കോവിഡിന്​ മരുന്നായി ഗംഗാജലം: ​ഗവേഷണം നടത്തണമെന്ന്​​ കേന്ദ്രം

ന്യൂഡൽഹി: കോവിഡ് -19ന്​ മരുന്നായി ഗംഗാനദിയിലെ വെള്ളം ഉപയോഗിക്കാൻ കഴിയുമോ എന്ന്​ ഗവേഷണം നടത്തണമെന്ന കേന്ദ്രസർക്കാരി​​െൻറ അഭ്യർഥന ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐ.സി.എം.ആർ) നിരസിച്ചു. ‘‘കോവിഡ് -19 പ്രതിരോധത്തിലാണ്​ ഇപ്പോൾ തങ്ങളു​െട ശ്രദ്ധ മുഴുവൻ. മറ്റ് വിഷയങ്ങളിൽ സമയം പാഴാക്കാൻ ആഗ്രഹമില്ല’’ -ഐ.സി.‌എം‌.ആറിനെ ഉദ്ധരിച്ച്​ ‘ദി പ്രിൻറ്​’ റിപ്പോർട്ട്​ ചെയ്​തു. 

‘അതുല്യ ഗംഗ’ എന്ന സന്നദ്ധ സംഘടനയാണ്​ ഗംഗാജല​ത്തി​​െൻറ കഴിവ്​ സംബന്ധിച്ച അവകാശവാദവുമായി രംഗത്തുവന്നത്​. കൂടുതൽ ഗവേഷണം ആവശ്യപ്പെട്ട്​ ഏപ്രിൽ മൂന്നിന് ഇവർ കേന്ദ്ര ജല മന്ത്രാലയ​െത്തയും പ്രധാനമന്ത്രിയുടെ ഓഫിസിനെയും സമീപിക്കുകയായിരുന്നു. മന്ത്രാലയം​ ഏപ്രിൽ 30നാണ്​ ഇക്കാര്യമുന്നയിച്ച്​ ഐ.സി.‌എം‌.ആറിന്​ കത്തെഴുതിയത്​. 

ഗംഗയിലെ വെള്ളത്തിൽ ഹാനികരമായ ബാക്ടീരിയകളെ കഴിക്കുന്ന ബാക്ടീരിയോഫേജ് എന്ന വൈറസ്​ ഉണ്ടെന്നും അതുല്യ ഗംഗ അവകാശപ്പെട്ടിരുന്നു. ​െഎ.ഐ.ടി റൂർക്കി, ​െഎ.ഐ.ടി കാൺപൂർ, സി‌എസ്‌ഐ‌ആർ, ​െഎ.ഐ.ടി.ആർ തുടങ്ങിയ സ്ഥാപനങ്ങൾ ഇക്കാര്യം സ്ഥിരീകരിച്ചതായും ഇവർ പറയുന്നു. ഏപ്രിൽ 24ന് ശാസ്​ത്രജ്​ഞരുമായി ഈ വിഷയം ചർച്ച ചെയ്​തിരുന്നതായി ‘അതുല്യ ഗംഗ’ അംഗം കേണൽ മനോജ് കിശ്വർ പറഞ്ഞു. ഗംഗ ജലത്തിൽ അടങ്ങിയിരിക്കുന്ന, കോവിഡിനെ നേരിടാൻ സഹായകമായ മൂലകങ്ങളെ തിരിച്ചറിയാൻ ഐ.സി.‌എം‌.ആറിനെ ചുമതലപ്പെടുത്തണമെന്ന് സി‌എസ്‌ഐ‌ആർ-നീരി ശാസ്ത്രജ്ഞരാണ്​ നിർദ്ദേശിച്ചതെന്നും കിശ്വർ പറഞ്ഞു.

ഇത്തരം ഗവേഷണങ്ങൾക്കായി ജൽ ശക്തി മന്ത്രാലയത്തിൽ നിന്ന് കത്ത് ലഭിച്ച കാര്യം ഐ.സി.എം.ആർ സ്​ഥിരീകരിച്ചു. ഇതുസംബന്ധിച്ച്​ വിദഗ്ധയോഗം ചേർന്നുവെങ്കിലും ഏറ്റെടുക്കാൻ വിസമ്മതിക്കുകയായിരുന്നു. എൻ.ജി.ഒ ഇടപെട്ട്​ ഏതെങ്കിലും ആശുപത്രിയിൽ ക്ലിനിക്കൽ ട്രയൽ നടത്തുന്നുണ്ടെങ്കിൽ സഹായം ഏർപ്പാടാക്കാമെന്ന്​ 21 ഗവേഷണ കേന്ദ്രങ്ങളുള്ള, രാജ്യത്തെ സുപ്രധാന ആരോഗ്യ ഗവേഷണ സ്​ഥാപനമായ ഐ​.സി.എം.ആർ അധികൃതർ പറഞ്ഞു.

‘‘ഗംഗയിലെ വെള്ളത്തിൽ കാണപ്പെടുന്ന വൈറസിന് കോവിഡിനെ ഇല്ലാതാക്കാൻ കഴിയുമെന്ന​ വാദത്തിൽ യുക്തിയില്ല. കോവിഡ്​ ചികിത്സയ്ക്കുള്ള  പരീക്ഷണമായിട്ടാണ് ഞങ്ങൾ ഇപ്പോഴും പ്ലാസ്മ തെറാപ്പിയെ പരിഗണിക്കുന്നത്” ഉദ്യോഗസ്ഥർ കൂട്ടിച്ചേർത്തു.

‘‘ഇപ്പോൾ, കോവിഡ് -19 രോഗികൾക്ക് ശരിയായ ചികിത്സ ഉറപ്പാക്കുന്നതാണ്​ മുഖ്യം. ഇതിന്​ വാക്സിൻ വികസിപ്പിക്കുന്നതിലാണ്​ ശാസ്ത്രജ്ഞർ കൂടുതൽ ശ്രദ്ധ കേന്ദ്രീകരി​േകണ്ടേത്​”-ലഖ്‌നൗവിലെ സി‌.എസ്‌.ഐ‌.ആർ-നാഷനൽ ബൊട്ടാണിക്കൽ റിസർച്ച് ഇൻസ്റ്റിറ്റ്യൂട്ടിലെ മുൻ ശാസ്ത്രജ്ഞൻ പ്രഫ. യു.എൻ. റായ് വ്യക്തമാക്കി.