നോട്ട്​ പിൻവലിക്കൽ: 20,000 ടൺ കറൻസി പേപ്പർ ഇറക്കുമതി ചെയ്യും

ന്യൂഡൽഹി: നോട്ട്​ പിൻവലിക്കൽ കാരണം രാജ്യത്തുണ്ടായ പ്രതിസന്ധി നേരിടാൻ 20000 കറൻസി പേപ്പറുകൾ കേന്ദ്രം ഇറക്കുമതി ചെയ്യുമെന്ന്​ റിപ്പോർട്ട്​. ഒൗദ്യോഗിക വൃത്തങ്ങൾ ഇന്ത്യൻ എക്​സ്​പ്രസിനോടാണ്​​ ഇക്കാര്യം പറഞ്ഞത്​.

ശനിയാഴ്​ച സാമ്പത്തിക കാര്യ സെക്രട്ടറി ശക്​തികാനന്ദ ദാസി​െൻറ അധ്യക്ഷതയിൽ ചേർന്ന യോഗമാണ്​ ഇതു​സംബന്ധിച്ച തീരുമാനമെടുത്തത്​. ഇക്കാര്യത്തിൽ കേന്ദ്രം ഉടൻ ടെൻഡർ വിളിക്കുമെന്നാണ്​ പ്രതീക്ഷിക്കപ്പെടുന്നത്​.

കഴിഞ്ഞ കുറച്ച്​ വർഷങ്ങളായി ഏകേദേശം 25000 ടൺ കറൻസി പേപ്പറുകളാണ്​ നോട്ട്​ അച്ചടിക്കുന്നതിനായി ഉപയോഗിക്കുന്നതിനായി ഒരോ വർഷവും രാജ്യത്ത്​ ഉപയോഗിക്കുന്നത്​.

നിലവിൽ ഒമ്പത്​ കമ്പനികൾക്ക്​ പേപ്പറുകൾ ഇറക്കുമതി ചെയ്യുന്നതിന്​ ആഭ്യന്തര മന്ത്രാലയത്തിൽനിന്ന്​ സെക്യൂരിറ്റി ക്ലിയറൻസ്​ ലഭിച്ചിട്ടുണ്ട്​. എന്നാൽ സുരക്ഷാ കാരണങ്ങളാൽ ബ്രിട്ടീഷ്​ കമ്പനിയായ ഡി ലാ റ്യു, ജർമൻ കമ്പനിയായ ല്യൂ സെൻതാൾ എന്നിവയെ ആഭ്യന്തര മന്ത്രലായം കരിമ്പട്ടികയിൽ ഉൾപ്പെടുത്തിയിരുന്നു. ഇതിൽ ജർമൻ കമ്പനിക്ക്​ വീണ്ടും ക്ലിയറൻസ്​ ലഭിച്ചിട്ടുണ്ട്​.