ഹൈദരാബാദ്​ നൈസാമി​െൻറ സ്വർണ ടിഫിൻ ബോക്​സും കപ്പും മോഷണം പോയി

ഹൈദരാബാദ്​: നൈസാമി​​​​െൻറ കാലത്തുള്ള സ്വർണ ടിഫിന്‍ ബോക്സും കപ്പും സോസറും സ്​പൂണും മോഷണം പോയി. ഹൈദരാബാദിലെ പുരണി ഹവേലിയിലുള്ള നൈസാം മ്യൂസിയത്തില്‍ നിന്നാണ് കോടികൾ വിലമതിക്കുന്ന പുരാവസ്​തുക്കൾ മോഷണം പോയത്. ഞായറാഴ്​ച രാത്രിയാണ്​ സംഭവം. തിങ്കളാഴ്​ചയാണ്​ വിവരമറിയുന്നത്​.

രണ്ടു കിലോ തൂക്കമുള്ള അഞ്ചു ഭാഗങ്ങളുള്ള സ്വർണ്ണത്തി​​​​െൻറ ടിഫിൻ ബോക്​സ്​, വജ്രം, എമറാള്‍ഡ്, പത്​മരാഗം എന്നിവ പതിച്ച കപ്പ്​, സോസര്‍, സ്പൂണ്‍ എന്നിവയാണ്​ മോഷണം പോയത്​. ഹൈദരാബാദിലെ അവസാന നൈസാമായിരുന്ന മിര്‍ ഉസ്മാന്‍ അലി ഖാന്‍ ബഹദൂറിന്​ ലഭിച്ച സമ്മാനങ്ങളാണ്​ ഇവ.

മരം കൊണ്ടുള്ള ജനാല തകര്‍ത്ത് അകത്തു കയറിയ മോഷ്ടാക്കള്‍ കയറില്‍ തൂങ്ങി 20 അടി താഴ്ചയിലുള്ള തറയില്‍ എത്തുകയായിരുന്നു. തുടര്‍ന്ന് പുരാവസ്തുക്കള്‍ സൂക്ഷിച്ചിരുന്ന അലമാര തകര്‍ത്ത് ടിഫിന്‍ ബോക്‌സും ചായക്കപ്പും കൈവശപ്പെടുത്തുകയായിരുന്നു.

മ്യൂസിയത്തെപ്പറ്റി വ്യക്തമായ ധാരണയുള്ളവരാണ് മോഷണം നടത്തിയതെന്ന് പൊലീസ് കരുതുന്നു. വ​​​െൻറിലേറ്ററിനു സമീപമുള്ള സിസിടിവി കാമറകള്‍ തിരിച്ചുവച്ച് മുഖം പതിയുന്നത് ഒഴിവാക്കിയിരുന്നു. വ​​​െൻറിലേറ്റര്‍ വഴി ഒരാള്‍ കയറിലൂടെ ഇറങ്ങി വരുന്നത് സിസിടിവി കാമറകളില്‍ കാണാമെങ്കിലും മുഖം വ്യക്തമല്ല. പൊലീസ് 10 ടീമുകള്‍ രൂപീകരിച്ച് മോഷ്ടാക്കളെ കണ്ടെത്താന്‍ തിരച്ചില്‍ ആരംഭിച്ചിട്ടുണ്ട്.