Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightകത്തോലിക്ക സ്‌കൂളിൽ​...

കത്തോലിക്ക സ്‌കൂളിൽ​ ദേവീവിഗ്രഹം ​സ്​ഥാപിക്കണമെന്ന് വി.എച്ച്​.പിയുടെ​ ഭീഷണി

text_fields
bookmark_border
കത്തോലിക്ക സ്‌കൂളിൽ​ ദേവീവിഗ്രഹം ​സ്​ഥാപിക്കണമെന്ന് വി.എച്ച്​.പിയുടെ​ ഭീഷണി
cancel
camera_alt

സാത്‌ന ക്രൈസ്റ്റ്​ ജ്യോതി സീനിയര്‍ സെക്കൻഡറി സ്‌കൂള്‍

സാത്​ന: സരസ്വതീ ദേവിയുടെ വിഗ്രഹം സ്​കൂളിൽ സ്​ഥാപിക്കണമെന്നാവശ്യപ്പെട്ട്​ മധ്യപ്രദേശിലെ കത്തോലിക്കാ സ്‌കൂളിന്​ വിശ്വ ഹിന്ദു പരിഷത്തിന്‍റയും (വി.എച്ച്​.പി) ബജ്‌റംഗ്ദളിന്‍റെയും ഭീഷണി. 15 ദിവസത്തിനുള്ളില്‍ വിഗ്രഹം സ്ഥാപിക്കണമെന്നാണ് ആവശ്യം. സാത്‌ന സീറോ മലബാര്‍ രൂപതയുടേതാണ് സ്‌കൂള്‍.

സാത്‌നയിലെ ക്രൈസ്റ്റ്​ ജ്യോതി സീനിയര്‍ സെക്കൻഡറി സ്‌കൂള്‍ മാനേജര്‍ ഫാ. അഗസ്റ്റിന്‍ ചിറ്റൂപറമ്പിലിനെയാണ്​ 30 അംഗ വി.എച്ച്​.പി, ബജ്‌റംഗ്ദൾ സംഘം ഭീഷണിപ്പെടുത്തിയത്​. ഈ ആവശ്യമുന്നയിച്ച്​ സംഘടന കത്ത്​ നൽകി. കത്തു സ്വീകരിച്ചതായി എഴുതി നല്‍കണമെന്ന് ഇവർ നിര്‍ബന്ധിച്ചതായും അങ്ങനെ എഴുതിക്കൊടുത്തതായും മാനേജര്‍ പറഞ്ഞു. 15 ദിവസത്തിനകം ദേവീവിഗ്രഹം സ്‌കൂളില്‍ സ്ഥാപിച്ചില്ലെങ്കില്‍ പ്രതിഷേധങ്ങള്‍ നേരിടേണ്ടി വരുമെന്നും ഇവർ മുന്നറിയിപ്പ്​ നൽകി.

നേരത്തെ സരസ്വതീദേവിയുടെ വിഗ്രഹം നിലനിന്നിരുന്ന സ്​ഥലത്താണ്​ സ്​കൂൾ നിർമിച്ചതെന്ന്​ അക്രമിസംഘം അവകാശപ്പെട്ടു. എന്നാൽ, സ്‌കൂള്‍ നിര്‍മ്മിച്ചിട്ട് 49 വര്‍ഷമായെന്നും ഇന്നുവരെ ആരും ഇത്തരം ഒരവകാശവാദം ഉന്നയിച്ചിട്ടില്ലെന്നും ഫാ. ചിറ്റൂപറമ്പില്‍ പറഞ്ഞു. ഭീഷണി നിലനിൽക്കുന്ന സാഹചര്യത്തിൽ സ്‌കൂള്‍ മാനേജ്‌മെന്‍റ്​ നിയമപരമായ സംരക്ഷണം തേടി അധികാരികളെ സമീപിച്ചിട്ടുണ്ടെന്നും അദ്ദേഹം പറഞ്ഞു.

മധ്യപദേശിൽ കത്തോലിക്കാ സ്‌കൂളിന്​ നേരെ ഈ വർഷം ഹിന്ദുത്വ സംഘടനകൾ നടത്തുന്ന രണ്ടാമത്തെ ഭീഷണിയാണ്​ ഇത്​. ഇക്കഴിഞ്ഞ ഫെബ്രുവരി 22 ന് ഛത്തർപൂർ ജില്ലയിലെ ഖജുരാഹോ സേക്രഡ് ഹാര്‍ട്ട് കോണ്‍വെന്‍റ്​ ഹൈസ്‌കൂള്‍ പ്രിൻസിപ്പലും സിസ്റ്റേഴ്‌സ് ഓഫ് ഡെസ്റ്റിറ്റ്യൂട്ട് അംഗവുമായ സിസ്റ്റര്‍ ഭാഗ്യയ്‌ക്കെതിരെ ഹിന്ദുത്വ സംഘടനകളുടെ തിരക്കഥയനുസരിച്ച്​ പൊലീസ് കേസെടുത്തിരുന്നു. മതം മാറിയാല്‍ കൂടുതല്‍ ശമ്പളം തരാമെന്നു പ്രിന്‍സിപ്പല്‍ പറഞ്ഞുവെന്ന് ഒരു മുന്‍ അധ്യാപിക നൽകിയ പരാതിയിലായിരുന്നു കേസ്. രോഗബാധിതനായ ഭർത്താവ് യേശുവിനോട് പ്രാർത്ഥിച്ചാൽ സുഖം പ്രാപിക്കുമെന്ന് കന്യാസ്ത്രീ പറഞ്ഞതായും പരാതിയിൽ ആരോപിച്ചിരുന്നു.


എന്നാല്‍, ഇവരുടെ അധ്യാപനത്തെ കുറിച്ച്​ കുട്ടികളും രക്ഷിതാക്കളും പരാതി പറഞ്ഞതിനാല്‍ കോവിഡ്​ ലോക്​ഡൗണിനും ഏറെ മുമ്പേ അവരെ ജോലിയില്‍ നിന്നു നീക്കിയിരുന്നതായും പിന്നീടു തമ്മില്‍ കണ്ടിട്ടില്ലെന്നും ഇത് കള്ളക്കേസാണെന്നും സ്‌കൂള്‍ അധികൃതർ പറഞ്ഞു. 2020 ജനുവരിയില്‍ മധ്യപ്രദേശിലെ ബി.ജെ.പി സര്‍ക്കാര്‍ കൊണ്ടുവന്ന കര്‍ക്കശമായ മതംമാറ്റ നിരോധന നിയമത്തിന്‍റെ ചുവടു പിടിച്ചാണ് ഫെബ്രുവരിയില്‍ ഈ പരാതി നല്‍കിയത്. ഈ കേസില്‍ സിസ്റ്റര്‍ ഭാഗ്യ ഹൈക്കോടതിയില്‍ നിന്നു മുന്‍കൂര്‍ ജാമ്യമെടുത്ത്, നിയമ നടപടികള്‍ തുടരുകയാണിപ്പോള്‍.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:VHPcatholicHindutvaattack against christians
News Summary - Catholic school in Madhya Pradesh ordered to install Hindu idol
Next Story