തമിഴ്നാടിന് ജലം വിട്ടുനൽകൽ; കർണാടക വീണ്ടും നിയമനടപടിക്ക്

ബം​ഗ​ളൂ​രു: 15 ദി​വ​സ​ത്തേ​ക്ക് എ​ല്ലാ​ദി​വ​സ​വും 5000 ക്യൂ​സെ​ക്സ് ജ​ലം കാ​വേ​രി ന​ദി​യി​ൽ​നി​ന്ന് ത​മി​ഴ്നാ​ടി​ന് വി​ട്ടു​ന​ൽ​ക​ണ​മെ​ന്ന കാ​വേ​രി വാ​ട്ട​ർ റെ​ഗു​ലേ​ഷ​ൻ ക​മ്മി​റ്റി (സി.​ഡ​ബ്ല്യൂ.​ആ​ർ.​സി)​യു​ടെ നി​ർ​ദേ​ശം ന​ട​പ്പാ​ക്കു​ന്ന​തി​ന് പ​ക​രം ക​ർ​ണാ​ട​ക നി​യ​മ​ന​ട​പ​ടി​യി​​ലേ​ക്ക് നീ​ങ്ങു​ന്നു. നി​ല​വി​ലെ സാ​ഹ​ച​ര്യ​ത്തി​ൽ ഇ​ത് അ​പ്രാ​യോ​ഗി​ക​മാ​ണെ​ന്ന് ചൂ​ണ്ടി​ക്കാ​ട്ടി സി.​ഡ​ബ്ല്യൂ.​ആ​ർ.​സി​ക്ക് വീ​ണ്ടും ഹ​ര​ജി ന​ൽ​കാ​നാ​ണ് ബു​ധ​നാ​ഴ്ച ബം​ഗ​ളൂ​രു​വി​ൽ മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന അ​ടി​യ​ന്ത​ര യോ​ഗ​ത്തി​ലെ തീ​രു​മാ​നം.

ഇ​തു​സം​ബ​ന്ധി​ച്ച് നി​യ​മ വി​ദ​ഗ്ധ​രു​മാ​യി ച​ർ​ച്ച ചെ​യ്ത​ശേ​ഷം നി​ല​വി​ലെ സാ​ഹ​ച​ര്യം വ്യ​ക്ത​മാ​ക്കി സു​പ്രീം​കോ​ട​തി​യെ വീ​ണ്ടും സ​മീ​പി​ക്കു​മെ​ന്നും സി​ദ്ധ​രാ​മ​യ്യ യോ​ഗ​ത്തി​ന് ശേ​ഷം മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു. ത​മി​ഴ്നാ​ടി​ന് ദി​നേ​ന 5000 ക്യൂ​സെ​ക്സ് ജ​ലം വി​ട്ടു​ന​ൽ​ക​ണ​മെ​ന്ന് ചൊ​വ്വാ​ഴ്ച​യാ​ണ് സി.​ഡ​ബ്ല്യൂ.​ആ​ർ.​സി നി​ർ​ദേ​ശം ന​ൽ​കി​യ​ത്. ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ർ വൈ​കാ​തെ ഡ​ൽ​ഹി​യി​ലെ​ത്തി നി​യ​മ​വി​ദ​ഗ്ധ​രു​മാ​യി ച​ർ​ച്ച ന​ട​ത്തും. മു​ഖ്യ​മ​ന്ത്രി​ക്കും ഉ​പ​മു​ഖ്യ​മ​ന്ത്രി​ക്കും പു​റ​മെ, എ​ല്ലാ പാ​ർ​ട്ടി​ക​ളി​ലെ​യും മു​ൻ മു​ഖ്യ​മ​ന്ത്രി​മാ​ർ, കാ​വേ​രി ന​ദീ മേ​ഖ​ല​യി​ൽ​നി​ന്നു​ള്ള മ​ന്ത്രി​മാ​ർ, മു​തി​ർ​ന്ന മ​ന്ത്രി​മാ​ർ, സം​സ്ഥാ​ന​ത്തു​നി​ന്നു​ള്ള ലോ​ക്സ​ഭ അം​ഗ​ങ്ങ​ൾ, രാ​ജ്യ സ​ഭാം​ഗ​ങ്ങ​ൾ തു​ട​ങ്ങി​യ​വ​രെ​യാ​ണ് പ്ര​ത്യേ​ക അ​ടി​യ​ന്ത​ര യോ​ഗ​ത്തി​ലേ​ക്ക് ക്ഷ​ണി​ച്ചി​രു​ന്ന​ത്.

എ​ന്നാ​ൽ, യോ​ഗ​ത്തി​ൽ ജെ.​ഡി-​എ​സ് നേ​താ​വും മു​ൻ മു​ഖ്യ​മ​ന്ത്രി​യു​മാ​യ എ​ച്ച്.​ഡി. കു​മാ​ര​സ്വാ​മി, ബി.​ജെ.​പി നേ​താ​ക്ക​ളും മു​ൻ മു​ഖ്യ​മ​ന്ത്രി​മാ​രു​മാ​യ ബി.​എ​സ്. യെ​ദി​യൂ​ര​പ്പ, ബ​സ​വ​രാ​ജ് ബൊ​മ്മൈ എ​ന്നി​വ​ർ പ​​ങ്കെ​ടു​ത്തി​ല്ല. അ​തേ​സ​മ​യം, ബി.​ജെ.​പി എം.​പി​മാ​രാ​യ പ്ര​താ​പ് സിം​ഹ, പി.​സി. മോ​ഹ​ൻ, ശി​വ​കു​മാ​ർ ഉ​ദാ​സി, സ്വ​ത​ന്ത്ര എം.​പി സു​മ​ല​ത അം​ബ​രീ​ഷ് തു​ട​ങ്ങി​യ​വ​ർ പ​​ങ്കെ​ടു​ത്തു.