യോഗി ആദിത്യനാഥി​െൻറ പിതാവിനെ ആക്ഷേപിച്ചു; കേസെടുത്ത്​ യു.പി പൊലീസ്​

പിലിഭിത്​: യു.പി മുഖ്യമന്ത്രി യോഗി ആദിത്യനാഥി​െൻറ പിതാവിനെ ആക്ഷേപിച്ചു എന്നതി​െൻറ പേരിൽ രണ്ടുപേർക്കെതിരേ കേസെടുത്ത്​ പൊലീസ്​. സമാജ്‌വാദി പാർട്ടി നേതാക്കൾക്കെതിരായാണ്​ കേസെടുത്തിരിക്കുന്നത്​. ബിജെപി ജില്ലാ ജനറൽ സെക്രട്ടറി മഹാദേവി​െൻറ പരാതിയിൽ സുൻഗാരി കോട്‌വാലി പോലീസാണ് എഫ്.ഐ.ആർ രജിസ്​റ്റർ ചെയ്​തത്​. സമാജ്‌വാദി പാർട്ടി എം.എൽ.സി രാജ്​പാൽ കശ്യപ്, പിലിഭിത് ജില്ലാ യൂനിറ്റ് പ്രസിഡൻറ്​ യൂസഫ് കദ്രി എന്നിവർക്കെതിരായാണ്​ കേസെടുത്തിരിക്കുന്നത്​.

എസ്​.പിയുടെ പിന്നോക്ക വിഭാഗ സെല്ലി​െൻറ പ്രസിഡൻറ്​ കൂടിയാണ്​ കശ്യപ്​. കേസിൽ പോലീസ് അന്വേഷണം ആരംഭിച്ചിട്ടുണ്ടെന്ന്​ ​പിലിഭിത് പോലീസ് സൂപ്രണ്ട് ദിനേശ് കുമാർ പറഞ്ഞു.അടുത്തിടെ സമാജ്‌വാദി പാർട്ടിക്ക് നേരെ നടത്തിയ വിമർശനത്തിൽ 'അബ്ബ ജാൻ' എന്ന് പറയുന്ന ആളുകൾ എല്ലാ റേഷനും നേരത്തെ സ്വന്തമാക്കുന്നുണ്ടായിരുന്നു എന്ന്​ യോഗി ആദിത്യനാഥ്​ പറഞ്ഞിരുന്നു.

ബുധനാഴ്​ച പിലിഭിത്തിൽ നടന്ന പിന്നാക്ക വിഭാഗ സമ്മേളനത്തിൽ ഇതിനെതിരേ സംസാരിക്കു​േമ്പാഴാണ്​ കശ്യപ് യോഗിയുടെ പിതാവിനെതിരെ പരാമർശങ്ങൾ നടത്തിയത്​. മുഖ്യമന്ത്രിയെ താൻ ഭയപ്പെടുന്നില്ലെന്നും ത​െൻറ പാർട്ടി നേതാവ് മുലായം സിങ്​ യാദവിനെതിരെ ആദിത്യനാഥ് എന്തെങ്കിലും പ്രസ്​താവന നടത്തിയാൽ താൻ മിണ്ടാതിരിക്കില്ലെന്നും കശ്യപ് പറഞ്ഞതായി പരാതിയിൽ പറയുന്നു. പിന്നാക്ക വിഭാഗ സമ്മേളനത്തിൽ പങ്കെടുത്ത ആളുകളുടെ പേരിൽ കോവിഡ് പ്രോട്ടോക്കോൾ ലംഘിച്ചതിനും കേസ്​ രജിസ്റ്റർ ചെയ്​തിട്ടുണ്ട്​.