മുഖ്യമന്ത്രി സ്ഥാനം നൽകാമെങ്കിൽ മാത്രം വിളിച്ചാൽ മതി -ബി.ജെ.പിയോട് ഉദ്ധവ് താക്കറെ

മുംബൈ: മഹാരാഷ്ട്ര മുഖ്യമന്ത്രി സ്ഥാനം നൽകാമെങ്കിൽ മാത്രം തന്നെ വിളിച്ചാൽ മതിയെന്ന് ബി.ജെ.പിയോട് ശിവസേന അധ്യക ്ഷൻ ഉദ്ധവ് താക്കറെ. സഖ്യം തകർക്കണമെന്ന് തനിക്ക് ആഗ്രഹമില്ല. പക്ഷേ, ലോക്സഭ തെരഞ്ഞെടുപ്പ് സമയം മുതലുള്ള ധാരണ ബി.ജ െ.പി നടപ്പാക്കണം -ഉദ്ധവ് താക്കറെ പറഞ്ഞു.

മുൻ ധാരണകൾ നടപ്പാക്കാമെന്ന് ബി.ജെ.പി ഉറപ്പുനൽകിയാൽ അവരുടെ നേതൃത്വവുമായി ചർച്ച നടത്താം. രണ്ടര വർഷം മുഖ്യമന്ത്രി സ്ഥാനം ശിവസേനക്ക് വേണമെന്നാണ് ഞങ്ങളുടെ ആവശ്യം -ഉദ്ധവ് പറഞ്ഞു.

ആത്മാഭിമാനമുള്ള പാർട്ടിയാണ് ഞങ്ങളുടേത്. ബി.ജെ.പിയെ മൂലക്കിരുത്താൻ ഞങ്ങൾക്ക് ആഗ്രഹമില്ല. മുഖ്യമന്ത്രിയുടെ പ്രസ്താവന തീർത്തും യോജിക്കാത്തതാണ്. ഞാൻ കളവ് പറഞ്ഞെന്ന് സ്ഥാപിക്കാനാണ് അദ്ദേഹം ശ്രമിക്കുന്നതെന്നും ഉദ്ധവ് പറഞ്ഞു.

തെരഞ്ഞെടുപ്പ് ഫലം വന്ന് രണ്ടാഴ്ച പിന്നിട്ടിട്ടും മഹാരാഷ്ട്രയിൽ സർക്കാർ രൂപവത്കരിക്കാൻ ബി.ജെ.പി-ശിവസേന സഖ്യത്തിന് കഴിഞ്ഞിട്ടില്ല. മുഖ്യമന്ത്രി പദം പങ്കുവെക്കണമെന്ന ശിവസേനയുടെ ആവശ്യം ബി.ജെ.പി അംഗീകരിക്കാത്തതാണ് നിലവിലെ പ്രതിസന്ധിക്ക് കാരണം. വ്യാഴാഴ്ച ശിവസേന എം.എൽ.എമാരുടെ യോഗം ചേർന്ന് ഭാവിതീരുമാനങ്ങൾ കൈക്കൊണ്ടിരുന്നു.

ബി.െജ.പി സ്വാധീനിച്ച് വശത്താക്കുന്നത് തടയാൻ ശിവസേന തങ്ങളുടെ എം.എൽ.എമാരെ മുംബൈയിലെ ഹോട്ടലിലേക്ക് മാറ്റിയിരിക്കുകയാണ്.