ജൽജീവൻ മിഷനിൽ സംസ്ഥാനതല ഓഡിറ്റുമായി സി.എ.ജി

ന്യൂ​ഡ​ൽ​ഹി: ഗ്രാ​മീ​ണ മേ​ഖ​ല​യി​ൽ കു​ടി​വെ​ള്ള ല​ഭ്യ​ത ഉ​റ​പ്പു​വ​രു​ത്താ​ൻ ല​ക്ഷ്യ​മി​ടു​ന്ന ജ​ൽ​ജീ​വ​ൻ പ​ദ്ധ​തി​യി​ൽ (ജെ.​ജെ.​എം) ഓ​ഡി​റ്റു​മാ​യി കം​പ്ട്രോ​ള​ർ ആ​ൻ​ഡ് ഓ​ഡി​റ്റ​ർ ജ​ന​റ​ൽ ഓ​ഫ് ഇ​ന്ത്യ (സി.​എ.​ജി). സം​സ്ഥാ​ന, മേ​ഖ​ല ത​ല​ങ്ങ​ളി​ൽ 2019-20 സാ​മ്പ​ത്തി​ക വ​ർ​ഷം മു​ത​ൽ 2023-24 വ​രെ ജെ.​ജെ.​എം ന​ട​പ്പി​ലാ​ക്കി​യ​തു​മാ​യി ബ​ന്ധ​പ്പെ​ട്ട വി​ശ​ദാം​ശ​ങ്ങ​ൾ ഓ​ഡി​റ്റ് ചെ​യ്തു​വ​രു​ക​യാ​ണെ​ന്ന് അ​ധി​കൃ​ത​ർ പ​റ​ഞ്ഞു. പ​ദ്ധ​തി​യെ ഓ​ഡി​റ്റ് പ​രി​ധി​യി​ൽ ഒ​ന്ന​ര വ​ർ​ഷം മു​മ്പാ​ണ് ഉ​ൾ​പ്പെ​ടു​ത്തി​യ​ത്.

കേ​ര​ള​മ​ട​ക്കം സം​സ്ഥാ​ന​ങ്ങ​ളി​ൽ പ്രി​ൻ​സി​പ്പ​ൽ അ​ക്കൗ​ണ്ട​ന്റ് ജ​ന​റ​ൽ​മാ​രു​ടെ​യോ (പി.​എ.​ജി) അ​ക്കൗ​ണ്ട​ന്റ്സ് ജ​ന​റ​ൽ​മാ​രു​ടെ​യോ (എ.​ജി) നേ​തൃ​ത്വ​ത്തി​ലു​ള്ള പ്രാ​ദേ​ശി​ക ഓ​ഫി​സു​ക​ൾ വ​ഴി​യാ​ണ് ഓ​ഡി​റ്റ് ന​ട​ത്തു​ന്ന​ത്. മി​ക്ക സം​സ്ഥാ​ന​ങ്ങ​ളി​ലും വി​വ​ര​ശേ​ഖ​ര​ണ​മ​ട​ക്കം ന​ട​പ​ടി​ക​ൾ പൂ​ർ​ത്തി​യാ​യി​ട്ടു​ണ്ട്. ര​ണ്ട് സം​സ്ഥാ​ന​ങ്ങ​ളു​ടെ റി​പ്പോ​ർ​ട്ടു​ക​ൾ ഇ​തി​ന​കം സി.​എ.​ജി ആ​സ്ഥാ​ന​ത്ത് എ​ത്തി​യ​താ​യും അ​ധി​കൃ​ത​ർ പ​റ​ഞ്ഞു. ന​ട​പ​ടി​ക​ൾ പൂ​ർ​ത്തി​യാ​ക്കി​യ റി​പ്പോ​ർ​ട്ടു​ക​ൾ അ​ത​ത് സം​സ്ഥാ​ന​ങ്ങ​ളു​ടെ നി​യ​മ​സ​ഭ​യി​ൽ സ​മ​ർ​പ്പി​ക്കും.

പ​ദ്ധ​തി നി​ർ​വ​ഹ​ണം സം​സ്ഥാ​ന ത​ല​ത്തി​ലാ​യ​തു​കൊ​ണ്ടാ​ണ് വി​കേ​ന്ദ്രീ​കൃ​ത മാ​തൃ​ക​യി​ൽ ഓ​ഡി​റ്റ് ന​ട​ത്തു​ന്ന​ത്. ആ​സൂ​ത്ര​ണം, സാ​മ്പ​ത്തി​ക നി​ർ​വ​ഹ​ണം എ​ന്നി​ങ്ങ​നെ പ​ദ്ധ​തി​യു​ടെ വി​വി​ധ ത​ല​ങ്ങ​ൾ ഓ​ഡി​റ്റി​ന് വി​ധേ​യ​മാ​ക്കും. 2023ൽ ​ടെ​ൻ​ഡ​ർ മാ​ന​ദ​ണ്ഡ​ങ്ങ​ളി​ൽ മാ​റ്റം വ​രു​ത്തി​യ​തി​നു​പി​ന്നാ​ലെ, പ​ദ്ധ​തി ചെ​ല​വു​ക​ൾ കു​ത്ത​നെ ഉ​യ​ർ​ന്ന​താ​യാ​ണ് ക​ണ​ക്കു​ക​ൾ. മേ​യ് 21 ന്, ​ല​ഭ്യ​മാ​യ വി​വ​ര​മ​നു​സ​രി​ച്ച് വി​വി​ധ സം​സ്ഥാ​ന​ങ്ങ​ളി​ലാ​യി 14,586 പ​ദ്ധ​തി​ക​ൾ​ക്ക് ആ​കെ 16,839 കോ​ടി രൂ​പ​യാ​ണ് ചെ​ല​വ​ഴി​ച്ച​ത്.

ഇ​ത് മു​മ്പ് ക​ണ​ക്കാ​ക്കി​യ​തി​നേ​ക്കാ​ൾ 14.58 ശ​ത​മാ​നം അ​ധി​ക​മാ​ണ്. ചി​ല സം​സ്ഥാ​ന​ങ്ങ​ളി​ൽ പ​ദ്ധ​തി​ചെ​ല​വി​ൽ ഗ​ണ്യ​മാ​യ വ​ർ​ധ​ന ഉ​ണ്ടാ​യി​ട്ടു​ണ്ട്. ഇ​തും പ​രി​ശോ​ധി​ക്കു​മെ​ന്നും അ​ധി​കൃ​ത​ർ വ്യ​ക്ത​മാ​ക്കി. തു​ട​ക്ക​ത്തി​ൽ, 2.08 ല​ക്ഷം കോ​ടി കേ​ന്ദ്ര​വി​ഹി​ത​വും 1.52 ല​ക്ഷം കോ​ടി സം​സ്ഥാ​ന വി​ഹി​ത​വു​മ​ട​ക്കം 3.6 ല​ക്ഷം കോ​ടി​യാ​ണ് പ​ദ്ധ​തി​ക്കാ​യി നീ​ക്കി​വെ​ച്ച​ത്. എ​ന്നാ​ൽ, 2019 മു​ത​ൽ ഇ​തു​വ​രെ 8.29 ല​ക്ഷം കോ​ടി രൂ​പ​യു​ടെ പ​ദ്ധ​തി​ക​ൾ​ക്ക് അം​ഗീ​കാ​രം ന​ൽ​കി. ജ​ല​ശ​ക്തി മ​ന്ത്രാ​ല​യം 2.79 ല​ക്ഷം കോ​ടി രൂ​പ​യു​ടെ അ​ധി​ക ധ​ന​സ​ഹാ​യം ആ​വ​ശ്യ​പ്പെ​ട്ടെ​ങ്കി​ലും 1.51 ല​ക്ഷം കോ​ടി​ക്ക് മാ​ത്ര​മാ​ണ് അ​നു​മ​തി​യാ​യ​ത്.

ദേ​ശീ​യ ഗ്രാ​മീ​ണ കു​ടി​വെ​ള്ള പ​ദ്ധ​തി​യു​ടെ (എ​ൻ.​ആ​ർ.​ഡി.​ഡ​ബ്ല്യു.​പി) ജെ.​എം.​എ​മ്മു​മാ​യി 2019ൽ ​സം​യോ​ജി​പ്പി​ച്ച ശേ​ഷം ന​ട​ക്കു​ന്ന ആ​ദ്യ ​ഓ​ഡി​റ്റാ​ണി​ത്. മേ​യ് എ​ട്ടി​ന് ​കാ​ബി​ന​റ്റ് സെ​ക്ര​ട്ട​റി​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന അ​വ​ലോ​ക​ന യോ​ഗം പ​ദ്ധ​തി നി​ർ​വ​ഹ​ണം നേ​രി​ട്ട് വി​ല​യി​രു​ത്താനാ​യി ഉ​ദ്യോ​ഗ​സ്ഥ സം​ഘ​ങ്ങ​ളെ വി​ന്യ​സി​ക്കാ​ൻ തീ​രു​മാ​നി​ച്ചി​രു​ന്നു.

ഇ​ത്ത​ര​ത്തി​ൽ രാ​ജ്യ​വ്യാ​പ​ക​മാ​യി കേ​ന്ദ്ര നോ​ഡ​ൽ ഓ​ഫി​സ​ർ​മാ​രു​ടെ (സി.​എ​ൻ.​ഒ) 100ല​ധി​കം സം​ഘ​ങ്ങ​ളെ വി​ന്യ​സി​ച്ചി​ട്ടു​ണ്ട്. മ​ഹാ​ത്മാ​ഗാ​ന്ധി ദേ​ശീ​യ ഗ്രാ​മീ​ണ തൊ​ഴി​ലു​റ​പ്പ് പ​ദ്ധ​തി​യു​ടെ (എം.​ജി.​എ​ൻ.​ആ​ർ.​ഇ.​ജി.​എ​സ്) ഓ​ഡി​റ്റി​ങ്ങും സ​മാ​ന രീ​തി​യി​ൽ പു​രോ​ഗ​മി​ക്കു​ന്നു​ണ്ട്. തൊ​ഴി​ലു​റ​പ്പ് പ​ദ്ധ​തി​യി​ൽ 2013ലാ​ണ് അ​വ​സാ​ന​മാ​യി ദേ​ശീ​യ​ത​ല സി.​എ.​ജി ഓ​ഡി​റ്റ് ന​ട​ന്ന​ത്.