രാജ്യത്ത് ജാതി സെൻസസ് നടപ്പാക്കും; നിർണായക പ്രഖ്യാപനവുമായി കേന്ദ്ര സർക്കാർ

ന്യൂ​ഡ​ൽ​ഹി: പ്ര​തി​പ​ക്ഷം തീ​ർ​ത്ത ശ​ക്ത​മാ​യ സ​മ്മ​ർ​ദ​ത്തി​നൊ​ടു​വി​ൽ ​ന​രേ​ന്ദ്ര മോ​ദി സ​ർ​ക്കാ​ർ ജാ​തി ​സെ​ൻ​സ​സ് ന​ട​ത്താ​ൻ തീ​രു​മാ​നി​ച്ചു. ന​ട​ക്കാ​നി​രി​ക്കു​ന്ന സെ​ൻ​സ​സി​ൽ ജാ​തി തി​രി​ച്ചു​ള്ള ക​ണ​ക്കെ​ടു​പ്പും ഉ​ൾ​പ്പെ​ടു​ത്താ​ൻ പ്രധാനമന്ത്രിയുടെ അ​ധ്യ​ക്ഷ​ത​യി​ൽ ചേ​ർ​ന്ന രാ​ഷ്ട്രീ​യ കാ​ര്യ​ങ്ങ​ൾ​ക്കാ​യു​ള്ള മ​ന്ത്രി​സ​ഭാ സ​മി​തി തീ​രു​മാ​നി​ച്ചു.

പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി​യു​ടെ നേ​തൃ​ത്വ​ത്തി​ൽ കോ​ൺ​ഗ്ര​സ് അ​ട​ക്ക​മു​ള്ള പ്ര​തി​പ​ക്ഷ പാ​ർ​ട്ടി​ക​ൾ ജാ​തി സെ​ൻ​സ​സി​ന് ആ​വ​ശ്യ​​മു​ന്ന​യി​ച്ച​പ്പോ​ൾ രാ​ജ്യ​ത്തെ ഭി​ന്നി​പ്പി​ക്കാ​നു​ള്ള ശ്ര​മ​മാ​ണെ​ന്ന് പ​റ​ഞ്ഞ് പ്ര​ധാ​ന​മ​ന്ത്രി​യും കേ​ന്ദ്ര സ​ർ​ക്കാ​റും ശ​ക്ത​മാ​യി എ​തി​ർ​ത്തു​കൊ​ണ്ടി​രി​ക്കു​ന്ന​തി​നി​ട​യി​ലാ​ണ് പൊ​ടു​ന്ന​നെ​യു​ള്ള ചു​വ​ടു​മാ​റ്റം. ജാ​തി സെ​ൻ​സ​സ് ഏ​റ്റ​വും വ​ലി​യ വി​ഷ​യ​മാ​യി മാ​റു​ക​യും സം​സ്ഥാ​ന സ​ർ​ക്കാ​ർ സ്വ​ന്തം നി​ല​ക്ക് ജാ​തി സ​ർ​വേ ന​ട​ത്തു​ക​യും ചെ​യ്ത ബി​ഹാ​റി​ൽ തെ​ര​ഞ്ഞെ​ടു​പ്പി​ന് ആ​റ് മാ​സം മാ​ത്രം ബാ​ക്കി​നി​ൽ​​ക്കെ​യാ​ണ് കേ​ന്ദ്രം ന​യം മാ​റ്റു​ന്ന​ത്. ബി​ഹാ​റി​ന് പി​റ​കെ ജാ​തി സ​ർ​വേ ന​ട​ത്തി​യ തെ​ല​ങ്കാ​ന​യി​ൽ സം​വ​ര​ണ പ​രി​ധി ഉ​യ​ർ​ത്തി​യും സ്വ​കാ​ര്യ​മേ​ഖ​ല​യി​ൽ സം​വ​ര​ണം ന​ട​പ്പാ​ക്കി​യും കോ​ൺ​ഗ്ര​സ് സൃ​ഷ്ടി​ച്ച സ​മ്മ​ർ​ദം ബി.​ജെ.​പി​യെ മാ​റി​ച്ചി​ന്തി​ക്കാ​ൻ പ്രേ​രി​പ്പി​ക്കു​ക​യാ​യി​രു​ന്നു. മ​ന്ത്രി​സ​ഭാ സ​മി​തി നി​ർ​ണാ​യ​ക തീ​രു​മാ​ന​മെ​ടു​ക്കും മു​മ്പ് ആ​ർ.​എ​സ്.​എ​സ് ത​ല​വ​ൻ മോ​ഹ​ൻ ഭാ​ഗ​വ​തു​മാ​യി ന​രേ​ന്ദ്ര മോ​ദി ച​ർ​ച്ച ന​ട​ത്തു​ക​യും ചെ​യ്തു.

ഇന്ത്യൻ ജനതയിൽ 75 ശതമാനത്തിലധികംവരുന്ന പിന്നാക്ക വിഭാഗങ്ങളുടെ കാലങ്ങളായുള്ള ആവശ്യമാണ് ജാതി സെൻസസ് നടപ്പാക്കുകയെന്നത്. ഏതൊക്കെയാണ് ജാതികൾ, വിവിധ ജാതികളുടെ സാമൂഹിക-സാമ്പത്തിക- തൊഴിൽ- വിദ്യാഭ്യാസ അവസ്ഥകൾ എന്തൊക്കെയാണ്, ഭരണകൂടത്തിന്റെ കൈകൾ എത്താത്തത് എവിടെ, വിഭവങ്ങളുടെ വിതരണം ഏതുനിലക്കാണ് നടക്കുന്നത് എന്നിങ്ങനെ ഒട്ടനവധി ചോദ്യങ്ങൾക്ക് സൂക്ഷ്മമായ ഉത്തരം നൽകാൻ ജാതി സെൻസസിന് സാധിക്കുമെന്ന് ഇതിനെ അനുകൂലിക്കുന്നവർ ചൂണ്ടിക്കാട്ടുന്നു.

തീ​രു​മാ​നം സാ​മൂ​ഹി​ക ച​ട്ട​ക്കൂ​ട് ത​ക​രാ​തി​രി​ക്കാ​ൻ -മ​ന്ത്രി അ​ശ്വി​നി വൈ​ഷ്ണ​വ്

ന്യൂ​ഡ​ൽ​ഹി: ജാ​തി സെ​ൻ​സ​സ് സു​താ​ര്യ​മാ​യ രീ​തി​യി​ൽ ന​ട​ത്തു​മെ​ന്ന് അ​റി​യി​ച്ച കേ​ന്ദ്ര മ​ന്ത്രി അ​ശ്വി​നി വൈ​ഷ്ണ​വ് ഇ​തി​നെ പ്ര​തി​പ​ക്ഷ പാ​ർ​ട്ടി​ക​ൾ രാ​ഷ്ട്രീ​യ ആ​യു​ധ​മാ​ക്കി​യെ​ന്ന് കു​റ്റ​​പ്പെ​ടു​ത്തി. ഭ​ര​ണ​ഘ​ട​ന പ്ര​കാ​രം സെ​ൻ​സ​സ് കേ​ന്ദ്ര​ത്തി​ന്റെ മാ​ത്രം അ​ധി​കാ​ര​പ​രി​ധി​യി​ൽ വ​രു​ന്ന വി​ഷ​യ​മാ​ണ്. ചി​ല സം​സ്ഥാ​ന സ​ർ​ക്കാ​റു​ക​ൾ ന​ട​ത്തി​യ​ത് ജാ​തി സ​ർ​വേ​ക​ളാ​ണ്. ജാ​തി സ​ർ​വേ​യി​ലൂ​ടെ ജാ​തി തി​രി​ച്ച ക​ണ​ക്കെ​ടു​പ്പ് ചി​ല സം​സ്ഥാ​ന​ങ്ങ​ൾ ന​ന്നാ​യി ന​ട​ത്തി​യ​പ്പോ​ൾ മ​റ്റു ചി​ല സം​സ്ഥാ​ന​ങ്ങ​ൾ കേ​വ​ലം രാ​ഷ്ട്രീ​യ കാ​ഴ്ച​പ്പാ​ടി​ൽ സു​താ​ര്യ​മ​ല്ലാ​തെ​യാ​ണ് കാ​ര്യ​ങ്ങ​ൾ ചെ​യ്ത​ത്. ഇ​ത്ത​ര​ത്തി​ലു​ള്ള എ​ല്ലാ ഘ​ട​ക​ങ്ങ​ളും ക​ണ​ക്കി​ലെ​ടു​ത്താ​ണ് മ​ന്ത്രി​സ​ഭാ സ​മി​തി ജാ​തി സെ​ൻ​സ​സി​ന് തീ​രു​മാ​നി​ച്ച​ത്. ജാ​തി സെ​ൻ​സ​സി​ന്റെ രാ​ഷ്​​ട്രീ​യം കൊ​ണ്ട് ന​മ്മു​ടെ സാ​മൂ​ഹി​ക ച​ട്ട​ക്കൂ​ട്ട് ത​ക​രാ​തി​രി​ക്കാ​നാ​ണ് സു​താ​ര്യ​മാ​യ ജാ​തി ക​ണ​ക്കെ​ടു​പ്പ് വ​രാ​നി​രി​ക്കു​ന്ന സെ​ൻ​സ​സി​നൊ​പ്പം ന​ട​ത്ത​ണ​മെ​ന്ന് തീ​രു​മാ​നി​ച്ച​തെ​ന്നും അ​ശ്വി​നി വൈ​ഷ്ണ​വ് കൂ​ട്ടി​ച്ചേ​ർ​ത്തു.