യോ​ഗി-ഭഗവത് വിരുദ്ധ പരാമർശം: ഗാ​യി​ക ഹ​ർ​ദ്​​ കൗ​റിനെതിരെ ദേശദ്രോഹ കുറ്റം

മും​ബൈ: ആ​ർ.​എ​സ്.​എ​സി​നും ഉ​ത്ത​ർ​പ്ര​ദേ​ശ്​ മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥി​നും എ​തി​രെ ക​ടു​ത്ത ആ​രോ​പ​ണ​ങ്ങൾ ഉ​ന്ന​യി​ച്ച ബ്രി​ട്ട​നി​ൽ താ​മ​സി​ക്കു​ന്ന ഇ​ന്ത്യ​ൻ ഗാ​യി​ക ത​ര​ൺ കൗ​ർ ധി​ല്ല​ൻ എന്ന ഹ​ർ​ ദ്​​ കൗ​റിനെതിരെ ദേശദ്രോഹം അടക്കമുള്ള കുറ്റങ്ങൾ ചുമത്തി കേസെടുത്തു. 124 എ (ദേശദ്രോഹം), 153 എ (മതാടിസ്ഥാനത്തിൽ വ്യത ്യസ്ത വിഭാഗങ്ങൾ തമ്മിൽ ശത്രുതക്ക് വഴിവെക്കൽ), 500 (അപകീര്‍ത്തിപ്പെടുത്തല്‍), 503 (പ്രകോപനം സൃഷ്ടിക്കൽ) എന്നീ വകുപ്പുകളും ഐ.ടി നിയമത്തിലെ 66ാം വകുപ്പും ത​ര​ൺ കൗ​റിനെതിരെ വാരണസി പൊലീസ് ചുമത്തിയിട്ടുണ്ട്.

യോ​ഗി​യെ ‘ഓ​റ​ഞ്ച്​ ബ​ലാ​ത്സം​ഗ​ക്കാ​ര​ൻ’ എ​ന്നും ആ​ർ.​എ​സ്.​എ​സ്​ മേ​ധാ​വി മോഹൻ ഭഗവതിനെ ‘ഭീ​ക​ര​വാ​ദി​യും വം​ശീ​യ​വാ​ദിയും'​ എന്നുമാണ് ഹ​ർ​ദ് കൗ​ർ വി​ളിച്ചത്. മും​ബൈ ഭീ​ക​രാ​ക്ര​മ​ണ​മ​ട​ക്കം രാ​ജ്യ​ത്തെ എ​ല്ലാ ഭീ​ക​രാ​ക്ര​മ​ണ​ങ്ങ​ൾ​ക്ക്​ പി​ന്നി​ലും ആ​ർ.​എ​സ്.​എ​സ്​ ആ​ണെ​ന്നും കൗ​ർ സ​മൂ​ഹ​മാ​ധ്യ​മ​ത്തി​ൽ കു​റി​ച്ചു. കൊ​ല്ല​പ്പെ​ട്ട മാ​ധ്യ​മ​പ്ര​വ​ർ​ത്ത​ക ഗൗ​രി ല​​ങ്കേ​ഷി​​ന്‍റെ ചി​ത്ര​വും എ​സ്.​എം. മു​ശ്​​രി​ഫ്​ എ​ഴു​തി​യ ഏ​റെ വി​വാ​ദ​മാ​യ ‘ക​ർ​ക്ക​രെ​യെ കൊ​ന്ന​താ​ര്​’ എ​ന്ന പു​സ്​​ത​ക​ത്തി​​​​​​​െൻറ ക​വ​ർ​ചി​ത്ര​വും അ​വ​ർ പോ​സ്​​റ്റ്​ ചെ​യ്​​തി​രുന്നു.

പു​ൽ​വാ​മ, മും​ബൈ എ​ന്നി​വ​യ​ട​ക്കം രാ​ജ്യ​ത്തു​ണ്ടാ​യ എ​ല്ലാ ഭീ​ക​രാ​ക്ര​മ​ണ​ങ്ങ​ൾ​ക്കും ഉ​ത്ത​ര​വാ​ദി ആ​ർ.​എ​സ്.​എ​സ്​ മോ​ധാ​വി​യാ​ണ്. ഗോ​ദ്​​സെ മ​ഹാ​ത്മ ഗാ​ന്ധി​യെ വ​ധി​ച്ച​തി​നെ തു​ട​ർ​ന്ന്​ നി​രോ​ധി​ക്ക​പ്പെ​ട്ട സം​ഘ​ട​ന​യാ​ണ്​ ആർ.എസ്.എസ്. നി​ങ്ങ​ൾ​ക്ക്​ ഇ​വി​ടെ പ്ര​വ​ർ​ത്തി​ക്കാ​ൻ അ​നു​മ​തി​യി​ല്ല. ഗാ​ന്ധി​യും ബു​ദ്ധ​നു​മെ​ല്ലാം ബ്രാ​ഹ്മ​ണ ജാ​തി മേ​ധാ​വി​ത്വ​ത്തി​നെ​തി​രെ പോ​രാ​ടി​യ​വ​രാ​ണ് ​-കൗ​ർ പറയുന്നു.

യു.​പി മു​ഖ്യ​മ​ന്ത്രി ‘സൂ​പ്പ​ർ ഹീ​റോ’ ആ​ണെ​ങ്കി​ൽ ബ​ലാ​ത്സം​ഗ​ക്കാ​ര​ൻ യോ​ഗി എ​ന്നാ​ണ്​ താ​ൻ വി​ളി​ക്കു​ക. നി​ങ്ങ​ളു​ടെ സ​ഹോ​ദ​രി​മാ​ർ, അ​മ്മ​മാ​ർ, മ​ക്ക​ൾ എ​ന്നി​വ​ർ മാ​ന​ഭം​ഗം ചെ​യ്യ​പ്പെ​ടു​േ​മ്പാ​ൾ നി​ങ്ങ​ൾ ഇ​ദ്ദേ​ഹ​ത്തെ വി​ളി​ക്കു​ന്നു. എ​ന്നാ​ൽ, ഞാ​ൻ വ്യ​ക്തി​പ​ര​മാ​യി ‘ഓ​റ​ഞ്ച്​ ബ​ലാ​ത്സം​ഗ​ക്കാ​ര​ൻ’ എ​ന്നാ​ണ്​ വി​ശേ​ഷി​പ്പി​ക്കു​ക​യെ​ന്നും കൗ​റി​​​​​​​െൻറ കു​റി​പ്പി​ൽ പ​റ​യു​ന്നു.