ഒ.ബി.സിക്ക് ജാതി തിരിച്ച കണക്കെടുപ്പ്: കേന്ദ്രത്തോട് അഭിപ്രായം തേടി സുപ്രീംകോടതി

ന്യൂഡൽഹി: വരാനിരിക്കുന്ന കാനേഷുമാരിയിൽ മറ്റു പിന്നാക്ക വിഭാഗങ്ങളുടെ (ഒ.ബി.സി) ജാതിതിരിച്ച കണക്കെടുപ്പ് ആവശ്യപ്പെടുന്ന ഹരജിയിൽ സുപ്രീംകോടതി കേന്ദ്രത്തോട് പ്രതികരണം തേടി.

ചീഫ് ജസ്റ്റിസ് ഡി.വൈ. ചന്ദ്രചൂഡിന്റെ ബെഞ്ച് കേന്ദ്രത്തിനും സാമൂഹികനീതി-ശാക്തീകരണ മന്ത്രാലയത്തിലും നോട്ടീസയച്ചു. ജാതി അധിഷ്ഠിത സർവേ നടത്താത്തതിനാൽ സർക്കാറിന് എല്ലാ ഒ.ബി.സി വിഭാഗങ്ങൾക്കിടയിലും ക്ഷേമപദ്ധതികൾ എത്തിക്കാനാവുന്നില്ലെന്ന് ഹരജിക്കാരനായ അഡ്വ. കൃഷൻ കനയ്യ പാൽ അഭിപ്രായപ്പെട്ടു.

കൃത്യമായ ഡേറ്റയില്ലാത്തതിനാൽ കൃത്യതയുള്ള പദ്ധതികൾ ആവിഷ്കരിക്കാനാകുന്നില്ലെന്നും ഹരജിയിൽ പറഞ്ഞു.