പ്രജ്ഞ മാപ്പ്​ പറയാതെ അവരോടൊപ്പം പ്രവർത്തിക്കില്ലെന്ന്​ മുസ്​ലിം ബി.ജെ.പി നേതാവ്​

ഭോപാൽ: മാലേഗാവ്​ സ്​ഫോടന കേസിലെ പ്രതിയും ഭോപാൽ മണ്ഡലത്തിൽ നിന്നുള്ള ബി.ജെ.പിയുടെ സ്ഥാനാർഥിയുമായ പ്രജ്ഞ ഠ ാക്കൂർ മാപ്പ്​ പറയാതെ അവർക്കൊപ്പം പ്രവർത്തിക്കാനാവില്ലെന്ന്​ മുസ്​ലിം ബി.ജെ.പി നേതാവ്​ ഫാത്തിമ റസൂൽ സിദ്ധിഖ ്​.

മുസ്​ലിംകളുമായി ബന്ധപ്പെട്ട ആളുകളെ വേദനിപ്പിക്കുന്നതാണ്​ പ്രജ്ഞ ഠാക്കൂറി​​െൻറ പ്രസ്​താവന. താൻ മത വികാരങ്ങളെ വ്രണപ്പെടുത്തുന്നതിൽ വിശ്വസിക്കുന്നില്ലെന്നും അതിനാലാണ്​ പ്രജ്ഞ ഠാക്കൂർ മാപ്പ്​ പറയാതെ അവരോടൊപ്പം പ്രവർത്തിക്കാൻ സാധിക്കാത്തതെന്നും അവർ പറഞ്ഞു.

ബാബ്​റി മസ്​ജിദ്​​ തകർത്തതിലുള്ള ത​​െൻറ പങ്കിൽ അഭിമാനമുണ്ടെന്ന്​ പ്രജ്ഞ ഠാക്കൂർ പറഞ്ഞിരുന്നു. മാലേഗാവ്​ സ്​ഫോടന കേസിലെ പ്രതിയായ പ്രജ്ഞ നിലവിൽ ജാമ്യത്തിലാണ്​. ​ഭോപാൽ മണ്ഡലത്തിൽ കോൺഗ്രസിലെ ദിഗ്​ വിജയ്​ സിങ്ങിനെയാണ്​ പ്രജ്ഞ ഠാക്കൂർ നേരിടുന്നത്​.