'ഞാൻ ​അന്നേ പറഞ്ഞു, അയാൾ ഉറപ്പില്ലാത്തവനാണെന്ന്​'- സിധുവിനെത​ിരെ അമരീന്ദർ

ചണ്ഡീഗഢ്​: പഞ്ചാബ്​ കോൺഗ്രസ്​ അധ്യക്ഷ സ്​ഥാനത്തു നിന്നും രാജിവെച്ച സിധുവിനെതിരെ ട്വീറ്റുമായി മുതിർന്ന കോൺഗ്രസ്​ നേതാവും മുൻ പഞ്ചാബ്​ മുഖ്യമന്ത്രിയുമായ അമരീന്ദർ സിങ്​. 'അയാൾ സ്​ഥിരതയില്ലാത്തവനും അതിർത്തി സംസ്​ഥാനമായ പഞ്ചാബിന്​ ഫിറ്റല്ലാത്ത ആളാണെന്നും ഞാൻ അന്നേ പറഞ്ഞു'വെന്നാണ്​ അമരീന്ദർ സിങ്​ ട്വീറ്റ്​ ചെയ്​തത്​.

അമരീന്ദർ മുഖ്യമന്ത്രി സ്​ഥാനം രാജിവെക്കാൻ പിന്നിൽ കളിച്ചത്​ സിധുവിന്‍റെ ​േനതൃത്വത്തിലുള്ള വിഭാഗമാണെന്ന്​ നേരത്തെ അമരീന്ദർ വിഭാഗം ആരോപിച്ചിരുന്നു. മുഖ്യമന്ത്രി സ്ഥാനത്തുനിന്ന് അമരീന്ദറിനെ മാറ്റണമെന്നാവശ്യപ്പെട്ട് നാലു മന്ത്രിമാർ അടക്കം 40 എം.എൽ.എമാരാണ് ഹൈക്കമാൻഡിനെ സമീപിച്ചിരുന്നത്.

I told you so…he is not a stable man and not fit for the border state of punjab.

— Capt.Amarinder Singh (@capt_amarinder) September 28, 2021

പഞ്ചാബ്​ രാഷ്​​ട്രീയ പ്രതിസന്ധിക്ക്​ അവസാനമാകുമെന്ന് കണ്ടായിരുന്നു​ അമരീന്ദർ സിംഗ്​ വിഭാഗം ഉയർത്തിയ കടുത്ത എതിർപ്പ് അവഗണിച്ച്​ ​സിധുവിനെ പി.സി.സി അധ്യക്ഷനാക്കി ഹൈക്കമാൻഡ് മാസങ്ങൾക്ക്​ മുന്നെ ഉത്തരവിട്ടിരുന്നത്​.