സി.എ.എഫ് ജവാന്‍റെ വെടിയേറ്റ് സഹപ്രവർത്തകർ മരിച്ചു

നാരായൺപൂർ: ഛത്തീസ്ഗഢ് സായുധ സേന (സി.എ.എഫ്) ജവാന്‍റെ വെടിയേറ്റ് രണ്ട് സഹപ്രവർത്തകർ മരിച്ചു. പ്ലാറ്റൂൺ കമാൻഡർ ബിന്ദേശ്വർ സഹാനി, ഹെഡ് കോൺസ്റ്റബിൾ രമേശ്വർ സാഹു എന്നിവരാണ് മരിച്ചത്. ഒരാൾക്ക് പരിക്കേറ്റു.

നാരായൺപൂർ ജില്ലയിൽ 9 ബറ്റാലിയൻ ബി കമ്പനിയുടെ ആംഡായ് ഗാട്ടി ക്യാമ്പിലാണ് സംഭവം. എ.കെ 47 തോക്ക് ഉപയോഗിച്ചാണ് അസിസ്റ്റന്‍റ് പ്ലാറ്റൂൺ കമാൻഡർ ഗനശ്യാം കുമേതി വെടിയുതിർത്തത്. 

പരിക്കേറ്റ പ്ലാറ്റൂൺ കമാൻഡർ ലച് റാം പ്രേമിയുടെ ശരീരത്തിൽ മൂന്ന് വെടിയുണ്ടകൾ തറച്ചതായി ആശുപത്രി അധികൃതർ അറിയിച്ചു.