ഏറെ നാളത്തെ ഇടവേളക്ക് ശേഷം ജമ്മുവിൽ വെടിയൊച്ചകളില്ലാത്ത രാത്രി

ശ്രീനഗർ: ഇന്ത്യ-പാക് വെടിനിർത്തൽ നിലവിൽ വന്നതോടെ ഏറെ നാളത്തെ ഇടവേളക്ക് ശേഷം ജമ്മുവിൽ വെടിയൊച്ചകളും സ്ഫോടന ശബ്ദങ്ങളുമില്ലാത്ത രാത്രിയായിരുന്നു ഇന്നലെ. ജമ്മുവിലും സമീപ മേഖലകളിലും സ്ഥിതി ശാന്തമായതായാണ് റിപ്പോർട്ടുകൾ.

ശനിയാഴ്ച വെടിനിർത്തൽ പ്രഖ്യാപിച്ചതിന് ശേഷവും പലയിടത്തും ആക്രമണമുണ്ടായിരുന്നു. എന്നാൽ, ഇന്നലെ ജമ്മു മേഖലയിൽ രാത്രി പാക് പ്രകോപനം ഉണ്ടായില്ലെന്ന് സേന വൃത്തങ്ങൾ വ്യക്തമാക്കി. ശ​നി​യാ​ഴ്ച രാ​ത്രി 11ന് ​ശേ​ഷം നി​യ​ന്ത്ര​ണ​രേ​ഖ​യി​ൽ വെ​ടി​നി​ർ​ത്ത​ൽ ലം​ഘ​ന​മൊ​ന്നു​മു​ണ്ടാ​യി​ല്ല.

ഇന്നത്തെ ഡി.ജി.എം.ഒ തല ചർച്ചകൾ നിർണായകമാണ്. ഏത് തരത്തിലുള്ള വെല്ലുവിളികളേയും നേരിടാൻ തയാറെന്ന് കര വ്യോമ സേനകളും അറിയിച്ചിട്ടുണ്ട്. അതിർത്തി മേഖലകളിലെ സുരക്ഷ വിലയിരുത്താൻ ജമ്മുകശ്മീരിൽ ഇന്ന് മുഖ്യമന്ത്രിയുടെ നേതൃത്വത്തിൽ യോഗം ചേരും.

അ​തി​ർ​ത്തി മേ​ഖ​ല​ക​ളി​ൽ​നി​ന്ന് സു​ര​ക്ഷി​ത സ്ഥാ​ന​ങ്ങ​ളി​ലേ​ക്ക് മാ​റി​യ​വ​ർ സാ​ഹ​ച​ര്യം വി​ല​യി​രു​ത്തി ഏ​താ​നും ദി​വ​സം​കൂ​ടി ക​ഴി​ഞ്ഞ് തി​രി​ച്ചെ​ത്തി​യാ​ൽ മ​തി​യെ​ന്ന നി​ല​പാ​ടി​ലാ​ണ്. വെ​ടി​നി​ർ​ത്ത​ൽ പ്ര​ഖ്യാ​പ​നം വ​ന്ന​ശേ​ഷ​വും ഡ്രോ​ണു​ക​ളും റോ​ക്ക​റ്റു​ക​ളും പ​റ​ക്കു​ന്ന​ത് ക​ണ്ടു​വെ​ന്ന് ഉ​റി സ്വ​ദേ​ശി​യാ​യ അ​ബ്ദു​ൽ അ​സീ​സ് പ​റ​ഞ്ഞു. വെ​ടി​നി​ർ​ത്ത​ൽ ശാ​ശ്വ​ത​മാ​ക​ട്ടെ​യെ​ന്നാ​ണ് പ്രാ​ർ​ഥ​ന. എ​ന്നാ​ലും ര​ണ്ട് ദി​വ​സം​കൂ​ടി കാ​ത്തി​രി​ക്കാ​നാ​ണ് തീ​രു​മാ​ന​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

പാ​ക് ഷെ​ല്ലാ​ക്ര​മ​ണ​ത്തെ​ത്തു​ട​ർ​ന്ന് അ​തി​ർ​ത്തി പ്ര​ദേ​ശ​ങ്ങ​ളി​ൽ​നി​ന്ന് സു​ര​ക്ഷി​ത സ്ഥ​ല​ങ്ങ​ളി​ലേ​ക്ക് ഒ​ഴി​പ്പി​ച്ച​വ​ർ തി​ര​ക്കി​ട്ട് തി​രി​ച്ചെ​ത്ത​രു​തെ​ന്ന് അ​ധി​കൃ​ത​ർ ആ​വ​ശ്യ​പ്പെ​ട്ടു. പൊ​ട്ടാ​തെ അ​വ​ശേ​ഷി​ക്കു​ന്ന ഷെ​ല്ലു​ക​ൾ നീ​ക്കം​ചെ​യ്യാ​ൻ ഏ​താ​നും ദി​വ​സം​കൂ​ടി വേ​ണ്ടി​വ​രു​മെ​ന്ന് അ​ധി​കൃ​ത​ർ വ്യ​ക്ത​മാ​ക്കി. ബാ​രാ​മു​ള്ള, ബ​ന്ദി​പ്പോ​ര, കു​പ് വാ​ര ജി​ല്ല​ക​ളി​ലെ നി​യ​ന്ത്ര​ണ​രേ​ഖ​യോ​ട് ചേ​ർ​ന്ന പ്ര​ദേ​ശ​ങ്ങ​ളി​ൽ​നി​ന്ന് 1.25 ല​ക്ഷ​ത്തി​ധ​കം ജ​ന​ങ്ങ​ളെ​യാ​ണ് മാ​റ്റി​പ്പാ​ർ​പ്പി​ച്ച​ത്.