Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightവാക്​സിനേഷന്​ ശേഷം...

വാക്​സിനേഷന്​ ശേഷം കോവിഡ്​ ബാധിക്കുമോ? ഭാരത്​ ബയോടെക്​ ചെയർമാന്​ പറയാനുള്ളത്​ ഇതാണ്​

text_fields
bookmark_border
Krishna Ella
cancel

ന്യൂഡൽഹി: വാക്​സിൻ സ്വീകരിച്ചതിന്​ ശേഷം​ കോവിഡ്​ 19 ബാധിക്കുമോ?. ഏതൊരാൾക്കും ഉണ്ടായേക്കാവുന്ന സംശയമാണിത്​​. ഇൗ വിഷയത്തിൽ തന്‍റെ അഭിപ്രായം രേഖപ്പെടുത്തിയിരിക്കുകയാണ്​​ ഭാരത്​ ബയോടെക്​ ചെയർമാനും മാനേജിങ്​ ഡയറക്​ടറുമായ കൃഷ്​ണ എല്ല.

'രണ്ട്​ ഡോസ്​ വാക്​സിൻ സ്വീകരിച്ചതുകൊണ്ട്​ കോവിഡ്​ ​ബാധിക്കില്ലെന്ന്​ ഉറപ്പിച്ച്​ പറയാൻ സാധിക്കില്ല. കുത്തിവെപ്പിന്​ ശേഷം മാസ്ക് ധരിക്കുന്നത് കർശനമായി തുടരേണ്ടതാണ്​'​ -ഡോ. കൃഷ്​ണ എല്ല പറഞ്ഞു. 'കുത്തിവക്കുന്ന എല്ലാ വാക്സിനുകളുടെയും പ്രശ്നം അതാണ്​. വാക്സിൻ രോഗം ഗുരുതരമാകുന്നത് തടയുകയും ജീവനുള്ള ഭീഷണി കുറക്കുകയും ചെയ്യുന്നു' -അ​ദ്ദേഹം പറഞ്ഞു.

രാജ്യത്ത്​ കോവിഡ്​ ബാധ ഗുരുതരമായി തുടരുകയാണ്​. തുടർച്ചയായി ഏഴാം ദിവസമാണ്​ രാജ്യത്ത്​ പ്രതിദിന കോവിഡ്​ കേസുകളുടെ എണ്ണം രണ്ട്​ ലക്ഷം കടന്നത്​.

മെയ്​ ഒന്ന്​ മുതൽ 18 വയസിൽ കൂടുതൽ പ്രയമുള്ളവർക്കുള്ള വാക്​സിൻ യജ്ഞം ആരംഭിക്കുന്നതിനാൽ വാക്​സിൻ ഉൽപാദനം കൂട്ടാൻ ഭാരത്​ ബയോടെക്​ തീരുമാനിച്ചിരുന്നു. മെയ്​ മാസം 30 ദശലക്ഷം ഡോസ്​ കോവാക്​സിൻ ഉൽപാദിപ്പിക്കാനാണ്​ അവർ ലക്ഷ്യമിടുന്നത്​. ​മാർച്ചിൽ 15 ദശലക്ഷവും ഏപ്രിലിൽ 20 ദശലക്ഷം ഡോസും കോവാക്​സിനാണ്​ ഭാരത്​ ബയോടെക്​ ഉൽപാദിപ്പിച്ചത്​.

പ്രതിവർഷം 700 ദശലക്ഷം ഡോസ്​ വാക്​സിൻ ഉൽപാദനമാണ് ലക്ഷ്യമിടുന്നതെന്ന്​ ഭാരത്​ ബയോടെക്​ അടുത്തിടെ വ്യക്തമാക്കിയിരുന്നു.

Show Full Article
TAGS:covid 19 covid vaccine Bharat Biotech krishna ella 
News Summary - Can we get Covid infected after vaccination? Bharat Biotech chairman Krishna Ella explains
Next Story