2ജി അഴിമതി: കേസ​േന്വഷണം ആറുമാസത്തിനുള്ളിൽ പൂർത്തിയാക്കണം -സു​പ്രീം കോടതി

ന്യൂഡൽഹി: 2ജി സ്​​െപക്​ട്രം വിതരണവും ബന്ധപ്പെട്ട വിഷയങ്ങളും സംബന്ധിച്ച്​ സി.ബി.​െഎയും എൻഫോഴ്​സ്​മ​െൻറ്​ ഡയറക്​​ടറേറ്റും നടത്തുന്ന അന്വേഷണം ആറുമാസത്തിനുള്ളിൽ പൂർത്തിയാക്കണമെന്ന്​ സുപ്രീം കോടതി. 

2ജി സ്​പെക്​ട്രം അഴിമതി, എയർസെൽ^മാക്​സിസ്​ ഇടപാട്​ തുടങ്ങിയ കേസുകളുടെ ഇപ്പോഴത്തെ അവസ്​ഥ രണ്ടാഴ്​ചക്കുള്ളിൽ കോടതിയെ അറിയിക്കണമെന്ന്​ കേന്ദ്രത്തോട്​ ജസ്​റ്റിസ്​ അരുൺ മിശ്രയും നവീൻ സിൻഹയും അടങ്ങുന്ന ബെഞ്ച്​  നിർദേശിച്ചു. 

കേസിൽ അന്വേഷണം നീളുകയാണ്​. ഇത്തരം വിഷയങ്ങളിൽ രാജ്യത്തെ ജനങ്ങളെ ഇരുട്ടിൽ നിർത്തുന്നത്​ ശരിയല്ലെന്നും കോടതി നിരീക്ഷിച്ചു. 

2014ൽ 2 ജി സ്​പെക്​ട്രം അഴിമതിയിൽ പ്രത്യേക പബ്ലിക്​ പ്രൊസിക്യൂട്ടറായി നിയമിച്ച മുതിർന്ന അഭിഭാഷകൻ ആനന്ദ്​ ഗ്രോവറെ മാറ്റി അഡീഷണൽ സോളിസിറ്റർ ജനറൽ തുഷാർ മേത്തയെ പകരം നിയമിക്കാനുള്ള കേന്ദ്ര തീരുമാനത്തെ കോടതി അംഗീകരിച്ചു. അഴിമതി സംബന്ധിച്ച വിവരങ്ങൾ ആവശ്യപ്പെട്ട്​ ഒരു എൻ.ജി.ഒ നൽകിയ ഹരജി കോടതി തള്ളി.