീതി. ഇയാളിൽനിന്ന്​ വൻതോതിൽ ഇത്തരം ഉൽപന്നങ്ങൾ വാങ്ങിയയാളാണ് അറസ്റ്റിലായ കുൽജീത്​ സിങ്​ മക്കൻ.

2019 മുതൽ യാദവ്​ ഈ നിയമവിരുദ്ധ പ്രവൃത്തി ചെയ്​തുവരുന്നതായി ​പറയപ്പെടുന്നു​. ഇൻസ്റ്റഗ്രാമിൽ ആവശ്യക്കാരെ ലക്ഷ്യമിട്ടുള്ള പോസ്റ്റുകളെ തുടർന്നാണ് അന്വേഷണം നടത്തിയത്. പ്രതികളെ ഇരുവരെയും ജനുവരി 22 വരെ ജുഡീഷ്യൽ കസ്റ്റഡിയിൽ വിട്ടു.