Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightദലിത്​ കൗമാരക്കാരൻ...

ദലിത്​ കൗമാരക്കാരൻ യു.പി ജുവനൈൽ ഹോമിൽ മരിച്ച നിലയിൽ; സവർണർ കൊന്നതാണെന്ന്​ കുടുംബം

text_fields
bookmark_border
hang
cancel
camera_alt

representational image

ലഖ്​നോ: ഉത്തർപ്രദേശിലെ ജു​വനൈൽഹോമിന്‍റെ ശുചിമുറിയിൽ 16കാരനായ ദലിത്​ ബാലനെ തൂങ്ങിമരിച്ച നിലയിൽ കണ്ടെത്തി. ബുലന്ദ്​ശഹറിൽ തിങ്കളാഴ്ചയാണ്​ സംഭവം. സവർണരായ അന്തേവാസികൾ ബാലനെ ക്രൂരമായി മർദിച്ചിരുന്നതായി കുടുംബം ആരോപിച്ചു.

'തിങ്കളാഴ്ച വൈകീട്ട്​​ അഞ്ച്​ മണിയോടെ മകൻ തൂങ്ങിമരിച്ചതായി എനിക്ക് ഒരു ഫോൺകോൾ വന്നു. പക്ഷേ അവനെ കൊലപ്പെടുത്തിയതാണെന്ന്​ എനിക്ക് ഉറപ്പുണ്ട്' -കച്ചവടക്കാരനായ കുട്ടിയുടെ പിതാവ് പൊലീസിൽ നൽകിയ പരാതിയിൽ പറഞ്ഞു.

'രണ്ട് ദിവസം മുമ്പ് ഞാൻ അവനെ കണ്ടിരുന്നു. അവിടെ നിന്ന്​ പുറത്തിറക്കാൻ എന്നോട്​ അവൻ കരഞ്ഞ്​ പറഞ്ഞു. ജുവനൈൽ ഹോം ജീവനക്കാരുമായി ഒത്തുചേർന്ന് അന്തേവാസികളിൽ ചിലർ അവനെ ക്രൂരമായി മർദിക്കുന്നുവെന്നാണ്​ അവൻ കരഞ്ഞ്​ പറഞ്ഞത്​. വാരിയെല്ലുകൾ ഒടിഞ്ഞുവെന്നും ശ്വസിക്കാൻ ബുദ്ധിമുട്ടുണ്ടെന്നും പറഞ്ഞു. അവന്‍റെ ഇടുപ്പ്​ എല്ലിനും പരിക്കേറ്റിട്ടുണ്ട്. എനിക്ക് എന്ത് ചെയ്യാൻ കഴിയും? അവനെ പുറത്തിറക്കാൻ ഞാൻ പരിശ്രമിക്കുന്നുണ്ടെന്ന് പറഞ്ഞു. ഇപ്പോൾ അവൻ മരിച്ചു' -കുട്ടിയുടെ പിതാവ്​ പറഞ്ഞു.

സവർണ ജാതിയിൽ പെട്ട പെൺകുട്ടിയെ തട്ടിക്കൊണ്ടുപോയെന്ന്​ ആരോപിച്ചാണ്​ 16കാരനെ ജൂലൈ 30ന്​ ജുവനൈൽ ഹോമിലാക്കിയത്​. അംറോഹയിൽ തങ്ങളുടെ വീടിന്‍റെ മുകളിലെ നിലയിൽ താമസിച്ചിരുന്ന കുടുംബത്തിലെ പെൺകുട്ടിയുമായി കൗമാരക്കാരൻ പ്രണയത്തിലായിരുന്നു. ഇരുവരും സമപ്രായക്കാരായിരുന്നു. എന്നാൽ കുറച്ച്​ കാലങ്ങൾക്ക്​ ശേഷം പെൺകുട്ടിയുടെ കുടുംബം താമസം മാറിയെങ്കിലും ഇരുവരും ബന്ധം പുലർത്തി. പെൺകുട്ടി​യായിരുന്നു തന്നെ കൂട്ടിക്കൊണ്ടുപോകാൻ അവനോട്​ ആവശ്യപ്പെട്ടതെന്ന്​ അമ്മാവൻ സാക്ഷ്യപ്പെടുത്തി. ഇരുവരും ഒളിച്ചോടിയതിന്​ പിന്നാ​െല പെൺകുട്ടിയുടെ കുടുംബം പരാതി നൽകുകയായിരുന്നു.

സവർണജാതിക്കാരിയായ പെൺകുട്ടിയുമായി ഒളിച്ചോടാൻ എങ്ങനെ ധൈര്യം വന്നുവെന്നും ചോദിച്ച്​ കൗമാരക്കാരനെ ചിലർ സ്​ഥിരം മർദിക്കാറുണ്ടായിരുന്നു. ജാതീയമായും അധിക്ഷേപിച്ചു. ജുവനൈൽ ഹോം അധികൃതരോട്​ കുടുംബം പരാതി​െപ​​ട്ടെങ്കിലും മർദനം കൂടിയതല്ലാതെ കുറഞ്ഞില്ല. മരിച്ച കൗമാരക്കാരന്‍റെ പിതാവിന്‍റെ പരാതിയനുസരിച്ച്​ എട്ടുപേർക്കെതിരെ പൊലീസ്​ എഫ്​.ഐ.ആർ രജിസ്​റ്റർ ചെയതു.

Show Full Article
TAGS:uttar pradesh Dalit Teen Dies juvenile home 
News Summary - caste harassment: Dalit teen found hanging in UP juvenile home family alleges
Next Story