Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightലോക്ക്​​ഡൗൺ ലംഘിച്ച...

ലോക്ക്​​ഡൗൺ ലംഘിച്ച കർണാടക സിംഹം അണ്ണാമലൈക്കെതിരെ കേസ്​

text_fields
bookmark_border
ലോക്ക്​​ഡൗൺ ലംഘിച്ച കർണാടക സിംഹം അണ്ണാമലൈക്കെതിരെ കേസ്​
cancel

കോയമ്പത്തൂർ: കോവിഡ്​ ലോക്ക്​​ഡൗൺ നിയന്ത്രണങ്ങൾ ലംഘിച്ച്​ സ്വീകരണം സംഘടിപ്പിച്ചതിന്​ മുൻ ​െഎ.പി.എസ്​ ഉദ്യോഗസ്​ഥൻ കെ.അണ്ണാമലൈ ഉൾപ്പെടെ അഞ്ച്​ ബി.ജെ.പി നേതാക്കൾക്തെിരെ കോയമ്പത്തൂർ സിറ്റി പൊലീസ്​ കേസെടുത്തു.

'കർണാടക സിംഹം' എന്ന പേരിലറിയപ്പെട്ടിരുന്ന മുൻ ​െഎ.പി.എസ്​ ഉദ്യോഗസ്​ഥനും കരൂർ സ്വദേശിയുമായ കെ.അണ്ണാമലൈ ഇൗയിടെയാണ്​ ബി.ജെ.പിയിൽ ചേർന്നത്​. ഇൗ നിലയിലാണ്​ അണ്ണാമലൈക്ക്​ കോയമ്പത്തൂരിൽ സ്വീകരണം സംഘടിപ്പിച്ചത്​. കോയമ്പത്തൂർ സിദ്ധാപുത്തൂർ വി.കെ.കെ മേനോൻ റോഡിലെ ബി.ജെ.പി ഒാഫിസ്​ പരിസരത്ത്​ മേളതാളങ്ങളോടെ പടക്കംപൊട്ടിച്ചും നടത്തിയ സ്വീകരണ പരിപാടിയിൽ നൂറുക്കണക്കിന്​ പ്രവർത്തകരാണ്​ തടിച്ചുകൂടിയത്​.

ഇതേ തുടർന്നാണ്​ കാട്ടൂർ പൊലീസ്​ അണ്ണാമലൈക്ക്​ പുറമെ ബി.ജെ.പി സംസ്​ഥാന ജനറൽ സെക്രട്ടറി ജി.കെ.ശെൽവകുമാർ, ട്രഷറർ എസ്​.ആർ.ശേഖർ, സംസ്​ഥാന സെക്രട്ടറി കനകസഭാപതി, ജില്ല പ്രസിഡൻറ്​ നന്ദകുമാർ എന്നിവരെ കൂടി ഉൾപ്പെടുത്തി പകർച്ചവ്യാധി നിയമം ഉൾപ്പെടെ അഞ്ച്​ വകുപ്പുകൾ പ്രകാരം കേസ്​ രജിസ്​റ്റർ ചെയ്​തത്​.

ബംഗളുരു സൗത്ത്​ ഡെപ്യൂട്ടി പൊലീസ്​ കമീഷണറായി സേവനമനുഷ്​ഠിക്കവെ 2019 മെയ്​ മാസത്തിലാണ്​ അണ്ണാമലൈ സർവീസിൽനിന്ന്​ രാജിവെച്ചത്​.

Show Full Article
TAGS:kannada singham Annamalai 
Next Story