തമിഴ്​നാട്ടിലെ എല്ലാ മുസ്​ലിം വിഭാഗങ്ങളെയും പിന്നാക്കമായി പരിഗണിക്കാനാവില്ലെന്ന്​ കോടതി

ചെ​ന്നൈ: ഇ​സ്‍ലാം മ​തം സ്വീ​ക​രി​ച്ച​യാ​ളു​ടെ പി​ന്നാ​ക്ക​സം​വ​ര​ണ​ത്തി​നാ​യ അ​വ​കാ​ശ​വാ​ദം മ​ദ്രാ​സ് ഹൈ​കോ​ട​തി മ​ധു​ര ബെ​ഞ്ച്​ നി​ര​സി​ച്ചു. സം​വ​ര​ണ വി​ഭാ​ഗ​ത്തി​ൽ ര​ജി​സ്റ്റ​ർ ചെ​യ്ത​തി​നാ​ൽ ത​ന്‍റെ ഫ​ലം ത​ട​ഞ്ഞു​വെ​ച്ച ത​മി​ഴ്‌​നാ​ട് പ​ബ്ലി​ക് സ​ർ​വി​സ് ക​മീ​ഷ​ൻ (ടി.​എ​ൻ.​പി.​എ​സ്‌.​സി) തീ​രു​മാ​ന​ത്തെ ചോ​ദ്യം​ചെ​യ്ത് യു. ​അ​ക്ബ​ർ അ​ലി സ​മ​ർ​പ്പി​ച്ച ഹ​ര​ജി​യി​ലാ​ണ്​ ജ​സ്റ്റി​സ് ജി.​ആ​ർ. സ്വാ​മി​നാ​ഥ​ന്റെ ഉ​ത്ത​ര​വ്.

അ​ക്ബ​റി​നെ ഓ​പ​ൺ കാ​റ്റ​ഗ​റി​യി​ൽ മാ​ത്ര​മേ ഉ​ൾ​പ്പെ​ടു​ത്താ​ൻ ക​ഴി​യൂ​വെ​ന്ന്​ ടി.​എ​ൻ.​പി.​എ​സ്.​സി അ​റി​യി​ക്കു​ക​യാ​യി​രു​ന്നു. തു​ട​ർ​ന്നാ​ണ് ഈ ​തീ​രു​മാ​ന​ത്തെ ചോ​ദ്യം​ചെ​യ്ത് അ​ക്ബ​ർ കോ​ട​തി​യെ സ​മീ​പി​ച്ച​ത്. മ​ത​പ​രി​വ​ർ​ത്ത​ന​ത്തി​ന് ശേ​ഷം താ​ൻ ഇ​പ്പോ​ൾ മു​സ്‍ലിം ല​ബ്ബൈ സ​മു​ദാ​യ​ത്തി​ലാ​ണെ​ന്ന്​ അ​ക്​​ബ​ർ അ​ലി അ​വ​കാ​ശ​പ്പെ​ട്ടി​രു​ന്നു.

എ​ന്നാ​ൽ, ത​മി​ഴ്‌​നാ​ട്ടി​ലെ എ​ല്ലാ മു​സ്‍ലിം​ക​ളെ​യും പി​ന്നാ​ക്ക​വി​ഭാ​ഗ​മാ​യി പ​രി​ഗ​ണി​ക്കു​ന്നി​ല്ലെ​ന്ന് കോ​ട​തി ചൂ​ണ്ടി​ക്കാ​ട്ടി. റാ​വു​ത്ത​ർ, മ​ര​യ്ക്കാ​ർ, മാ​പ്പി​ള, സ​യ്യി​ദ്, ഷെ​യ്‌​ക്ക് സ​മു​ദാ​യ​ങ്ങ​ൾ ഉ​ൾ​പ്പെ​ടെ അ​ൻ​സാ​ർ, ദ​ഖ​നി, ദു​ദെ​കു​ല, ല​ബ്ബൈ എ​ന്നി​വ മാ​ത്ര​മാ​ണ് സം​സ്ഥാ​ന​ത്ത് പി​ന്നാ​ക്ക​വി​ഭാ​ഗ​ത്തി​ൽ വ​രു​ന്ന​തെ​ന്ന് കോ​ട​തി പ​റ​ഞ്ഞു.

രാ​മ​നാ​ഥ​പു​രം ജി​ല്ല​യി​ലെ ഖാ​ദി ന​ൽ​കി​യ സ​ർ​ട്ടി​ഫി​ക്ക​റ്റി​ൽ ഹ​ര​ജി​ക്കാ​ര​ൻ മു​സ്‍ലിം എ​ന്ന് മാ​ത്ര​മേ പ​റ​യു​ന്നു​ള്ളൂ. റ​വ​ന്യൂ അ​ധി​കൃ​ത​ർ​ക്കോ മ​തേ​ത​ര സ​ർ​ക്കാ​റി​നോ മ​ത​പ​രി​വ​ർ​ത്ത​നം ചെ​യ്യ​പ്പെ​ട്ട വ്യ​ക്തി​യെ മ​ത​ത്തി​ലെ ഒ​രു പ്ര​ത്യേ​ക വി​ഭാ​ഗ​ത്തി​ലേ​ക്ക്​ മാ​റ്റാ​നാ​വി​ല്ലെ​ന്ന്​ അ​ഭി​പ്രാ​യ​പ്പെ​ട്ട കോ​ട​തി ഓ​പ​ൺ കാ​റ്റ​ഗ​റി​യി​ൽ പ​രി​ഗ​ണി​ക്കാ​നു​ള്ള ടി.​എ​ൻ.​പി.​എ​സ്‌.​സി​യു​ടെ തീ​രു​മാ​നം ശ​രി​വെ​ച്ചു.