രാത്രി വൈകിയും അനുനയ ചർച്ചയുമായി സഖ്യനേതാക്കൾ

ബംഗളൂരു: സഖ്യസർക്കാറിലെ 13 എം.എൽ.എമാരുടെ രാജിയെ തുടർന്നുള്ള പ്രതിസന്ധി ചർച്ചചെയ്യാൻ ഭരണകക്ഷിയായ ജെ.ഡി.എസി​​െൻ റ നേതൃത്വത്തിൽ അടിയന്തര നിയമസഭ കക്ഷിയോഗം ചേർന്നു. ഞായറാഴ്​ച വൈകീ​േട്ടാടെ യു.എസിൽനിന്ന്​ മടങ്ങിയെത്തിയ മുഖ്യ മന്ത്രി എച്ച്​.ഡി. കുമാരസ്വാമി രാത്രി വൈകി നഗരത്തിലെ സ്വകാര്യ ഹോട്ടലിൽ നടന്ന യോഗത്തിൽ പ​െങ്കടുത്തു.

ഭരണപക്ഷ എം.എൽ.എമാരുടെ അപ്രതീക്ഷിത നീക്കത്തിൽ തങ്ങളുടെ മൂന്ന്​ എം.എൽ.എമാരും പങ്കാളികളായതാണ്​ ജെ.ഡി.എസിനെയും പ്രതിരോധത്തിലാക്കിയത്​. പാർട്ടി മുൻ സംസ്​ഥാന അധ്യക്ഷൻകൂടിയായ എ.എച്ച്​. വിശ്വനാഥാണ്​ വിമതർക്ക്​ നേതൃത്വം നൽകുന്നത്​. പാർട്ടി അധ്യക്ഷൻ എച്ച്​.ഡി. ദേവഗൗഡ, സംസ്​ഥാന അധ്യക്ഷൻ എച്ച്​.ഡി. കുമാരസ്വാമി തുടങ്ങിയവരു​െട നേതൃത്വത്തിൽ നടന്ന യോഗത്തിൽ, വിട്ടുവീഴ്​ച ചെയ്​ത്​ വിമതരെ അനുനയിപ്പിക്കാനാണ്​ തീരുമാനം. ആവശ്യ​െമങ്കിൽ കോൺഗ്രസിലെ സിദ്ധരാമയ്യയെ മുഖ്യമന്ത്രിയാക്കിയാലും എതിർപ്പില്ലെന്ന്​ മന്ത്രി ജി.ടി. ദേവഗൗഡ അടക്കമുള്ളവർ നേതൃത്വത്തെ അറിയിച്ചു. മന്ത്രിമാരായ സി.എസ്​. പ​ുട്ടരാജു, സാറ മഹേഷ്​ തുടങ്ങിയവർ മന്ത്രിസ്​ഥാനമൊഴിയാമെന്ന്​ നേതൃത്വത്തെ അറിയിച്ചിരുന്നു.

തുടർന്ന്​ മുഖ്യമന്ത്രി എച്ച്​.ഡി. കുമാരസ്വാമി കോൺഗ്രസ്​ നിയമസഭ കക്ഷിനേതാവ്​ സിദ്ധരാമയ്യ, ആഭ്യന്തരമന്ത്രി എം.ബി. പാട്ടീൽ, ഉപമുഖ്യമന്ത്രി ജി. പരമേശ്വര, എ.​െഎ.സി.സി ജനറൽ സെക്രട്ടറി കെ.സി. വേണുഗോപാൽ എന്നിവരുമായി പ്രശ്​നങ്ങൾ ചർച്ച ചെയ്​തു. മുംബൈയിലുള്ള വിമത എം.എൽ.എമാർ രാജിയിൽ ഉറച്ചുനിൽക്കുകയും കൂടുതൽ പേരെ രാജിവെപ്പിക്കാൻ ശ്രമം ആരംഭിക്കുകയും ചെയ്​തതോടെ കാര്യങ്ങൾ കൈവിട്ടുപോകുന്ന സ്​ഥിതിയാണ്​.

കോൺഗ്രസിലെ അസംതൃപ്​ത എം.എൽ.എമാരായ ഭീമ നായ്​ക്ക്​, കെ. സുധാകർ എന്നിവർ ഞായറാഴ്​ച രാത്രി സിദ്ധരാമയ്യക്കൊപ്പം റേസ്​കോഴ്​സ്​ റോഡിലെ സ്വകാര്യ പഞ്ചനക്ഷത്ര ഹോട്ടലിൽ നേതാക്കളുമായി ചർച്ച നടത്തി. ബെള്ളാരിയിൽനിന്നുള്ള വിമത എം.എൽ.എ ബി. നാഗേന്ദ്രയെയും വിളിച്ചുവരുത്തി. മുതിർന്ന നേതാവ്​ മല്ലികാർജുന ഖാർഗെയുടെ സദാശിവ നഗറിലെ വസതിയിൽ രാമലിംഗ റെഡ്​ഡിയുമായി അദ്ദേഹം ചർച്ച നടത്തിയെങ്കിലും രാജി തീരുമാനത്തിൽനിന്ന്​ റെഡ്​ഡി പിന്മാറിയിട്ടില്ലെന്നാണ്​ വിവരം.