ഡൽഹിയിൽ സ്​ത്രീകൾക്കെതിരായ അതിക്രമം സംബന്ധിച്ച കേസുകൾ കുറഞ്ഞു

ന്യൂഡൽഹി: ഡൽഹിയിൽ സ്​ത്രീകൾക്കെതിരായ അതിക്രമം സംബന്ധിച്ച കേസുകളിൽ കുറവ്​. ഡൽഹി പൊലീസി​​െൻറ കണക്കുകളനുസരിച്ച്​ മാർച്ച്​ മാസം വരെ 834 ലൈംഗിക പീഡന​ കേസുകളാണ്​ റിപ്പോർട്ട്​ ചെയ്​തത്​. കഴിഞ്ഞ വർഷം ഇതേ കാലയളവിൽ ഇത്​ 924 ആയിരുന്നു. സ്​ത്രീകൾക്കെതിരായ അതിക്രമം സംബന്ധിച്ച കേസുകളുടെ എണ്ണത്തിലും കുറവ്​ ഉണ്ടായിട്ടുണ്ട്​. 1,841 കേസുകളിൽ നിന്ന്​ 1,412 കേസുകളായാണ്​ കുറഞ്ഞത്​.

സ്​ത്രീ സുരക്ഷ മുൻ നിർത്തി നിരവധി നടപടികൾ സ്വീകരിച്ചിട്ടുണ്ടെന്ന്​ ഡൽഹി പൊലീസ്​ കമീഷണർ അമൂല്യ പട്​നായിക്​ അറിയിച്ചു. വനിത പൊലീസുകാർ ഉൾപ്പെടുന്ന സംഘങ്ങളെ നഗരത്തി​​െൻറ വിവധ സ്ഥലങ്ങളിൽ സ്​ത്രീ സുരക്ഷക്കായി വിന്യസിച്ചതായും കമീഷണർ പറഞ്ഞു.

കൊലപാതകം, മോഷണം, മാലപൊട്ടിക്കൽ തുടങ്ങിയ കുറ്റകൃത്യങ്ങളിലും കുറവ്​ സംഭവിച്ചിട്ടുണ്ട്​. മോഷണ കേസുകളുടെ എണ്ണം 2,374ൽ നിന്ന്​ 1,293 ആയി കുറഞ്ഞു. റോഡ്​ അപകടങ്ങളും കുറഞ്ഞിട്ടുണ്ട്​​.